2 Samuel 11:8 - Godigo dwagi yai po buku

⁸ Devitgo Uriabolo tama po wai, “Wiegi yai mu dao. Eno odalio. Megi nage te naga beba pelama, tama wę payu, toma nao.” Tialima Uriago te king tagalama, buluba dia soali. Tama nosali Devitgo te bidi me deli tagala palama, te wiegi yai homu ilibo nai te Uriaba selasa pali.

2 Samuel 11:8 Referans Kwoze

Tigidali Nai Gagalama Nigali Side 18:4

Te eno bidi me deli i olama, te wę sela asama, dage sągą wę telamainu yaibao. Dage te ni pagede toma tuyu, dulaluiagameo.

Hibru 4:13

Te Godigo nigali nai me deli te God agai gedude te geme dula sainogo ebo te usu munu me egobeo. Menio. Te tigidali nai te hania mu te Godigo gedude tigidali te elalubao. Tama Godigo naga te dago ebo kolesaga tigidali dagalabo bidi dao.

Dwagi Yai Gesi Po Lukgo Asęani 12:2

Magi magi nai tigidali mesegaluali, te daiba hania hanilaibao. Tigidali mesegalubo po me konea sialibao. Magi po me dagego hulide wali, te po ulade odaibao.

Dwagi Yai Gesi Po Lukgo Asęani 7:44

Te sogo naga Jisas te we pageba ugwaba begegi soyu, Saimonbolo te po walio, “E we nago subawe? Ena nago beba asali goli, nago ena bugagia gesesiąwai, eno sągą ąį tela yabo ąį me mawai meni. Tiali goli, e wego gela guago eno sągą sawali ąį tedalama, aga bobobage tobolu nisigo eno sągą holali.

Aisaia 29:15

Te we bidi dabego augwa dwai kolesaga dabe Genuai Bidigo gedude dualainu usu sabo dao. Te augwali da, mu dolaibao. Augwaligo te kolesaga dabe augwaligo sesąwai madi, me hulia sai pesagede augwaligo te kolesaga dabe ebo dao. Tama augwaligo te po wabo dao, “Dego mu da sulama, dego mu koneaibawe?”

Godigo Nogi Ugwaba Sabo Tęąbi Po Wabo Buku Dabe 55:21

Te pedauwalide agai pusai po wali, tiali goli te haligade agai te boi bidi enade elaluali. Te agai pogo dago tabi nagame ilama bidibao. Tiali goli, te po te bobobage bainat hwą tiwai mu poa pelama, tama da togobao.

Godigo Nogi Ugwaba Sabo Tęąbi Po Wabo Buku Dabe 44:21

Nago te bidi dago haligade geme elalubo homu te tigidali konea pai elalubo dao.

Godigo Nogi Ugwaba Sabo Tęąbi Po Wabo Buku Dabe 12:2

Te tigidali bidigo te gasa bidi dabeba tibo po wabo da. Te homu bega sabo pogo augwali te geagano bilibo tiwai ebo dao.

Tigidali Nai Gagalama Nigali Side 43:34

Tama te Josepgo sę ebo bidi dabego te Josepgo tebol saide nai selama, te ama dedebolo dobalama, tuali. Tama te ama dedego nai togolama, dobayali, te tuabo usu naga mani. Tiali goli, te Benjamingo nai te augwaligo genuai mu togwali, te a naga bidigo tuabo nai usu. Tialima, augwali te nai me, wę me te Josep dali hodobo tuyu, tama augwali homu pemene wiegi yai mu yali.

Tigidali Nai Gagalama Nigali Side 43:24

Tama agai augwali Josepgo beba odasa pali. Agai augwalibolo te sągą wę telabo wę mayu, te nai meba te donkibolo mayu yai.

Tigidali Nai Gagalama Nigali Side 19:2

tama agai te po wai, “Abagi, dage si aselama, duayagasu bolo yao,” te po wali. “Dage si eno beba asiąo. Dage si sągą bolo wę tedelama, tama dage si megi hulide ede piagameo. Tama kigamu duga si hogodama, pagameo.” Tiali goli, augwali sigo po wei ponoyu, te tiwai po wali, “Menio. Da si te bede me pigobeo. Te da si e bidi sisinibo pesagede piaibao,” wali.