2 Samuel 1:7 - Godigo dwagi yai po buku

⁷ Tama Sol begelama, tama ena sulama, te ena i wali. Tama eno te po wali, ‘Awe, genuai bidio,’ wali.

2 Samuel 1:7 Referans Kwoze

Aisaia 65:1

Genuai Bidigo te po wali, “Ena, Genuai Bidi, te eno augwali tau somainu gedu haluasa po wasiąbo we bidigo gedu haluasa po wabo odainu, te tonalu sisilalubao. Te ena bidibo augwali enaba asobo tonalubao, tiali te augwaligo ena gegabo homu isąwani. Eno te po wali, ‘Sesemane sogo ena bidibo, te dage tau sainu ebao,’ tiali goli augwali te enade digibulu bidiyu, te eno nogi augwalide musiąwai hani bidibo tiwai ebo dao.

Aisaia 6:8

Tama eno Genuai Bidigo ensel sibi hanaluyu, te po wabo odali, “Dago de tagala palaibawe? Dego eno po sela paibawe?” Tama eno te po wali, “Nago ena tagala palao.”

2 Samuel 9:6

Te bidi aga nogi te Mefiboset dao. Aga te Jonatango ogwa, tama te king Solgo ogwago wai, te aga nǫų wąį dao. Te aga sabalubo sogode, teda aga kidu sugunugulama, tama aga gesabidi tǫba pogulama, te Devitgo nogi ugwaba siyu tama tiali. Tama Devitgo agabolo te tama po wali, “Mefiboset, siade dao.” Tama Mefibosetgo te tama po wali, “King o, ena naga sę bidi naga dao.”

1 Samuel 22:12

Te pris hani pedalubo side da, teda Solgo Ahimelekbolo te tama po wai, “Ahimelek, eno nagede po elalubao.” Tama Ahimelekgo te po wali, “Genuai bidio, nago magi po elalubowe?”

Te Israel Tobolu Bidi Dabe 9:54

Tama polo agai te aga hwįbo nai sabilibo gesi bidi i wali. Tialima, agai te po agabolo wali, “Te nago bainat hwą selama, ena elao,” wali. “Te bidi dabego te po weyu, te wego ena ela muani po wabo te eno homugo usugobeo,” wali. Tama tibaso, te gesi bidigo te hwą bainatgo aga enama, tama aga isali.

2 Samuel 1:6

Tama te gesi ogwa bidigo te po wali, “Ena te Gilboa bulu dude bidiyu, tama eno suali, te Solgo aga sesemone te tǫba dodolama, tama aga digi te sesemone enede tialuainu dąų walubo sę eyu tonaluai. Tama me te boi bidi dabe te Sol pąba pabo sę iduali, te karisde dugawali ami dabe, me te hosde dugawali ami bidi dabe, augwaligo te tiwai yali.

2 Samuel 1:8

Tama agai enabolo te tama po hanalu wali, ‘Nage mena badu bidi dawe?’ Tama eno te po wai, ‘Ena te Amalek bidi me deli dao,’ walio.