2 Samuel 11:7 - Godigo dwagi yai po buku

⁷ Uria te aselama, te Devit pageba sabalubo si, tama Devitgo te tama po agaba hanalu wali, “Joap te aga ami bidi dabe dali bugagia bidibawe, ma meniwe? Tama te boi hwįbo mena tama tebawe? Da te ugwaba dia holabo homu ebowe, ma meniwe?” Tama Uriago te sę ebo po dabe te agaba pusali.

2 Samuel 11:7 Referans Kwoze

1 Samuel 17:22

Devitgo te nai dabe te walu tonalubo ofisa bidi dabeba menama, tama aga te ami dabe bidibo madiba udulama, tama aga ama dede dali po miani.

Tigidali Nai Gagalama Nigali Side 37:14

Tama ayago te po wali, “Nage te naga ama dede bidiboba pelama, tama augwali sugi pao, te augwali bugagia bidibowe, ma meniwe? Tama nago te sipsip dabe me suyu, te augwali usu elalubowe, ma meniwe? Te augwali sulama, teda nage ma ena bidibo madi asiyu, tama enabolo wagameo,” wali. Te aga aya Jekop te Hebron hanu odogo tǫde bidiyu, tama te Josep tagala palali. Josep digibulu pelama, tama te Sekem tǫba sabolama,

Tigidali Nai Gagalama Nigali Side 29:6

Tama Jekopgo augwalibolo hanalu wai, “Laban bugagia bidibowe?” Tama augwaligo te po wai, “Aga bugagia bidibao. Nago suao. Resel, te agai wegi, te Labango kibu sipsip hani dali megi te asobao,” wali.

Ma Dobola Sali 18:7

Tama Mosesgo te po odama, tama agai Jetro tiąba tųdu pai. Tama Mosesgo mage basi gulama, tama nosali agai aga sebedi usai. Tama augwa si bidabo po dabe olama, tama nosali augwali Mosesgo ugwa be tomoba pai.

2 Samuel 11:6

Devitgo te tama sę ebo konebaso, tama agai po me deli Joapba ola toliyu, te tiwai po wai, “Eno homugo nago Hit hani bidi, Uria, te enaba tagala palomainu homu ebao,” wali. Tama Joapgo Uria te Devitba tagala palali.