2 Samuel 10:6 - Godigo dwagi yai po buku

⁶ Te Amon dabe augwa koneani, augwa te tiali kolesagade te Devitgo haliga sębe mu ilabo sę yali homu yai. Tama tiyu, te Devit augwali dali hwįagaselama, augwali aiyaba elaluidali homu eyu, augwa te bidi meba te Siria tǫba tagala palama, te Betrehop bulu bidi dabe me, Soba bulu bidi dabe, augwali dali te bomai po dąų walali. Tama te bulu side te ami bidi umabo mu, te 20,000 bidi tagala palu, te Amon dabe dali hwįbode tau sagasomainu tialio. Tama te Amon dabego te Top bulu bidi dabe dali me te bomai po dąų walama, te ami bidi umabo mu, te 12,000 bidi sainu tiali. Tama te Amon dabego te Maka bulu king bidi dali me bomai po dąų walama, te augwali te Devit dali hwįbode tau sabo ami bidi dabe umabo, te 1,000 bidi me abelama, salio.

2 Samuel 10:6 Referans Kwoze

2 Samuel 8:5

Te sogo te Damaskus bulude bidali Siria dabe, augwali hogodama, te king Hadateser dali hwįbo tau sigi pali. Tiali goli, Devit dali, aga ami bidi dabego dali, te Siria ami bidi dabe te bidi sese umabo, te 22,000 bidi ela muani.

2 Samuel 8:3

Tama nosali, Devit dali, te aga ami bidi dali, augwa te Soba tǫ kingba boi hwįgi pali, aga te Hadateser, te Rehopgo ogwa dao. Soba bulu tǫ te Siria hani bage me deligo tǫ pedai elaluai. Te sogo Hadatesergo aga ami bidi dabe selama, tama te wę Yufretis pedai badu pidubo sę elama, te boi bidi dali hwįainu yali, te aga tǫ pedai ma sainu yali. Tama Devitgo hanigo augwali sisinama,

Tigidali Nai Gagalama Nigali Side 34:30

Jekopgo Simeon de Livai augwali sibolo te po wai, “Dage sigo ena te dwai ilalio. Te tigidali we bidi tede bidalubo, augwali te Kenan hani me Peres hani, augwaligo te ena godolo ma egobeo. Eno bidi dabe te hauwa me elalube, tama te bidi dabe augwa hasi te deliba sisiniyu da, teda augwaligo ena dali, te eno we wai dabe dali tigidali ela silaibao,” te po wai.

1 Samuel 27:12

Tialima, Akisgo te Devitba homu kęą peyu, tama tiwai homu yali, ‘Agai te Israel dabeba hwįgi peyu, te aga abagi dabeba digi hwįgi poba,’ homu elama, ‘tama tibaso, augwaligo aga wei ebo homu meni yani. Megi da, te agai ena tau siyu, tama eno sę sesemane sogo yaibao,’ te po wai dao.

Te Israel Tobolu Bidi Dabe 18:28

Te augwali tau sabo bidi me meni yai, magi baso meni, te hanu te Saidon bulu digibulu elaluali. Tama augwaligo bisnis sę te gasa hani dabe dali me isiąwai. Te hanu te Betrehop hanu pąde elaluali. Tama te Dan hani dabego te hanu ma nigilama, tama augwa tede bidali.

Te Israel Tobolu Bidi Dabe 11:5

Augwaligo tama tibaso, teda te Gileat bulu genuai bidi dabe te Topba pelama, te Jepta sigi pali.

Te Israel Tobolu Bidi Dabe 11:3

Tama tibaso, Jepta aga wi peyu, tama aga ama dede taga palio. Tama aga pelama, te Topgo tǫba bidigi pai. Agai te dwai sę ebo bidi meba haliga bega sabo po obaso tama augwali aga wali asai. Tama augwali te bulu dabeba tedela pelama, tama te bidi dabe elibo sę elama, tama augwaligo doado bage dobabo sę yali.

Bugagia Bidibo Kolesagade Po Asęai Buku 25:8

nago homugo agai te dwai kolesaga eba homu elama, tama nago asesa polo te aga po tųba sela mugio. Te gasa bidigo te sę ebo mu koneama, tama nosali agai nago po aiyaba elalubaso da, teda nago magi yaibawe?

2 Samuel 8:12

Agai te silva me gol dabe te Idom dabede, me Moapde, me Amon dabede, me Filistia dabede, me Amalek dabede te nai dabe sali, tama te Soba hanu tǫ te king Hadateserde te me sai dao. Agai te tobage sali nai dabe tigidalide te Godigo nai dao po olama, Godiba maduali.

1 Samuel 13:4

Te bidi dabego te tiwai po augwalibolo wali, Solgo te Filistia hani ami bidi dabe aiyaba elalubaso, tama megi da, te tigidali Filistia dabego te Israel dabe dali boi bidi ebao. Tialima, te bidi dabego te po odama, tama augwali Sol dali te Gilgal buluba sisinagasai.

