2 Samuel 14:21 - Godigo dwagi yai po buku

²¹ Te we pai madigi, tama nosali kingo te Joap i olama asobo si, tama agai te tama po Joapbolo wali. “Odao. Eno nago homu wali peyu, usu da po wali. Tama tialima, nage pelama, te Apsalom sigi pelama, tama aga odasa asao,” wali.

2 Samuel 14:21 Referans Kwoze

2 Samuel 14:11

Tiali goli, te wego po wadoliyu, te tiwai po ma wali, “King, eno homugo nago te naga Genuai Bidi Godigo nogide po bomo elama omainu homu ebao, tama augwaligo eno e gasa ogwa te ela mumainu homu me egobeo. Menio. Te mu tama, te deli kanemego te aga ama ela mumainu yabo bomai po muani te elaluali, tiali goli, nago agai te tama temainu elama, tama eno te wai ela mumainu me elamuo,” wali. Tama Devitgo te tama po wali, “Te Sesemane Sogo Bidibo Genuai Bidigo nogide, eno mu po nageba obao, augwaligo te nago ogwaba te magi sę deli me egobeo,” wali.

Dwagi Yai Gesi Po Makgo Asęani 6:26

Agai te tama po obaso, tama te tuni bidigo homu sęgę mu yalio. Tiali goli agai homude te agai mu po da dąų wali te aga dali hodobo te duada pelama nai tudu pabo bidi dabe gesabidide wali po, te pode homugo kone palali. Tama agai te wegigo po sela sągobeo homu yalio.

1 Samuel 14:39

Genuai Bidi te sesemane sogo bidada pidu, tama da Israel dabe tau sabo, tama aga nogide eno te tiwai bomai po dąų wali, te dwai sę yali bidi aga isimainao, te mena bidi yaibaso me te tagalao, te isimainu yaibao. Tama te dwai sę Jonatango me yaibaso da, te eno wai tama digi tagalao, aga te isimainu yaibao.” Solgo te po wai. Tiali goli, te niwai bidi me deligo te po wei me ponobeo, mu menio.

2 Samuel 14:22

Joapgo te po odolama, tama aga te king gesabidiba te tǫba degasa dulama, te kingba genuai nogi mayu tialio. Tama agai te tama po wai, “O king, Godigo wiegi yai sę nageba yao. Megi da, eno koneani, nago enaba wiegi yai homu pemene ebao, magi baso meni, nago eno hanalu wali pode usu da po walio,” wali.