2 Samuel 13:25 - Godigo dwagi yai po buku

²⁵ Tama kingo te tama po wei ponani, “Ogwao, menio. Da me pogobeo. Te da tigidali peyu da, teda nago da tonalubo sę eyu, te gesebo sę dene mu yabuo.” Tiali goli, Apsalomgo bomo eyu, te kingba hanalu wali, tama kingo bomo eyu, pabo hagela homu yai. Tama kingo te tama po wali, “Apsalom, te nage da pao.”

2 Samuel 13:25 Referans Kwoze

Godigo Sęba Tagala Palai Bidigo Po 16:15

Tiali da dago aga dali agai bede bidibo we bidi dali baptais mani. Tama agai dabolo te po wali, “Dagego homugo eno Jisas wali pabo homu ebaso da, eno homugo Jisas mu konealu baso da, teda dage aselama, eno beba bidagasao, osogo,” te po wai. Tama agai “Dage eno beba pinao” wali bomo mu yali. Tama tibaso, da aga dali pai.

Dwagi Yai Gesi Po Lukgo Asęani 24:29

Tialima, te bidi sigo Jisas “Pigio,” te po wai, “nage dadi si dali bidao,” wai. “Giliga iba dega sainogo ebo, tama pąde digi tama be hulia saibao,” wali. Tama tibaso, Jisas augwali sigo be tomoba pelama, augwali si dali bidai.

Dwagi Yai Gesi Po Lukgo Asęani 14:23

Te po odama, te genuai bidigo te po wali, ‘Moni taun taga pelama, te moni pabo tųde bidibo we bidi me, te dwasianu pabo tųde bidibo we bidi me gegegi pelama, eno beba asiąo po bomo elama wao, eno be pągąmainu, eno sisi yali nai augwaligo tumainu yao.

2 Samuel 14:22

Joapgo te po odolama, tama aga te king gesabidiba te tǫba degasa dulama, te kingba genuai nogi mayu tialio. Tama agai te tama po wai, “O king, Godigo wiegi yai sę nageba yao. Megi da, eno koneani, nago enaba wiegi yai homu pemene ebao, magi baso meni, nago eno hanalu wali pode usu da po walio,” wali.

Rutgo Po Elalubo Buku 2:4

Tama nosali gana, Boas agaduba digi aga te Betlehem hanude bidali tagalama, aga sę ebo bidi dabe augwali pageba sabolama, tama siade da weyu, te po wai, “Eno homugo te Genuai Bidi dage dali bidimainao,” wali. Tama augwaligo po wei ponoyu, te po wai, “Genuai Bidigo wiegi yai sę nagebolo ilimainao.”

2 Samuel 13:24

Apsalom te king Devitba pelama, tama agabolo te tama po wali, “King o, te bidi dabe augwali te eno sipsip nisi togobo sę ebaso, tama eno homugo te genuai nai daa tueinu ebao. Te nage dali, naga ofisa dabe augwali dali, dage te eno genuai nai daa tuboba asabo usu yaibawe?”

2 Samuel 13:26

Tiali goli, Apsalomgo te po wai, “Tialima, te nage pogobe da wida, te nago gomunai ogwa Amnon pomainu ebo usu egowe?” Tama kingo agaba hanalu wali, “Magi eyu te nago aga pomainu obawe?”