2 Samuel 1:6 - Godigo dwagi yai po buku

⁶ Tama te gesi ogwa bidigo te po wali, “Ena te Gilboa bulu dude bidiyu, tama eno suali, te Solgo aga sesemone te tǫba dodolama, tama aga digi te sesemone enede tialuainu dąų walubo sę eyu tonaluai. Tama me te boi bidi dabe te Sol pąba pabo sę iduali, te karisde dugawali ami dabe, me te hosde dugawali ami bidi dabe, augwaligo te tiwai yali.

2 Samuel 1:6 Referans Kwoze

1 Samuel 28:4

Te Filistia dabego te Israel dabe dali hwįainu yai. Tialima, te Filistia ami dabe te not pedai badu pelama, tama te augwa osogo bidabo pesage te Sunem taun pąde nigai. Tama Solgo te Israel ami bidi dabe sisinama, tama augwali pelama, te augwa bidabo pesage te bulu du Gilboade nigilama bidali.

Dwagi Yai Gesi Po Lukgo Asęani 10:31

Tebadi yaide, te pris bidi me deli te tųdu naga pali. Tama agai te elali bidi te tama telalubo sulama, te tų bogo badu bogelama ela soyu pali. Te bidi tau sabeo.

2 Samuel 1:21

“Te dago bomai ami bidi dabe te Gilboa bulu dude isalio. Tama te hwįani sabele dabe te bulu du dabede olo munalubo. Tama te Solgo sabele me te olo munalu, tama augwaligo me mubeo. Tama tibaso, eno homugo te hulide tulubo tulubage segeni wę, me tulubage te bulu duba munu ma tulumainu me egobeo. Tama nai me te tǫde munu ma pedalumainu me egobeo.”

1 Samuel 6:9

Tama dagego te karis mena tama pabowe suainu, te bugagia tonaluiąo. Te aga te taun hanu Betsemes tǫ te halobage asali bulu tǫ badu wali pobaso da, teda dagego bugagia koneiąo, te Israel dabego Godigo te dwai sę daba tagala palali da waibao. Tiali goli, karis te tiwai elama pisąbaso da, teda dagego koneama, Godigo te genuai sęgę daba tagala palobeo. Menio. Te sęgę olo naga pedelali wabo dao,” augwaligo te po wai.

Rutgo Po Elalubo Buku 2:3

Naomigo po ola silama, tama Rut te gi me deliba pelama, tama aga te gide sę ebo bidi dabe augwali wali pelama, tama te olo tulaluai munalubo bali dabe sisinibo sę yai. Aga te mena bidigo giba pali te agai me konebeo. Tiali goli, aga te Boasgo giba dolo pai, te bidi hani me deli te Elimelekgo hani dao.

2 Samuel 1:5

Tialima, Devitgo agabolo hanalu wali, “Mena tama tilama te Sol de Jonatan si isali, te nago koneaniwe?”

2 Samuel 1:7

Tama Sol begelama, tama ena sulama, te ena i wali. Tama eno te po wali, ‘Awe, genuai bidio,’ wali.