2 Samuel 1:26 - Godigo dwagi yai po buku

²⁶ Eno ama, Jonatan, nagede eno homu dene mu ebao. Eno nage godolo mu eyu, tama nago ena me godolo mu yai. Nago godolo ebo homu te bomo mu eyu, tama te wego bidi godolo ebo homu te aiyaba elalualio.

2 Samuel 1:26 Referans Kwoze

1 Samuel 20:17

Tama Jonatango Devitba ma weyu, te Devitgo aga sesemane sogo godolo homu ebo bomai po dąų wao po wali. Magi baso meni, Jonatango te Devit godolo homu mu yali, te aga digi aga godolo homu ebo tiwai yai. Tama Devitgo te Jonatango wali po tiwai gilama te bomai po dąų walali.

1 Samuel 23:16

Tama Jonatango aga sugi pelama, tama wiegi yai po agaba weyu, te Devitgo konealubo po Godiba bomo elaluabo po wai.

1 Samuel 20:41

Te ogwa pai madi, teda Devit hogodama, tama te masigi tudi badu geme dualaluali taga soyu asama, tama Jonatan pąba kidu sugunagaselama, tama aga tobolu tǫba sela sogo basi gulali. Tama aga dolugulama, tama augwa si nono nenama, tama gela wai. Tama Devitgo homu dene eyu, hobede ebo homugo te Jonatango homu dene eyu hobede ebo homu te aiyaba elalualio.

1 Samuel 19:2

tama tibaso aga pelama, Devit sugi pelama, agabolo te po wai, “Eno ayago nage ela muainu ebao. Tama teyu, do kigamu nago naga digi te bugagia tonaluao. Nage te giba pelama, geme duala sigi pao.

2 Samuel 1:27

Te bomai ami bidi dabe te hwįani sogo isiyu, tama te hwįbo genuai bage te dolalio.” Devitgo te balia po wai.

Bugagia Bidibo Kolesagade Po Asęai Buku 18:24

Te abagi hauwa elalubo bidi da, te aga dolaibao. Tiali goli, te bidi mebago te gasagi yai abagi mu elalu, tama te abagigo augwali dali te bugagia mu kęą pelama, te deli haliga mu yaibao. Te abagigo ebo kolesagago te ama nami augwa si tomode ebo kolesaga te aiyaba elalubo dao.