2 Samuel 12:6 - Godigo dwagi yai po buku

⁶ Tama agai te magi nai doado bage meni yai bidibolo te sipsip me si me si te wei ponao wagi dao, magi baso meni, agai dwai kolesaga mu elama, tama te bidide homu dene dwasianu me ebeo,” wali.

2 Samuel 12:6 Referans Kwoze

Ma Dobola Sali 22:1

Tama Genuai Bidigo po dage wadolama weyu, te po wai, “Tama bidi me deligo te bulmakau, me ma te sipsip me te wi selama ela muyu, me ma agai te gasa bidigo abelemainogo yai baso da, teda dagego te kibu page bidibolo te nai wi sali bidi agai te bulmakau a naga sobadi, te sipsip me si me si sobadi elama, wei ponomainao.

Dwagi Yai Gesi Po Lukgo Asęani 19:8

Tama Sakius doligulama, agai te Genuai Bidi Jisasbolo te po wai, “Genuai Bidi, suao. Eno masigi dabe, doado bage tigidali si bugwaibao. Si bugulama, nai meni yai we bidi dobawaibao. Tama bidi mebolo eno ili po olama, agai nai wi sali da, tama megi te nai eno me si me si elama, wei ponaibao,” wali.

Bugagia Bidibo Kolesagade Po Asęai Buku 6:31

Tiali digi, augwaligo agai te yali sę augwaligo te pepeli deliba hanilani da, teda augwaligo aga te po tų ilama, tama agai te nai hauwa mu wei ponomainu yaibao, te aga bede elaluali doado bage te tigidali te mu siliboba usu naibao.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Ma Dobola Sali 21:34

teda te tǫ dedage nigali bidigo te kibu page bidi abelao. Tama te isali kibu aga somainao.”

Nehemia 5:11

Dago augwaligo negeli yali tagalao. Tama augwaligo te mone me wit, ma wain, me te oliv wel, te augwaligo negeli sali nai dabe te wei me ponogobeo. Tama te me wain gi me, oliv gi me, be me dagego te we bidide sali doado bage dabe, te dagego augwaliba ma maiąo, tama dagego te negelide ugwadu manani profit mone me te ma maiąo,” te po wai dao.