2 Samuel 1:23 - Godigo dwagi yai po buku

²³ Te Israel aga hanigo bidigo te Sol de Jonatan si godolo homu mu eyu yai. Augwali si te wiegi yai bidi mu dao. Te sesemane sogo augwa si bugagia mu kisasa bilama, tama augwa si isali me te kisalubadi isalio. Augwali si te polo asesa mu udayu, te boi bidi dabe pobeasa pali, tama te ba kemodagego te hasa dabe ela tuainu pobebo te aiyaba mu elaluali. Tama augwali sigo bomogo te laiongo bomo aiyaba elaluai dao.”

2 Samuel 1:23 Referans Kwoze

Jeremaia 4:13

Tialima, ena Jeremaia, eno te we bidi dabeba te po wali, “Suao. Te boi bidi dabe te pǫ husugu yai tiwai mu yaibao. Te ami bidi dabego karis udada pabo te pobege ebo wali asobo tiwai yaibao, te augwaligo hos dabe te ba kemodage bola asobo tiwai asesa asaibao. Hobede mu dao. Megi da mu tama dolainu ebao waibao.

Te Israel Tobolu Bidi Dabe 14:18

Tama te giliga dega sigilusiąbadi, te 7 wabo side, tama te hanude bidali bidi dabego te po Samsonbolo walali, “Mena naigo pusugo te bunu ge hanigo pusu ebo aiyaba elalubo dawe? Tama mena naigo bomogo te laiongo bomo aiyaba elalualiwe?” Samsongo augwalibolo te tiwai po wali, “Te dagego eno so kibu bulmakau dali te tǫ pedegi menigi sogo da, te dagego eno begelali po page te konebo usu me igi menio.”

Te We Bidi Dabego Jerusalem Hagede Gela Wali 4:19

Da wi pobadi, tama te boi bidi dabego da pobeasa asalio. Awe, augwali bomonama mu, te ba kemodagego te hasa ela sainu bogo pobeasa aiyaba tulalubo tiwai yalio. Augwaligo da bulu du dabedu pobeasa bilama, tama augwali te nai meni yai wa pai bulude dualaluyu, da tonalualio. Te da asobo suainu, tama augwaligo da tola siyu, ela palio.

Bugagia Bidibo Kolesagade Po Asęai Buku 30:30

Te laion dabe te boma pai mu elaluyu, te gasa hasa sibi aiyaba elalubo dao. Te augwali bilibo sogo, augwali te magi nai me delide wi me eyu me egobeo.

Jopgo Po Asęani Elalubo Buku 9:26

Te be posobo sogo da, te węde geba polo pabo tiwai ebo. Te me e tiwai dao, te ba kemodagego bolo ela tuainu polo toga dulubo, te tiwai ebo.

1 Samuel 18:1

Sol de Devit dali si po mia silibo si, tialima nosali Jonatan, te Solgo ogwa, te aga homu Devitba mu kęą pelama, tama agai te Devit godolo mu eyu, te aga digi aga godolo ebo tiwai mu yalio.

Bomai Po 28:49

Te tama tilama, Godigo bidi hani me deli digibulu mu bulu badu me odasa asaibao, te dagego augwaligo po odisąma yai bidi hani me deli. Augwali dageba te kemodage me hasa ela tuainogo polo asobo tiwai yaibao.

Tuni Bidi Dabego Po Elalubo Buku Deli 12:8

Te Devit te geme duala sabo bomai bulu te tǫ wa pai bulude bidali sogo, te Gat hanigo bomai ami bidi mebago Sol tagalama, te Devit dali bidagasalio. Te bidi augwali te wiegi yai ami bidi dabe mu te sabele tulama, te sesemone enego enebo mu koneai. Te augwali boi hwįani sogo, augwa gesabi mu tuluga sali, te wi meni yai hasa laiongo gesabi tiwai yali. Tama augwa umagia mu udayu, te bulu dude bidibo uni hasa udabo tiwai yalio.

2 Samuel 23:20

Tama Benaia, te Jehoiada te Kapsel hanu bidigo ogwa, aga me te bomai ami bidi me deli dao. Tama hauwa sogo agai te boi bidi dabe dali bomonama, hwįani. Me sogo deli agai te Moap dabe bomai ami bidi si ela muani. Tama me sogo deli sogode te talua ge tulubage te tǫba tulubo side, Benaia te genuai tǫ dedage me deli aiyaba dulama, tama te bomai hasa laion me deli ela muani.

1 Samuel 20:2

Tialima, Jonatango Devitba po wei ponoyu, te po wali, “Menio. Nage me isigobeo. Eno ayago enabolo te agai yabo sę po tigidali waibao, te dwasianu sę yabo me, genuai sę me, te enabolo weyu yaibao. Tama agai te tobage sę yabo po geme me dualugobeo. Tama tiyu, eno koneani, te agai nage me ela muainu ebo usu me egobeo,” wali.

2 Samuel 2:18

Te Devit aga abe Seruiago ogwa sela, te Joap, me Abisai, me Asahel, augwali me te hwįbode bidali. Asahelgo udabo te bulu uni hasago bomo elama, mu udabo te tiwai yai dao.

2 Samuel 1:24

“Dage te Israel we dabe, dagego te Solde homu dene ebo gela waiąo. Agai dageba te sawi yai mama ugwa te gasagi yai mu mani, tama te dage au yabo te tobage gol dabe mawai dao.”

Solomon 5:16

Agai ena dali naboge si dilibo sogo da, eno te pusu umagi mu yalio. Agai tigi pedai tigidali badu usu nama, te wiegi yai naga yali. Dage Jerusalem we dabe, eno bidi da te tama tiwai tobage bidi me dao.