2 Samuel 14:4 - Godigo dwagi yai po buku

⁴ Aga te king gesabidide te tǫba degasa dulama, te kingba genuai nogi mayu tiali. Tama wego te tama po wali, “Te king o, eno homugo te nago ena tau somainu homu ebao.”

2 Samuel 14:4 Referans Kwoze

2 Samuel 1:2

Tama te sela sogo wabode te gesi ogwa bidi me deli te Siklakba sabolali. Agai te aga ugwa pisilama, tama aga tobolude te tǫ piali, te aga homu dene ebo ola magasiyu tiai. Aga te Devitba pelama, tama kidu sugunama, tama gesabidi tǫba pogulama, Devitba homu dwagi yai ilali. Te bidi te Sol bidali pesage tagalama, asali.

1 Samuel 25:23

Abigelgo Devit sulama, tama polo tama aga te donki dulaluali tagalu, tama te tǫba samonani.

1 Samuel 20:41

Te ogwa pai madi, teda Devit hogodama, tama te masigi tudi badu geme dualaluali taga soyu asama, tama Jonatan pąba kidu sugunagaselama, tama aga tobolu tǫba sela sogo basi gulali. Tama aga dolugulama, tama augwa si nono nenama, tama gela wai. Tama Devitgo homu dene eyu, hobede ebo homugo te Jonatango homu dene eyu hobede ebo homu te aiyaba elalualio.

2 Samuel 14:5

Tama kingo agaba hanalu wali, “Nago magi sęgę elalubawe?” Tama wego te tama po wali, “King o, ena bidi isai dao.

2 Samuel 18:28

Tialima, Ahimas te pąba asiyu, tama aga te kingba i weyu, te tama po wai, “Da te bugagia bidibao.” Tama aga te kingba sabolama, tama te tobolu tǫba basigulama, tama aga te po wai, “King, nage eno genuai bidi da, dago te dena Genuai Bidi God nogi ugwaba sinao. Te augwaligo nage dali hwįnama, te nage sela sąwainu yali, tiali goli Genuai Bidigo augwali te dago nogoba munama, tama dago augwali aiyaba elalualio,” wali.

2 Samuel 14:22

Joapgo te po odolama, tama aga te king gesabidiba te tǫba degasa dulama, te kingba genuai nogi mayu tialio. Tama agai te tama po wai, “O king, Godigo wiegi yai sę nageba yao. Megi da, eno koneani, nago enaba wiegi yai homu pemene ebao, magi baso meni, nago eno hanalu wali pode usu da po walio,” wali.