2 Samuel 13:1 - Godigo dwagi yai po buku

¹ Apsalom te Devitgo ogwago abe te gasa sawi yai mu me deli bidali, aga nogi te Tamar. Tama Amnon, te Devitgo gasa ogwa mego, te Tamar godolo mu elama,

2 Samuel 13:1 Referans Kwoze

Tuni Bidi Dabego Po Elalubo Buku Deli 3:9

Devitgo te tama ogwa dabe ame nai. Tama agai ogwa meba umabo me elaluali, te agai si wali hani we dabego ame nani. Tama Tamar te Devitgo wegi dao.

Tuni Bidi Dabego Po Elalubo Buku Deli 3:2

Sela wali ogwa Apsalom. Aga ida, te Maka, te Talmaigo wegi da, te Gesur king bidi da. Te ene nanobo me si me si wabo ogwa nogi Adoniya. Aga ida da, te Hagit dao.

2 Samuel 14:27

Tama Apsalom te we sali, tama te ogwa sela elaluai, te wegi deli, aga nogi te Tamar. Tamar te gasa sawi yai we mu dao.

2 Samuel 13:15

Te Amnongo aga dali pilama da, teda megi da, agai te Tamar wei elama, godolo homu me ebeo. Polobadu agai te Tamar wei eyu, godolo mu yali, tiali goli megi da, agai te Tamar wei homu me isiąma, tama agade te haliga dwai mu elalu dalio. Tama tiyu, aga po bomo elama, Tamarba weyu, “Nage pao,” wali. “Nage ede me bidamuo,” wali.

Bugagia Bidibo Kolesagade Po Asęai Buku 31:30

Te we me deligo dabolo te pusu yai po waibao, tiali goli agai kolesaga te gasagi yai tedali elaluai. Te gasa sawi yai we mu subo, aga sesemane sogo te tiwai me bidigobeo. Tiali goli, Genuai Bidide wi eyu, aga dologode bidibo wego nogi te dago ugaba sabo usu yaibao.

Bugagia Bidibo Kolesagade Po Asęai Buku 6:25

Nago te wego te sawi yai tigi subaso, te nago pesą ebo homu me igio. Tama agai te nage kekainu te nageba tonono ebaso da, teda nage te agaba me pigio.

Te Israel me Juda Hani Sigo Tuni Bidigo Po Elalubo Buku Deli 11:1

Solomongo te gasa bulu we dabe hauwa te wei eyu, godolo homu yai. Agai te Isip king bidigo wegi sali, tiali goli agai te gasa bulu te Moap, me Amon, me Idom, me Saidon, me Hit, te tama bulu we dabe me te sali.

2 Samuel 11:2

Me sogo deli be pio ebode Devit godege pilama, tama pio mu ebadi, aga te betde pila muani tagalama, hogodaluali. Te aga be te pedu daide te toma nabo pesage elaluai. Tama tialima, aga teba ugwaba holama, tama tede toma neyu bilali. Aga te aba tonono bilibadi, tama agai te we me deli gasa bede wę paudubo suali. Tama te we te gasa sawi yai we muo.

Tigidali Nai Gagalama Nigali Side 34:3

Tiali goli, Sekemgo te Jekopgo wegi Daina te wei mu ebaso, tama agai te aga homu wiegi yai ilibo po dua digi wai.

Tigidali Nai Gagalama Nigali Side 29:20

Tama tibaso, Jekopgo te Resel sainu, te kibu be a naga me badu si, te tama sę iduai. Tama Jekopgo te kibu be a naga me badu si te agai homu kone palali te yadela pali, magi baso meni, agai te Resel godolo mu yai.

Tigidali Nai Gagalama Nigali Side 29:18

Jekopgo te Resel godolo mu yali, tama tibaso, agai te po wai, “Eno te kibu be nogo a naga olama, me badu si te nagede sę yaibao, te nago gesi wegi Resel sainogo tama tiaibao,” wali.

Tigidali Nai Gagalama Nigali Side 6:2

Tama te Godigo ogwa dabego te wegi mani dabe sulama, te gasa sawi yai mu yai. Tama augwali deli deligo augwa homugo digi te we dabe anoma eyu, tama augwali selama, bidali.

2 Samuel 13:2

tama aga pesa mu yai. Tiali goli, Tamar te bidi me deli dali me pagela pisąwai, tama augwa te habu seliyu, te bidi me deli aga pąba me pelamuo po wai. Tama tiyu, Amnongo koneani, aga te Tamar pąba pelama, tolasainu yabo usu meni yai, tama Amnon aga te Tamarde wei mu eyu, godolo mu elama, te aga gasi sai.