2 Samuel 13:29 - Godigo dwagi yai po buku

²⁹ Tialima, te sę bidi dabego te Apsalomgo po wali peyu, tama te nai daa tubo sogo augwaligo te Amnon ela muai dao. Te kingo gasa ogomanigo te tama tebo sulama, tama augwali te augwa donkiba ąųą sigulama, tama wi soai dao.

2 Samuel 13:29 Referans Kwoze

Te Israel me Juda Hani Sigo Tuni Bidigo Po Elalubo Buku Deli 1:33

teda te kingo te tama po augwaliba wali, “Dagego te Solomon te eno donkiba duagulao po walama, tama dage dali, te ena tonalubo ami bidi dabe daligo, aga te wę Gihonba selasa piąo,” po wai.

2 Samuel 18:9

Te Apsalom te donkide dualasa peyu, tama donki te genuai ni kali te ni me elalubo dologodu pobadi, tama Apsalomgo bobage tobolu nisi te ni nologo tomode habela selama, dąų wali. Tama te donki udayu, tama Apsalom tede walaluai. Apsalomgo te Devitgo ami bidi meba te agaba gesabidi unulubaso, te sogo aga wi pobadi, te tama sę agaba pedelai dao.

Maika 7:3

Augwaligo te dwai sę ebo kolesaga mu koneani. Te ofisa dabego me jas dabego te bidi dabeba i weyu, te augwaliba te mone menama, te po tų dolainu ebo dao. Augwaligo deli homu ebo dao. Te genuai nogi elalubo bidi dabego te jas dabeba te homu wei godolo ebo po obaso, te po tų doloyu, te jas dabego te bidi dabego wabo po wali peyu ebo dao.

Bugagia Bidibo Kolesagade Po Asęai Buku 29:12

Te kantri tonalubo tobolu bidi aga te bidi dabego tibo po ola momainu eyu da, teda te dwai kolesaga naga ebo bidi dabe te aga sę ebo ofisa bidi naga bidaibao.

Pris Sę Ebo Bomai Po 19:19

“Dagego eno bomai po dabe wali piyąo. Dagego te kibu hasa sibi si augwa hasi omai sę elama, te wai ame nomainogo sula tagaligio. Tama dagego te tobage nai wai hani si te gi delide buligio. Tama dagego augwaligo te olo hobigo hobolai nami ugwa dali te sipsip nisigo nigai hobigo hobolai ugwa te me gudugio. Te kolesaga ebo habu dao,” wai dao.

Tigidali Nai Gagalama Nigali Side 36:24

Te Sibeongo ogwa dabe, te augwali e dao, Aia me Ana. Te bidi Anago te talua ge wę pedalubo te bidi meni yai madi pedalubo te aga aya Sibeongo kibu donki tonaluali sogo gegai dao.

2 Samuel 13:30

Te augwali sunumidu aseladubadi, te bidi meba polasa pelama, tama Devitba te tama po wai, “Apsalomgo te nago ogomani tigidali ela muani, tama deli me bidibeo.”

Te Israel me Juda Hani Sigo Tuni Bidigo Po Elalubo Buku Deli 1:38

Tama tialima, te Sadok, me Natan, me Benaia, me te king tonalubo ami bidi dabe dali, te augwali Keret me Pelet dabe, augwaligo te Solomonba po obaso, tama aga te king Devitgo donkide duagulama, tama augwaligo aga te wę Gihonba odasa pali.

2 Samuel 12:10

Tialima, bugagia odao. Nago eno po sela sąwanima, tama nago te Uriago we sali. Tama tialima, tigidali sogo nosali te bidi dabe mebago te nago hani sibi wąį bǫų dabe meba ela mubo sę yaibao.

2 Samuel 14:6

Polobadu eno ogwa si elaluali, tiali goli me sogo deli sogo augwa si te gide bidali, tama augwa si te magi nai me delide wado po olama, tama augwa si hwįani. Te augwa si hwįbo togolabo bidi meni yani, tama te ogwa me deligo bomo mu elama, tama aga ama ela muani.