2 Samuel 15:15 - Godigo dwagi yai po buku

¹⁵ Tialima, te kingo ofisa dabego te tama po wei ponani, “King o, te nago mena sę yainogo ebo, dago te nage wali pabo naga te sisi elalubao,” wali.

2 Samuel 15:15 Referans Kwoze

Bugagia Bidibo Kolesagade Po Asęai Buku 18:24

Te abagi hauwa elalubo bidi da, te aga dolaibao. Tiali goli, te bidi mebago te gasagi yai abagi mu elalu, tama te abagigo augwali dali te bugagia mu kęą pelama, te deli haliga mu yaibao. Te abagigo ebo kolesagago te ama nami augwa si tomode ebo kolesaga te aiyaba elalubo dao.

Dwagi Yai Gesi Po Jongo Asęani 15:14

Tama dagego eno wali po selama, te po bugagia wali asobaso da, teda dage eno abagi dabe dao.

2 Samuel 15:14

Devitgo te odolama, tama agai te aga dali Jerusalemde bidibo ofisa dabe te sisinama, tama augwaliba te tama po wai, “Dago te Jerusalem polo tagalama, tama polo wi pinao. Tiyu, Apsalomgo da tigidali elabuo. Da polo asesa pinao. Te tama tisąyu da, teda te Apsalomgo hani polo asiyu, te hanu dolama, tama te hanude we bidi tigidali elaibao,” Devitgo te po wali.

2 Samuel 15:16

Tama tialima, te king dali, te aga we wai dabe me, te aga ofisa dabe me, augwa te Jerusalem hanu tagalama, palio. Tiali goli, aga te namba tu wali te nogo si wali we hani te bidimainu yali, te kingo be tonalumainu tiai dao.

1 Samuel 14:7

Tama aga hwįbo nai tolasa bilibo bidigo te po wai, “Te usu dao. Nago mena sę yainogo ebaso da, teda eno deli haliga nage dali yaibao,” wai.

2 Samuel 9:11

Tialima, Sibago te tiwai po Devitba wali, “King o, te nago wali po tiwai gilama te tigidali sę eno yaibao,” wali. Te sę dabe elama, nosali Mefiboset te king Devit dali nai tugi peyu yali, te king aga ogwa me deli tiwai mu gagawai dao.