2 Samuel 1:18 - Godigo dwagi yai po buku

¹⁸ Tama Devitgo te Juda we bidiba te balia po usu somainu ebo po wali. Te baliago nogi te Balia Enesigi poali. Tama augwa te Doloba Pai Bidi Dabego bukude asęani. Devitgo te balia po te tama tiwai wai dao.

2 Samuel 1:18 Referans Kwoze

Josua 10:13

Tama te po obaso, te giliga ge dolalubadi, tama polua aiyaba me dulisąbadi, te Israel dabego te boi bidi dabe aiyaba elalubo siba usu nai. Giliga ge te polo me dega sigi pabeo. Aga te dagalude dolaludubadi, te deli sogo bubuga te tiwai usu nai. Tama augwaligo te sę yali po te Doloba Pai Bidi Dabede Po Wabo Bukude asęai dao.

Bomai Po 4:10

te dagego te God Genuai Bidi pąde dolaluyu suali, te po pusao, te Sainai bulu dude. Te sogo Godigo enabolo te po wali, ‘Te tigidali we bidi i olama sisinao. Eno homugo augwaligo eno wabo po odomainao. Tama tiyu, augwali e tǫde bidiyu, ena dologode naga elalumainao. Tama augwaligo augwa wai dabeba me nosali ola menama, tama augwali me ena dologode elalumainao,’ Godigo enabolo te po wali.”

Tigidali Nai Gagalama Nigali Side 49:8

“Juda, te naga ama dede augwaligo te nago nogi ugwaba saibao. Nago te naga boi bidi dabe augwali te magede tola siyu yaibao. Te naga ama dede augwali mage aiyaba basi gulama, tama nage nogi ugwaba saibao.

2 Samuel 1:19

“Te da Israelgo polaluali bidi dabe te bulu dude isalio. Te dago bomai ami bidi dabe te isali dao.