2 Samuel 10:10 - Godigo dwagi yai po buku

¹⁰ Tama agai aga ama, Abisai, nigilama, te agai gasa ami bidi dabe tonalumainu nigilali, tama Abisaigo augwali te Amon dabe bidalubo pąde wasilali.

2 Samuel 10:10 Referans Kwoze

2 Samuel 10:9

Joapgo te boi bidi dabe sulama, tama agai koneani, te Israel dabeba augwaligo te si badu bugasa hwįaiba homu yali. Tama tibaso, agai te Israel wiegi yai bomai ami bidi meba nidigili pelama, tama augwali te kala silide bidalubo ami bidi hani dabe bidalubo pąde te augwali wasilali. Tama aga digi te augwali tonaluali.

2 Samuel 10:11

Tialima, Joapgo Abisaibolo te tama po walali, “Te hwįbo hodolama hwįbo sogo, tama nago suali, te Siria dabego da aiyaba elaluabo homu ebaso da, teda dage asu, da tau sagasao. Ma, te Amon dabego dage aiyaba elalueinu ebaso da, teda dago dage tau sagasaiba,” wali.

2 Samuel 23:18

Abisai, aga te 30 bomai ami bidi dabego polalubo ofisa bidi da wali. Aga te Joapgo ama, tama augwa si ida te Seruia dao, te we da te Devitgo abe dao. Me sogo deli sogode Abisaigo te aga sesemone tulama, tama te 300 boi bidi dali hwįnama, tama tigidali ela muai. Tama aga te sela ami bidi dabego sali genuai nogi tobage te agai me salio.

2 Samuel 18:2

Tama agai aga ami bugulama, te genuai hani sela nigilama, tama Joapgo te hani me deli tonalu, tama Abisai, te Joapgo amago, te hani me deli tonalu, tama te Get bulu bidi Itaigo te hani me deli tonalu yali. Tama Devitgo aga hani ami bidi dabeba te tama wai, “Te ena digi ena me te hwįboba dage dali paibao,” wali.

Tuni Bidi Dabego Po Elalubo Buku Deli 18:12

Tama nosali, Abisai, te Seruiago ogwago, te Devitgo ami bidi dabe selama, te Tamu Hauwa Elalubo Odogo Bulude bidibo Idom dabeba boi hwįgi pali. Tama augwaligo te bidi sese umabo te 18,000 Idom bidi dabe ela muai dao.

Tuni Bidi Dabego Po Elalubo Buku Deli 19:1

Te Devit te bomai king pedelai madi, tama nosali Nahas te Amon dabego king isama, te aga ogwa Hanun, te king pedelai dao.