2 Samuel 10:19 - Godigo dwagi yai po buku

¹⁹ Te king Hadatesergo dologode bidali king mebago te tiwai ebo si, te Israel dabego augwali aiyaba elalubo sulama, tama augwa te Israel dabe dali nogo menama, tama augwali dologode bidalio. Tama te Siria dabe te Israel dabede wi mu elama, tama tibaso, augwaligo te Amon dabe tau ma me sabeo.

2 Samuel 10:19 Referans Kwoze

2 Samuel 8:6

Tama Devit aga ami bidi meba te Siria dabego bulu tǫ pedaide muna muna pelama, te augwaligo wąbi ma hwįdali weyu, te tonalumainu muani. Tama te Siria dabe te Devitgo dologode bidiyu, tama augwaligo agaba takis mone mani. Te tigidali bulu tǫ pedaiba Devitgo boi hwįgi pabo side, te Genuai Bidigo aga tau siyu, tama aga ugwaba dįą holali.

Kraisgo Geme Dualali Sę Pedelabo Po Jonbolo Ola Mani 18:10

Te we aga te dwai dene sabo suyu, te augwali aga digibulu dolaluyu te po wabo, “Aua, hobede yali, hobede mu te bulu Babilon dali yai. Nage te genuai hanu, tama nage bomo yai hanu dao. Tiali goli te deli sogo naga nago dwai sę yali sęgę nageba mu pedalalio.”

Daniel 2:37

King, nage te polasa mu polalubao, tama nago te tigidali gasa king aiyaba elaluai. Te dagalude bidibo Godigo agai nage sa munama, tama agai nageba te genuai bomo, me genuai nogi mawai dao.

Aisaia 26:11

O Genuai Bidi, nago nogo polo balalubao, te dwai we bidi dene mawainogo. Tiali goli, augwaligo subeo. Genuai Bidi, te nago naga we bidi godolo mu elama, tau sabo kolesaga te augwaligo sumainao. Tama te dwai bidi dabe augwali hale dwai mu yaibao. Tama nago naga boi bidi dabe ulabo isi, te isigo augwali mu ula silaganio.

Tuni Bidi Dabego Po Elalubo Buku Deli 19:19

Te Siria dabe te king Hadateser dologode bidali sogo, te suali, te tiwai te Israel dabego augwali aiyaba elaluai baso, augwaligo Devitba walama, te augwaligo Israel dabe augwali dali munu ma boi hwįgobeo po walio, tialima augwali te Devit dologode bidali. Te tudi badu nosali, te Siria dabego te Amon dabe tau selama, te Israel dabe augwaliba ma hwįbo hagela yai dao.

Te Israel me Juda Hani Sigo Tuni Bidigo Po Elalubo Buku Deli 20:1

Te Benhadat, te Siria king bidi, te aga ami bidi soldia dabe tigidali sisinama, te Israel dabeba boi hwįgi painogo sisi ilali. Tama te bidi sese deli olama, nogo si olama si, 32 gasa king bidi te augwa hos hani dabe me, te boi hwįbode kegasa pabo karis me selama, te aga tau sagasainu yalio. Tialima, tigidali pelama, te Samaria taun bagua sigi pelama, te Israel dabeba boi hwįainu elalualio.

Te Israel Tobolu Bidi Dabe 1:7

Tama Adoni Besekgo te po wali, “Polobadu eno te tuni bage bidi sese sela te gasa bidigo nogo si te 70 bidi te augwali eno te a nogo me, a sągą me togolama, tama augwaligo te nai kakali te eno tebol sai dologode sela tuyu yai. Megi Godigo te tiwai sę naga te enaba wei ponobao,” wali. Tama augwaligo te tuni bidi Adoni Besek te moni hanu Jerusalemba sela pelama, te Jerusalemde bidibadi tama aga isai dao.

Josua 11:10

Te silama, nosali Josua ma begasa asiyu, tama te hanu Hasor selama, tama te hanude bidali tuni bidi ela muai. Te sogo te Hasor hanu te tigidali tǫde elaluali hanu dabego te polaluali hanu elaluai.

2 Samuel 8:3

Tama nosali, Devit dali, te aga ami bidi dali, augwa te Soba tǫ kingba boi hwįgi pali, aga te Hadateser, te Rehopgo ogwa dao. Soba bulu tǫ te Siria hani bage me deligo tǫ pedai elaluai. Te sogo Hadatesergo aga ami bidi dabe selama, tama te wę Yufretis pedai badu pidubo sę elama, te boi bidi dali hwįainu yali, te aga tǫ pedai ma sainu yali. Tama Devitgo hanigo augwali sisinama,