2 Samuel 11:2 - Godigo dwagi yai po buku

² Me sogo deli be pio ebode Devit godege pilama, tama pio mu ebadi, aga te betde pila muani tagalama, hogodaluali. Te aga be te pedu daide te toma nabo pesage elaluai. Tama tialima, aga teba ugwaba holama, tama tede toma neyu bilali. Aga te aba tonono bilibadi, tama agai te we me deli gasa bede wę paudubo suali. Tama te we te gasa sawi yai we muo.

2 Samuel 11:2 Referans Kwoze

Matyu 5:28

Tiali goli megi eno po dagebolo obao: Te bidi me deligo agai te we me deli olo naga agai homude godolo ebo homu eyu, tama te we dali penani sę yabo homu eyu tonono eyu da, te bidi agai homude te bomo yai po bolama, tama agai homude te penani sę ebo tiwai yali dao.

Godigo Nogi Ugwaba Sabo Tęąbi Po Wabo Buku Dabe 119:37

Nago ena tau selama, te dwai sę ebo tudiba muaibao. Nago ena dwagi yai bugagia ilao, te nago ena dali wali po wali pao.

1 Jon 2:16

Magi baso meni, tǫde bidigo kolesaga tigidali, te kolesaga e tama telalubo da wali, te tigigo bidigo homu hodolama tama mena dwai sę ebo kolesaga, te gedugo haniani nai sulama godolo ebo kolesaga, te bidigo mena naide hagoma homu eyu aga nogi ugwaba sabo kolesaga, te tobage kolesaga Aya Godigo mabeo. Menio. Te kolesaga e tǫde pedalobo kolesaga dao.

Godigo Sęba Tagala Palai Bidigo Po 10:9

Te do te bidi sela augwali pelama, te Jopa be nani pąba sabaligi pobadi, te giligade Pita te be pedu sai yai madigi teba holama, bidali, te Godibolo po wainu yali.

Bugagia Bidibo Kolesagade Po Asęai Buku 6:25

Nago te wego te sawi yai tigi subaso, te nago pesą ebo homu me igio. Tama agai te nage kekainu te nageba tonono ebaso da, teda nage te agaba me pigio.

Jopgo Po Asęani Elalubo Buku 31:1

Te bidi Jop agai po ma wadoliyu, e tama wali, “Eno bomo yai po dąų mu olama, e tama wai dao. ‘Eno we sibi gedu me elama, penani ebo homu me egobeo,’ po wai dao.

1 Pita 4:7

Te tigidali nai silabo sogo te pąba yagasobao. Tama tibaso, dage te homu nagamea pai we bidi bidao, te dage God dali te hanalu wabo po gisiga omainogo te dagego duga homu bugagia tonaluyu bidao.

Bugagia Bidibo Kolesagade Po Asęai Buku 31:30

Te we me deligo dabolo te pusu yai po waibao, tiali goli agai kolesaga te gasagi yai tedali elaluai. Te gasa sawi yai we mu subo, aga sesemane sogo te tiwai me bidigobeo. Tiali goli, Genuai Bidide wi eyu, aga dologode bidibo wego nogi te dago ugaba sabo usu yaibao.

Bomai Po 22:8

“Te dagego gesi be me sę ebo sogo, dagego te be nigilama, te sawale yai pedu sesegede dagego dwasianu obo yao, te bidi me tula muidali weyu. Tama tiyu da, te obo elaluali goli, te bidi me tulaluyu, isilibaso da, teda dagego sęgę sogobeo, te page aga digi dao,” Mosesgo te po wali.

Tigidali Nai Gagalama Nigali Side 3:6

Te hasamanigo te po olama, tama wego te nedu du sulama, tama te nedu du gasa wiegi yai au mu sulama, tama aga du te wiegi yai mu elaluali. Tialima, wego te tiwai homu yai, ‘Te eno te tiwai dwagi yai koneabo kolesaga siyu da, teda te dwagi yai mu yaibao,’ te homu yalio. Tama tiyu, wego te nedu du meba selama, tama tuali. Nosali agai te nedu du meba bidibolo mani, tama agai me tualio.

Matyu 10:27

Tama te hulide eno dagebolo ola mabo po, te po dagego te giligade we bidibolo pusao. Tama dagego te olode duadigi odali po, te dagego te be daiba holama, te po augwalibolo pusao.

Bugagia Bidibo Kolesagade Po Asęai Buku 19:15

Te hagela bidi dabe te sesemane godege pila mudaibao. Te olo naga bidibo bidi da, teda te nai meniama, te nai sili bidaibao.

Tigidali Nai Gagalama Nigali Side 34:2

Hamor, aga te Hivi hani bidi me deli, aga tede tobolu bidi nigilama bidai. Agai ogwa, te Sekem, agai te Daina sulama, tama agai aga nogo tulama, tama aga dali dwai sę yali.

Tigidali Nai Gagalama Nigali Side 6:2

Tama te Godigo ogwa dabego te wegi mani dabe sulama, te gasa sawi yai mu yai. Tama augwali deli deligo augwa homugo digi te we dabe anoma eyu, tama augwali selama, bidali.

2 Samuel 4:5

Me sogo deli sogode, te ama nami si te Rekap me Bana te Isbosetgo beba pelama, te augwali si giliga tomo yagasobode te agai beba sabolali. Te sogode te Isboset te toma neyu, te aga be habu badu pila mudai.

1 Samuel 9:25

Tama nosali augwali te ofa yali bulu tagalama, tama te taunba dulai. Tama Samuelgo te Sol te aga be peduba odasa holama, tama Sol dali po miani. Tama hulide Sol te Samuel dali te bulude piali.

Tigidali Nai Gagalama Nigali Side 39:6

Tialima, Potifargo te agai doado bage tigidali tonalumainu Josep te tonalubo bidi nigilali. Tama aga digi te magi nai me deli tede te agai homu me ebeo. Menio. Agai te aga tubo naide naga homu yali. Tialima, Josepgo tigi te wiegi yai mu elama, tama gasagi yai sawi yai bidi mu pedelali.

Matyu 24:17

Tama te be daide ugwadu bidibo bidi te aga be aiya dulama, te doado bage me sigilugobeo, aga wi naga pao.

Tigidali Nai Gagalama Nigali Side 12:11

Tama Abram te pelama, te Isip pąba sabalubo sogo, te aga we Saraibolo tama po wai. Agai te po wali, “Odao, eno koneani, nage te gasa sawi yai we mu dao.

Bomai Po 5:21

“‘Dagego gasa bidigo we pesą igio. Tama dagego agai be pesą daliyu, me tǫ pesą daliyu, me agai sę ebo we bidi me pesą iyu, me kau kibu pesą iyu, me donki kibu me pesą me iyu elamuo, me te agai meba gasa nai dabe me pesą me iyu elamuo.’”

2 Samuel 13:1

Apsalom te Devitgo ogwago abe te gasa sawi yai mu me deli bidali, aga nogi te Tamar. Tama Amnon, te Devitgo gasa ogwa mego, te Tamar godolo mu elama,

2 Samuel 14:27

Tama Apsalom te we sali, tama te ogwa sela elaluai, te wegi deli, aga nogi te Tamar. Tamar te gasa sawi yai we mu dao.

Bugagia Bidibo Kolesagade Po Asęai Buku 7:8

Te gesi bidi te dwai penani sę ebo we me deligo be pąba pelama, bilali.