2 Samuel 10:8 - Godigo dwagi yai po buku

⁸ Tialima, te Amon dabe te augwa genuai hanu taun, te Raba, te masigigo bagulali obo te tomoba pabo sunumi elalubo pąde te sisinama dolaluali. Tama te Siria dabe me, te Top dabe me, te Maka dabe augwali te kala sili elalubo pesagede wasilama, sisinama bidaluali. Tama tigidaligo te Israel dabe dali hwįainu sisi elalualio.

2 Samuel 10:8 Referans Kwoze

2 Samuel 10:6

Te Amon dabe augwa koneani, augwa te tiali kolesagade te Devitgo haliga sębe mu ilabo sę yali homu yai. Tama tiyu, te Devit augwali dali hwįagaselama, augwali aiyaba elaluidali homu eyu, augwa te bidi meba te Siria tǫba tagala palama, te Betrehop bulu bidi dabe me, Soba bulu bidi dabe, augwali dali te bomai po dąų walali. Tama te bulu side te ami bidi umabo mu, te 20,000 bidi tagala palu, te Amon dabe dali hwįbode tau sagasomainu tialio. Tama te Amon dabego te Top bulu bidi dabe dali me te bomai po dąų walama, te ami bidi umabo mu, te 12,000 bidi sainu tiali. Tama te Amon dabego te Maka bulu king bidi dali me bomai po dąų walama, te augwali te Devit dali hwįbode tau sabo ami bidi dabe umabo, te 1,000 bidi me abelama, salio.

Tuni Bidi Dabego Po Elalubo Buku Deli 19:7

Augwaligo Hanunba te boi hwįbo nai karis te bidi sese hauwa 32,000 manio. Tama me, te Maka taun king bidi aga ami dali asu, te Hanun tau sagasainu yali, tama augwa bidabo pesage te taun Medeba pąba sili nigilama bidagasalio. Te Amon ami bidi dabe me augwa te taun dabe tagalama, te augwali asama, te Israel dabe dali boi hwįainu sisi elaluai dao.

Te Israel Tobolu Bidi Dabe 1:31

Tama Asergo hanigo te Ako me Saidon, me Alap, me Aksip, me Helba, me Afek, me Rehop, te tama hanude bidali we bidi te augwaligo me sela sąsiąwai.

Josua 19:28

tama Ebron, me Rehop, me Hamon, me Kana tama pali, te genuai hanu Saidonba sabolali.

Israel Hanigo Namba 13:21

Tama te bidi dabe augwali te bulu tǫ dabe tigidali mu sa susa biligi pali. Te giliga asobo badu wę meni sane bulu badu gagalama, te saut badu usu nigi pali, tama te hanu Rehopba saboligi pali, te hanu Hamatba pabo sunumi pąbadu te not badu.

Te Israel Tobolu Bidi Dabe 11:3

Tama tibaso, Jepta aga wi peyu, tama aga ama dede taga palio. Tama aga pelama, te Topgo tǫba bidigi pai. Agai te dwai sę ebo bidi meba haliga bega sabo po obaso tama augwali aga wali asai. Tama augwali te bulu dabeba tedela pelama, tama te bidi dabe elibo sę elama, tama augwaligo doado bage dobabo sę yali.

Te Israel Tobolu Bidi Dabe 11:5

Augwaligo tama tibaso, teda te Gileat bulu genuai bidi dabe te Topba pelama, te Jepta sigi pali.

2 Samuel 10:7

Te Devitgo te Amon dabego te tama tiwai eyu, te ami bidi dabe sisinibo po odolama, tama agai te Joap dali, te Israel ami bidi dabe tigidali dali tagala palu, te augwaliba boi hwįgi pomainu yali.

2 Samuel 10:9

Joapgo te boi bidi dabe sulama, tama agai koneani, te Israel dabeba augwaligo te si badu bugasa hwįaiba homu yali. Tama tibaso, agai te Israel wiegi yai bomai ami bidi meba nidigili pelama, tama augwali te kala silide bidalubo ami bidi hani dabe bidalubo pąde te augwali wasilali. Tama aga digi te augwali tonaluali.

2 Samuel 23:34

Elifelet, te Ahasbaigo ogwa, te Maka bulu tǫ pedai bidi, Eliam, te Ahitofelgo ogwa, te Gilo bulu bidi

Te Israel me Juda Hani Sigo Tuni Bidigo Po Elalubo Buku Deli 11:24

Nosali te Devitgo te Hadatesergo ami bidi dabe ela silali sogo, te Reson aga hani dabe dali te Damaskus hanuba pelama, bidigi pai. Tama aga hanigo aga tau sobaso, aga te Damaskus hanude king pedelali.

Tuni Bidi Dabego Po Elalubo Buku Deli 19:9

Tialima te Amon dabe te taun Raba bagulali genuai obo sunumi pąde dolaluali, te augwaligo genuai taun da. Te Siria king ami bidi dabe aselama, te Amon dabe tau sagasali, te augwali te kala bulu badu dolaluali. Tama tigidaligo te Israel dabe dali boi hwįainu sisi elaluai dao.

Jeremaia 40:8

Tialima, te ofisa dabe augwa ami bidi dabe selama, tama augwaligo Gedalia te Mispa teba sugi pali. Te ofisa nogi dabe e tiwai, Ismael, Netaniago ogwa, te Johanan me Jonatan, te Kareago ogwa si, te Seraia, te Tanhumetgo ogwa, te Netofa bulu bidi Efaigo ogwa dabe me, te Jesania, te Maka tǫ bidi dao.