2 Samuel 12:19 - Godigo dwagi yai po buku

¹⁹ Tialima, Devitgo te augwa hasi pomu po ola pabo suali, tama megi da aga koneani, te wai isali homu yalio. Tama agai augwaliba te tama po hanalu wali, “Wai isali da, agawe?” Tama augwa te po wali, “Awe, aga isalio.”

2 Samuel 12:19 Referans Kwoze

2 Samuel 12:18

Te Sadede deli pabo side tama te wai isalio, tama te Devit aga sę ebo bidi dabego te wai isali po te agabolo walabo te augwa wi mu yalio. Augwa hasi digi augwa po mia siyu, te tama po wali, “Te wai isisąbadi, te dago Devitba po waligi pali, tiali goli te agai dago po odabo homu isiąwani. Tama tiyu, megi te dago agabolo te wai isali po walainu ebaso, te usu me egobeo. Tiyu, aga hodalu, te aga digi aga dolabuo,” augwaligo te po mia sali.

2 Samuel 12:20

Devitgo te po odolama, aga te be soiyame degedude pila muani hogodama, tama pelama, wę pagu pali. Tialima, aga tigi te denami ebo wel sandago au ilama, tama tobolu nisi yagago selama, tama gesi ugwa muani. Tama aga te Genuai Bidigo lotu beba pelama, tama Genuai Bidiba lotu po wali. Tama Devit te aga beba ma begasa asobo sogo, agai te aga nai ulubo bidi dabeba hanaluama, tama augwaligo te aga nai meba te pouba togolama, tama aga nai tuai dao.

2 Samuel 13:39

Tiali goli, nosali, aga te Amnonde homu dene yai sia sabo side, tama aga te Apsalomde homu dene ebaso, te aga ma asomainu homu yai dao.

1 Tesalonaika 4:13

Dago abagi dede o, edao. Te Godigo po wali pisiąwani we bidi augwaligo augwa homu Godiba musiąyu, te isali we bidi gų pagede ma hodalobo sogo augwaligo tonalusiąma, tama te isibo we bidide augwali homu dene eyu, gela mu wabo dao. Tiali goli, dago homugo te Godigo po wali pelama isali we bidide te dagego bugagia koneao. Dagego te buluba bidibo we bidigo gela wabo tiwai waidali weyu, dago e po dagebolo obao.