Bomai Po 3:14

Nosali te Manase hani bidi me Jairgo te bulu Argop sese tama sali. Te tǫ augwaligo te Basan te wabao. Te tǫ dąį te bulu Gesur me Maka bulu si sesegeba te dąį igi palio. Tama aga digi aga nogi te bulu dabe poali. Tama tialima, te bidi dabego te po wabo dao, te bulu dabe te Jairgo bulu dabe dao wabo dao.)

Ma Dobola Sali 5:21

Tama augwaligo te bidi si dali te po wai, “Dena homugo te Genuai Bidi Yawego dage sigo kolesaga osola suao, tama Genuai Bidi agai dage sibolo dene mawaibao, magi basowe, dage sigo te tuni bidi dali, te aga tobolu bidi dabe dali, augwaligo da te dwai nai tiwai mu, te homu ebo dage sigo ilalio. Te tuni bidigo da elemainogo dage sigo tų nigibao,” te po wai.

2 Samuel 10:5

Tiali goli, te bidi dabe augwa te hale mu ebaso, tama augwa buluba ma pabo te augwa hagela homu yali. Te Devitgo haniba te Hanungo te tama kolesaga yali po odama da, teda agai te bidi dabeba te tama po ola tolali, “Dage te Jerusalemba polo asabo homu kelekele me elamuo. Menio. Dage te Jerikode bidilama, te dagego penane nisi ma holobo si, tama nosali dage asiąo,” wali.

2 Samuel 10:7

Te Devitgo te Amon dabego te tama tiwai eyu, te ami bidi dabe sisinibo po odolama, tama agai te Joap dali, te Israel ami bidi dabe tigidali dali tagala palu, te augwaliba boi hwįgi pomainu yali.

2 Samuel 23:34

Elifelet, te Ahasbaigo ogwa, te Maka bulu tǫ pedai bidi, Eliam, te Ahitofelgo ogwa, te Gilo bulu bidi

Te Israel me Juda Hani Sigo Tuni Bidigo Po Elalubo Buku Si 7:6

Magi baso, tigidali te Siria bage wi pela silai suali. Te pio mu, te Genuai Bidi aga digi te Siria bage augwali wi pomainu genuai po mu kulukulu u wai, te Siria bage augwaligo odama, tama tialima, te genuai hani ami bidi dabe te bidi duabo kibu hos me, me te karis kibu dabe dali, augwali hodobo asai tiwai ąǫ yali. Tama te Siria bage augwaligo te po tama wai, “Tialima, te Israel bage augwaligo te Hit king bidi badi, te Isip king dabe dali, augwaligo abelama, tama te ami bidi dabe augwaligo da dali hwįagasainu wabao,” wali. Siria bagego te po olama, tama te augwali bidali pesage polo tagalama, tama augwali polo tama mu hodaluama, isidali weyu wi pai. Augwaligo te sel ugwa be me, te hos kibu me, me te donki kibu me, augwa naga tede bidibadi taga pai. Tama augwali wi pai, tama augwali peyu, magi nai me deli sela pabe.

Godigo Nogi Ugwaba Sabo Tęąbi Po Wabo Buku Dabe 48:4

Polobadu te king dabego te Saionba hwįgi painu yai. Augwali te deliba sisinama, tama te taun pąba asai.

Jeremaia 40:8

Tialima, te ofisa dabe augwa ami bidi dabe selama, tama augwaligo Gedalia te Mispa teba sugi pali. Te ofisa nogi dabe e tiwai, Ismael, Netaniago ogwa, te Johanan me Jonatan, te Kareago ogwa si, te Seraia, te Tanhumetgo ogwa, te Netofa bulu bidi Efaigo ogwa dabe me, te Jesania, te Maka tǫ bidi dao.

Jeremaia 46:21

Te Isip dabego te gasa hani bidi dabe te augwa ami bidi pedalumainogo abelali. Te Isip dabego augwali bugagia tonalubaso, te augwali bugagia mu bidali, te nisai bulmakau tiwai yali. Tialima, te boi bidi pedelabo sogo, te bidi dabe te hwįbo tagalama, wi paibao, te gasa Isip ami dabego me te tiwai yaibao. Augwali te bomo elama, dolalu me hwįbeo, magi baso meni, te dwai sę ebo sogo mu augwaliba pedelama, te augwali dolaibao. Te sogo te augwa yali dwai kolesagade usu nama, te augwali dwai dene mu saibao.

2 Samuel 16:21

Tama Ahitofelgo te po wali, “Nage pelama, te naga ayago si wali we hani dali pigi pao, agai te kingo be tonalumainu taga pai. Te nago tama tiyu da, teda te tigidali Israel we bidi hanigo te tama koneaibao, nago te naga aya dali boi bidi ebo tiwai mu pedelaibao. Tama tiyu, te megi nage wali painu ebo we bidi tigidaligo, augwa te nage wali pabo bomo mu yaibao,” wali.

Te Israel me Juda Hani Sigo Tuni Bidigo Po Elalubo Buku Deli 11:24

Nosali te Devitgo te Hadatesergo ami bidi dabe ela silali sogo, te Reson aga hani dabe dali te Damaskus hanuba pelama, bidigi pai. Tama aga hanigo aga tau sobaso, aga te Damaskus hanude king pedelali.