2 Samuel 12:7 - Godigo dwagi yai po buku

⁷ Tialima, Natango te tama po Devitbolo walali, “Te mone hauwa elalubo bidi wali, te nage tama dao! Tama God, te Israel dabe dago Genuai Bidigo, te tama tiwai po nagede elalubao, ‘Eno nage tau saligo, tama nage Solgo me dolobeo. Tama eno nage te Israel king bidi pedalumainu nigilali.

2 Samuel 12:7 Referans Kwoze

Matyu 14:14

Tama nosali Jisas aga te gebadu pelama, te wę u badu tugi pelama, tama agai genuai we bidi bidalubo suali. Tama agai augwali homu dene mu ebaso, tama agai augwaligo gasi sai bidi dabe usu ma ilali.

1 Samuel 16:13

Tialima, Samuelgo agai te selasa pali oliv wel selama, tama agai te wel te Devit toboluba te aga ama dede gedude gelali. Tama te sogode te Genuai Bidigo Mobo Bidi te agaba bomo elama bidagaselama, tama te Mobo Bidi agade nosali sesemane sogo bidada pali. Samuelgo wel te Devit toboluba munama da, teda Samuel te Ramaba ma pai.

2 Samuel 22:1

Te Genuai Bidigo Devit te Solgo nogode, me te tigidali gasa boi bidi dabego nogode, te ma dobola sobaso, tialima Devitgo te balia gagalama weyu, te Genuai Bidiba balia wali.

Te Israel me Juda Hani Sigo Tuni Bidigo Po Elalubo Buku Deli 20:42

Tama profetgo kingba te tiwai po wai, “Genuai Bidigo te tama po walio, ‘Ena Genuai Bidi, eno te po wai dao, te dage boi hwįbo sogo, dagego te boi bidi tigidali mu ela muao. Tiali goli, nago te Benhadat sula tagalama pomainu yali, tama nago aga ami bidi dabe wi pomainu sula tagalai. Tama tibaso, nage isibogo te Benhadatgo pesage nago hasegelaibao, te nago ami bidi dabe me isibogo te agai ami bidi dabego pesage hasegelaibao,’” te po wai dao.

Te Israel me Juda Hani Sigo Tuni Bidigo Po Elalubo Buku Deli 18:18

Tama Elaijago Ahapgo poba wei ponoyu, te tiwai po wai, “Nago tibo po obao. Te sę yabo page eno menio. Te sę yabo page nago dali, te nago ayago hanide dali elalubao, magi baso meni, dagego te Genuai Bidigo po sela sąnama, te dagego tibo god Bal dabeba lotu oduai dao.

2 Samuel 22:49

Tama agai ena te boi bidi dabego nogode ma dobola sai. Genuai Bidi, nago enaba te we bidi dabego gedude genuai nogi manio. Nago ena tau sobaso, tama te hwįbo bidi dabego ena me ela mubeo.

2 Samuel 7:8

Tama God Genuai Bidigo te po Natanbolo ma weyu, tama po wali, “Te eno sę bidi, Devitbolo, te tiwai po wao,” wali. “‘Ena, Te Tigidali Bomo Elalubo Genuai Bidi, eno nage te sipsip tonalubo sę ebo bidi bidibadi selama, tama eno nage sa muyu, te eno hani bage bidi, te Israel dabego tobolu bidi pedalumainu yai dao.

1 Samuel 23:14

Devit pelama, te bulu meba wiegi yai madi te Sif bulu pąde, te bulu du dabede geme dualaluali. Te bulu pedai te bidi meniama, olo elalubo bulu tama. Tama Solgo Devit sesemane sogo gegabo sę yali, tiali goli Godigo te Solgo aga somainu me ilibeo.

1 Samuel 23:7

Tama bidi mebago Solbolo weyu, te tiwai po wali, “Devit te Keilaba pelama bidibao,” wai. Tialima, Solgo te po wai, “Wiegi yai mu da, megi te Godigo aga te ena nogoba mawaibao. Devit te obo elalubo taun tomoba pali, tama te kolesagade aga digi aga te kalabus tiwai ilali. Tama tiyu, eno aga tuainu ebo te sunumi gegebo sę dene yai dao.”

1 Samuel 18:21

Tama agai homu te tiwai yali, ‘Wiegi yai mu da. Te Mikal eno te Devitba mawaibao. Tama eno te Devit te Filistia dabe dali hwįmainu tagala palaibao, te wegi abelibo mone mabo tiwai elama, tama te Filistia dabego aga ela mumainu yaibao.’ Tama Solgo Devitbolo ma po wali, “Eno homugo nago te eno wegi somainu homu ebao,” wali.

1 Samuel 15:17

Tialima, Samuelgo Solba te tiwai po wai, “Polobadu naga homugo nage te olo nai tiwai homu yali, tiali goli nage te da Israel hanigo polalubo tobolu bidi pedelali. Genuai Bidigo digi nage sa munama, tama nage te king bidi pedelai dao.

1 Samuel 13:13

Tialima, Samuelgo agabolo te po wai, “Nago kolesaga mu geda muanio. Nago te dena Genuai Bidi Godigo te nagebolo mani po, te nago wali me pabeo. Te nago agai po wali pigi sogo da, teda agai nage me, naga hani daligo me, te Israel bage sesemane sogo tonalumainu iligi dao.

Godigo Nogi Ugwaba Sabo Tęąbi Po Wabo Buku Dabe 18:1

God, eno nage wei mu ebao. Nago ena dąų walai.

1 Samuel 18:11

tama te tiwai homu yali, ‘Megi da, te eno Devit te sesemone enego enama, tama aga ela muaibao,’ homu yai. Tialima, agai te sesemone ene te Devitba sąnama enani, tiali goli Devitgo te sesemone ene geda munama, ela soali. Tama Solgo te tiwai si sogo yali.

2 Samuel 14:13

Tialima, megi da, te wego po hanilama te Devitba walali, “Magi baso naga digi nago te tobage dwai kolesaga te Godigo we bidi dabeba yai dawe? Naga digi nago te naga ogwa sela sąyu, ela gudulama, tama nago aga ma asomainu ebeo. Tama tialima, megi nago enaba te mani pogo, naga digi naga sęgę elalubo po ilali dao.

Te Israel me Juda Hani Sigo Tuni Bidigo Po Elalubo Buku Deli 14:7

Nage te naga bidi Jeroboam pageba ma geasa pao,” wali, “tama agabolo Genuai Bidigo e po tama pusa magi pao,” wali, “‘Ena God, Israel hanigo Genuai Bidi dao, eno e tama po obao. Jeroboam o, eno nage deli te Israel hani tomode sai dao, eno hani we bidi dabeo, tama eno nage deli tama augwaligo genuai bidi king nigilama bidimainu dąį ilai dao.

Daniel 4:22

King o, te ni da, te nage tama dao. Nago genuai nogi mu te we bidi tigidaligo gedude elalubao, tama nago bomogo te tigidali bulu tǫ habu usu nama tonalubo dao,” wali.

Te Israel me Juda Hani Sigo Tuni Bidigo Po Elalubo Buku Deli 20:40

Tialima, king, eno te gasa sę hauwa eyu, eno te boi bidi bugagia tonalusiąwai, te aga wi palio,” wali. Tialima, kingo agabolo te tama po wai, “Naga digi naga po tų ilalio. Tama te nageba magi sę pedelaibao, te nage koneani dao.”

Jeremaia 34:6

King Sedekaia te Jerusalemde bidibadi, tama profet Jeremaiago te po tigidali agabolo pusugi pali.