2 Pita 3:8 - Godigo dwagi yai po buku

⁸ Tiali goli, abagi dede dabe mu, dagego homugo te po me deli gegeda pigio. Te po e dao, te Genuai Bidigo gedude be deli sogo siade te kibu be hauwa mu 1,000 tiwai te si dao, tama te kibu be hauwa mu 1,000 wabo kibu be te deli sogo siade tiwai si dao. Te Genuai Bidigo homude te si te deli tigi tiwai dao.

2 Pita 3:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 90:4

Nago homu kone palu, tama te kibu be 1,000 dąį yabo homu te deli sogo bubugade tiwai naga elama, tama te polo tama pela silaibao, te pilama hodalu, te do bidali sogo tiwai gagawaibao. Awe, te kibu be 1,000 te hulide pęwadage sogo naga tiwai ebo dao.

Polgo Po Pas Rom Dabeba Asęani 11:25

Eno ama dede, dage homu hagoma me idali weyu tama eno homugo dage te polobadu geme dualali po page gisiga koneao. Te e tiwai dao: te Israel hani we bidi me badugo homu palia sali, tama te kolesaga augwalide osogo elalubadi tama te gasa haniani hani we bidi augwali te Godiba asiyu, tama te sogo augwaligo hani nambaba usu nagasaibao.

1 Korin 12:1

Eno ama dedeo, te Godigo Tedali Mobo Bidigo te haniani sę yabo homu kolesaga dabolo mabode, te dagego tede gisiga konesiąma bididali weyu eno tede dage homu dodolabo po me megi pusaibao.

1 Korin 10:1

Ama dedeo, dage ede gegeda pelamuo: dago wąį dabe tigidali te bidi meni yai dwai bulude bilibadi augwali te dagalu pǫ dologode bugagia bidali. Tama augwali tigidali te sągągo naga pelama, tama te tamu ąį nogeyu sana pai dao.

2 Pita 3:1

Eno abagi dede dabe mu, megi eno e asęna tolobo te eno pas si dao. Tama eno dagebolo asęna tolali pas side te dagego homu wiegi yai ilimainogo hodolobo po wai dao, te po dagego ma koneiąo.