2 Samuel 12:3 - Godigo dwagi yai po buku

³ Tiali goli, te magi doado bage meni yani bidigo te dwasianu sipsip kibu so me deli naga elaluali. Aga te sipsip abelama, te bugagia tonaluai. Tama te sipsip aga bede bidiyu, tama te bidi aga wai dabe dali te genuai pedelama bidali. Tama aga tubo nai kakali te sipsipba mayu, tama te sipsipgo aga wę tubo kapde wę tumainu eyu yali, tama te sipsip te bidi aga hagawiade piyu yai. Tama tiyu, te sipsip te aga wegi tiwai mu pedelali.”

2 Samuel 12:3 Referans Kwoze

Maika 7:5

Awe, te sogo te ogwa dabego te augwa aya dabeba posobo po dwai weyu, te wegi dabego augwa ida dabego po sela sąyu yaibao. Te bidigo sali we dabego te augwa auwa dabe dali konila po weyu yaibao. Te bidi aga we wai dali te boi bidi pedelaibao. Tibaso, nago te naga abagigo wabo po me, hai namugo po me, te osola suao, dua dao. Tama nago te naga we dali wabo po tigidali me, te bugagia tonalu te yao.

2 Samuel 11:3

Tialima, Devitgo te niwai we mu yaliwe, te mu koneai sainu, te bidi me deli tagala palali. Tama agai te tama koneani, te we aga te Batseba bidibo suali, te Eliamgo wegi, tama aga te Uriago we dao, te Hit hani bidi me deli dao.

Bomai Po 13:6

“Tialima, te bidi o we, te dagego ama, o duga ogwa, o duga wegi, o duga we me, te dagego godolo mu ebo we me, o duga abagi mugo me, agai geme mu tama dagebolo tibo godiba lotu po wao po obaso da, teda dagego agai po me odamuo. Magi baso meni, dage me duga wąį dagego te tibo godiba polobadu lotu po me wai menio.

2 Samuel 12:2

Te mone hauwa elalubo bidigo te bulmakau me sipsip hauwa umabo elaluali.

2 Samuel 12:4

“Tiali goli, me sogo deli te mone hauwa elalubo bidi aga abagi aselama, te aga beba sabolagasali. Tialima, te mone bidigo te aga sipsipgo digi me deli elama, tama aga abagi ula maiabo homu me ebeo. Menio. Aga pelama, te magi doado bage meni yai bidigo sipsip sigi pelama, te elama, tama ulama, te aga abagigo tumainu yalio.”