2 Samuel 15:12 - Godigo dwagi yai po buku12 Augwa pelama, te Hebronba sabolama, tama Apsalomgo te ofa me yai. Tama aga te ofa yali sogo, agai te taun hanu Giloba te bidi meba tagala palama, te Ahitofel sela asomainu yai. Ahitofel aga te king Devitba wiegi yai homu kolesaga mabo bidi dabede te bidi aga me deli dao. Tama aga te Gilo, te aga hanu tagasu, tama Apsalomba asai. Megi da, te Apsalom wali pabo bidigo namba te genuai pedaliyu, tama augwali te bomai hani mu pedelalio. Gade chapit la |
Ahitofelgo te Apsalomgo agai po wali pabo susiąbaso da, tama aga donkiba duagi pelama, tama aga hanuba digi ma geasa pai. Tama aga pelama, te aga we waigo tigidali doado bage me, te aga bisnis me, te tigidali dodolama, tama nosali aga digi te aga ba bonoba walama, tama isalio. Tama aga hani sibi dabego te aga tigi selama, tama aga ayago gų pageba pubaligi palio.
Husaigo po ola siminibo si da, teda Apsalom dali, te tigidali Israel dabe daligo te tama po wai, “Te Husaigo homu kolesaga te wiegi yai mu elama, tama te Ahitofelgo homu kolesaga te aiyaba elalualio,” te po wai. Genuai Bidigo te augwaligo homu te Husaigo homu kolesaga wali pomainu ilali, magi baso meni, Genuai Bidigo te Apsalom dolabo homu dola sai elaluai. Te mu tama, te Ahitofelgo homu te wiegi yai po wali, tiali goli Genuai Bidigo augwaligo te homu kolesaga wali pomainu me ilibeo.
Augwali te Sabea hani bidi dabeba pelama, te wiegi yai denami ebo hano yabo pauda abeligi pali. Tama augwa te tobage awi te wiegi yai denami ebo nai abelali, te digibulu bidi dabede abelai. Augwaligo homugo te nai dabego te augwa lotu wabo te wiegi yai eno gedude pedelaibao homu eyu tiali. Tialima, menio. Tama me, eno te augwaligo siaba ulama tigidali domainu ebo ofa, me te gasa ofa dabe augwaligo enabolo ebaso, te eno wiegi yai homu pemene ebo menio.