2 Samuel 1:22 - Godigo dwagi yai po buku

²² “Te Jonatango enesigi te nai dwai mu elaluali. Te munu me geda musiąwai. Tama te Solgo bainat hwą te olo me munalubeo. Menio. Te bainat hwągo te bomai ami bidi dabe eliyu, tama te boi bidi dabego kaneme tede pągąnaluai dao.

2 Samuel 1:22 Referans Kwoze

1 Samuel 18:4

Tama Jonatan aga bobage holobo ugwa te pedelama, tama aga hwįbo doado bage me te sali. Tama agai te doado bage dali, te bainat me, sesemone me, kukulu me selama, te Devitba mawai.

1 Samuel 14:47

Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.

1 Samuel 14:48

Tama Solgo te ami bidi dabe haliga hodolama, hwįmainu elama, tama augwaligo hwįbo bomo mu elama, tama te Amalek dabe me aiyaba elaluali. Tama tibaso, te boi bidi dabe te Israel dabe dali hwįagasu munu me asobeo.

Jeremaia 50:9

Dagego Babilon tagalao, magi baso meni, eno te not pedai badu te haniani tǫ kantride bomai bidi hauwa hodolama, te augwali odasa aselama, te Babilonba hwįagasomainogo yaibao. Augwali te lainde wasilama, te hwįnama, te Babilon dabe aiyaba elalueibao. Te boi bidi hani augwaligo te enesigigo hwįbo mu konea pai bidi, te augwaligo ene enebo sogo da, te munu me geda mugobeo.