2 Samuel 11:6 - Godigo dwagi yai po buku

⁶ Devitgo te tama sę ebo konebaso, tama agai po me deli Joapba ola toliyu, te tiwai po wai, “Eno homugo nago Hit hani bidi, Uria, te enaba tagala palomainu homu ebao,” wali. Tama Joapgo Uria te Devitba tagala palali.

2 Samuel 11:6 Referans Kwoze

Bugagia Bidibo Kolesagade Po Asęai Buku 28:13

Te bidigo aga dwai sę yali geme dualabo homu ebo bidi da, teda aga bugagia me bidigobeo. Tiali goli, te bidigo aga dwai sę yali tigidali pusulama, tama te dwai sę dabe tudiba mubaso da, teda Godigo te olo mu tau sabo wiegi yai kolesagago aga bugagia tau saibao.

Matyu 26:74

Tialima megi da Pitago po bomo mu elama weyu, agai tibo po obaso da, teda Godigo aga ela mumainogo eyu te po wai, “Mu tamao, eno te bidi munu me konebeo. Mu menio.” Agai te po ola silai madi, tama polo te ba kakaruk po walio.

Matyu 26:72

Tama Pitago po geme ma dualiyu, bomonama te po wai, “Mu tamao, eno te bidi me konebeo.”

Matyu 26:70

Tiali goli Pitago po weyu, menio po te tigidali bidigo gedude bomonama, te po wai, “Eno nago te wabo po page konebeo.”

Aisaia 29:13

Genuai Bidigo te po wali, “Te we bidi hani dabe augwaligo eno nogi augwaligo pedauwalidu naga ugwaba sabo dao. Tiali goli, augwaligo homu dali, homu kolesaga si enade digibulu mu elalubao. Augwaligo enaba mu lotu po wabo menio. Augwaligo te bidigo digi muai bomai po, te po naga augwali ola mani po, augwaligo te po naga wali pabo dao.

1 Samuel 15:30

Tama Solgo po wei ponoyu, te tama po wali, “Mu da, eno dwai sę yalio. Tiali goli, te nage ena dali asobo homu usu eyu da, te eno dago Genuai Bidi Godiba lotu wagowe? Tama tiyu da, nago te tobolu bidi dabe me te gasa we bidi dabego te augwa homu ena bugagia ma konemainu ilao,” te po wai.

Tigidali Nai Gagalama Nigali Side 4:7

Te nago dwagi yai kolesaga eyu da, teda eno nage dali dwagi yai homu yaibao. Tiali goli, nago dwai kolesaga eyu da, teda dwai sę ebo kolesaga nage pąde bidiyu, tama tego nage godolo eyu, tama nage aiyaba elaluabo sogo tonalubao, te moni nasi yai bulu hasa tiwai dao. Tiali goli, nago bomo elama, te dwai sę ebo kolesaga aiyaba elaluao,” Yawego Keinbolo te po wai.

2 Samuel 11:5

Tama bidama gana nosali, Batseba aga haliga ebo si koneama, tama aga Devitba po ola tolali.

2 Samuel 11:7

Uria te aselama, te Devit pageba sabalubo si, tama Devitgo te tama po agaba hanalu wali, “Joap te aga ami bidi dabe dali bugagia bidibawe, ma meniwe? Tama te boi hwįbo mena tama tebawe? Da te ugwaba dia holabo homu ebowe, ma meniwe?” Tama Uriago te sę ebo po dabe te agaba pusali.

2 Samuel 23:39

Uria te Hit hani bidi da. Te ami bidi dabego namba te bidi sese deli olama, nogo si olama, a naga me badu si, te tigidali usu nama te 37 ami bidi dabe dao.