2 Samuel 13:22 - Godigo dwagi yai po buku

²² Tama Apsalomgo me te Amnon dali haliga sębę mu elama, tama aga godolo me ebeo, magi baso meni, Amnongo te dwai kolesaga agai abeba yali, Tamarba. Tama tiyu, Apsalomgo te mena sę yabo po deli me te Amnon dali po munu me ma mibeo.

2 Samuel 13:22 Referans Kwoze

Tigidali Nai Gagalama Nigali Side 31:24

Tama hulide, Aram bidi Labango na yali, tama God agaba pedelama, te po wali, “Nago te Jekop dali magi po me deli, ma aga wi ilibo sę me elamu dao,” te po wai.

1 Jon 3:15

Bidigo aga ama dali boi bidi homu ebo bidi, aga te bidi ela mubo bidi dao. Tama dagego koneai, bidi ela mubo bidi, te bidi aga te dwagi yai bidada peyu, bidada pabo ula elalubo menio.

Tigidali Nai Gagalama Nigali Side 24:50

Laban me Betuel augwali sigo po wei ponoyu, te po wai, “Yawe aga digi te sę pedalumainu yali. Te dago po meni.

1 Jon 2:11

Tiali goli niwai bidigo aga ama dali sębę eyu boi bidi homu eyu da, te bidi hulide bidibo dao. Aga hulide biliyu, be hulia saligo agai gedu dąų olama, tama aga pabo tų aga konesiąbaso gegebo dao.

1 Jon 2:9

Niwai bidi me deligo te po weyu, “Ena te ulade bidibo dao” obaso da, tialima te po wabo bidigo aga ama dali sębę elama boi bidi homu eyu da, te bidi aga be hulia sai digi me bidibao.

Efesus 4:31

Tama dagego boi bidi homu ebo me, te wado po weyu tama homu sębę ebo me, te genuai po daga wabo me, te posobo po me, te moni dwai homu ebo me, te tigidali dwai kolesaga ebo tagaliyu sela sąyao.

Efesus 4:26

Tama me sogo dagego homu sębę eyu da, teda dua dao, te dagego sębę ebo homugo dage te dwai sę ebo kolesaga tomoba kekeidali weyu. Tama te giliga piode dega sigi pisiabadi te homu sębę polo tagalama silao.

Matyu 18:15

“Te nago ama agai dwai kolesaga nage dali ebaso da, teda nage pelama dugaduba si digi bidiyu, tama nago aga dwai sę yali kolesaga te agabolo haninama ola mao. Tama agai nago po odobaso da, teda naga ama te dwai sęba kegali te nago aga ma oda sabo tiwai ebo dao, te dage si deli homu naga yaibao.

Kolesaga Koneai Bidigo Pusali Po Elalubo Buku 7:9

Nago gasa bidi dali haliga sębę polo mu igio, magi baso meni, haliga sębę polo ebo te wiegi yai homu kolesaga elalusiąbo bidi dabego homu kolesaga dao.

Bugagia Bidibo Kolesagade Po Asęai Buku 26:24

Te gasa bidi dabe wei homu isąbo bidigo, agai te augwali homu bega sabo po weyu, te augwaligo homugo te agai augwali wei homu eba homu emainu tiaibao. Tiali goli, agai te augwali tibo po naga ola maiabo homu ebo dao.

Bugagia Bidibo Kolesagade Po Asęai Buku 25:9

Te nago magi nai me delide te naga abagi dali te po elalubaso da, teda nage pelama, naga te abagi dali digi dodolao. Tiali goli, nago te naide te geme wali po odolama, nago te po aga dali me pusugio.

Bugagia Bidibo Kolesagade Po Asęai Buku 10:18

Te bidigo dwai haliga te gasa bidiba elama, tama te haliga dwai te geme dualainu ebaso da, teda agai te tibo po sesemane obao. Me ma, te bidigo te gasa bidiba geme posobo po obaso da, teda aga te kolesaga umuna sai bidi mu tiwai ebao.

Tigidali Nai Gagalama Nigali Side 31:29

“Eno te nage dolabo bomo elaluali, tiali goli hulide nago ayago Godigo enabolo te po wali, ‘Nago te Jekop wi ilibo sę deli me elamuo,’ po wali.

1 Jon 3:10

Edao. Te Godigo wai dabe dali, te Satango wai dabe dali, augwali dagalama hania koneabo tų e dao: dwagi yai doloba pai kolesaga wali pisąbo bidi, aga te Godigo wai menio. Tama aga ama dali dwagi yai homu eyu godolo isąbo bidi, te bidi me aga te Godigo wai menio.

1 Jon 3:12

Da te polobadu bidali bidi Kein bidali tiwai bidamuo. Aga te Satango bidi bidai, tama agai aga ama ela muai. Tama magi baso aga ama ela muaniwe? Agai dwai kolesaga naga yali, tama aga amago yali kolesaga tigidali dwagi yai doloba pai kolesaga yai. Tibaso, aga sębę elama, aga ama ela muai.

2 Samuel 13:21

Tama Devitgo Amnongo te kolesaga yali po odoyu, agai te wado po dwai mu walio.

Bugagia Bidibo Kolesagade Po Asęai Buku 26:26

Agai aga te homu geme dualubaso, usu yaibao wali, tiali goli te we bidi dabego agai te dwai kolesaga konea pabo dao.