2 Samuel 13:19 - Godigo dwagi yai po buku

¹⁹ Tiali goli, Amnongo te Tamar sela sąbo si da, Tamar pelama, te sia keli aga toboluba munama, tama te ugwa pisawali, te aga homu sęgę me homu dene ebo ola mayu, te tama tiali. Tama aga nogo te aga toboluba munama, tama bomonama gela weyu tama soalio.

2 Samuel 13:19 Referans Kwoze

Jeremaia 2:37

Te nago Isip dabe me tagalu, te sogo nage hale elama, te haliga sęgę dwai yaibao. Nago koneani, te hani dabego nage tau saiba homu yali, tiali ena, Genuai Bidi, eno augwali tudiba muanio, tama tiyu, augwaligo nage tau me sogobeo. Mu menio.” Te po wai dao.

Josua 7:6

Josua te homu sęgę mu elama, tama aga gudali ugwa pisąwai. Tama aga te Genuai Bidigo bomai dąų wali po halobage munalubo pąba te aga gesabidi te tǫba degasa dulama, munaluai. Tama te Israel dabe tonalubo bidi dabe augwali me te Josua dali tǫba degasa dulama, tama augwali tede bididubadi, te giliga aiyaba dega sigi pai. Augwaligo homu sęgę ebo te sa muyu, te augwa tobolude te tǫ hogomu muanio.

2 Samuel 1:11

Devitgo te po odama, tama aga haliga sęgę mu elama, tama aga ugwa pisa yali. Tama aga ami bidi dabego me te tobage deli kolesaga tiwai naga yalio.

2 Samuel 1:2

Tama te sela sogo wabode te gesi ogwa bidi me deli te Siklakba sabolali. Agai te aga ugwa pisilama, tama aga tobolude te tǫ piali, te aga homu dene ebo ola magasiyu tiai. Aga te Devitba pelama, tama kidu sugunama, tama gesabidi tǫba pogulama, Devitba homu dwagi yai ilali. Te bidi te Sol bidali pesage tagalama, asali.

Jopgo Po Asęani Elalubo Buku 42:6

Tama tibaso, eno digi ena wali pode hale mu te ebao. Tama eno te po wali pode ge neyu, ena tǫ hogomude me kelide dualalubao. Te nagebolo ena homu begelalio olama, te ola mayu, tama tibao.” Jopgo Genuai Bidibolo te po wali.

Jopgo Po Asęani Elalubo Buku 2:12

Augwali Jop pąba sabolisąma ebadi, augwaligo aga suali. Agai tigi mu dolai mu sulama, tama agai tigi gasagi yai mu elaluali. Hasia bolo te bidi Jop da te kuna konegobeo. Augwa ugwa pipisąyali, augwali hobede ebo ola momainogo, tama gela wabo gagalali. Tama augwaligo tǫ hogomu augwa tigiba ugwaba sąyani.

Esta 4:1

Mordekaigo te pasde elalubo po odali sogo, te aga dwai wi mu yali. Te aga homu sęgę mu ebaso, tama aga ugwa pisąwali. Tama agai te pipisila pai badi ugwa munama, tama te sia keli te aga tobolude muani. Agai muna silama, tama aga te hanu tomoba pali, tama gela genuai weyu, tama homu dene ebo balia wabo sę yai.

1 Samuel 4:12

Te Benjamin hanide ami bidi me deli te hwįani pesage taga soyu, te Siloba udulama, tama te sogo naga te buluba sabolali. Te hwįani sę pedelali sęde te aga haliga sęgę mu ebaso, tama aga gudubo ugwa pisilama, tama tobolude tǫ pialio.

Tigidali Nai Gagalama Nigali Side 37:29

Nosali te gomunai ama Ruben te ma aselama, te tǫ dedageba tonani, tiali goli Josep tede me bidibeo. Aga te homu dene elama, tama aga gudali ugwa pisą yali.

2 Samuel 13:20

Nosali, Apsalomgo te aga abe Tamar te gela ola asobo sulama, te agabolo hanalu wali, “Magi yaliwe? Te naga abe Amnongo te dwai sę nageba yali da homu ebe da, agawe? Tagalao, te nage homu sęgę kuna me elamuo, magi baso meni, te naga abe naga dao. Tiali goli, nago te Amnongo yali kolesaga te bidi me deliba me pusulamuo,” wali. Tama Tamar te Apsalomgo beba pelama, tama aga dali bidali. Tiali goli, Tamar te homu sęgę dali me mu sesemane sogo elalu bididualio.