Biblia Todo Logo
Bib sou entènèt

- Piblisite -




2 Pita 2:4 - Godigo dwagi yai po buku

4 Magi baso meni. E tiwai dao. Te Godigo ensel mobo bidi dabe augwali mebago polobadu dwai kolesaga yai. Tiali goli Godigo augwali sula tagalobeo. Menio. Agai augwali te sao dedage pagede kalabus elaluyu, tama te sau dedage page dwai be mu hulia side bidibao. Tama megi me augwali te po tų yabo sogo te pedalobo tonaluyu bidibo dao.

Gade chapit la Kopi




2 Pita 2:4
25 Referans Kwoze  

Tama te ensel mobo bidi meba me, augwalide ma kone palao. Te ensel mobo bidi meba augwaligo te Godigo augwaligo nogoba mani tonalubo bidi sę hagela eyu, tama te sę tagalali. Tama agai augwalibolo mani bidabo madi, te me augwali hagelama, tagalalio. Tama Godigo augwali dila pai aligabo bonogo nogo dunama, kalabus ilama, bida bida peyu bidibo, tama augwali te a bulu hulia sai digi tede mu dąų olama bidibao. Tama augwali te a hulia sai digide bidiyu, tama augwali Godigo genuai bodolu sali te tonaluyu bidibadi, tama te moni po tų ebo sogo pedalaibao.


“Tama tuni bidi agai te pobase nogo badu bidibo we bidi augwalibolo e tobage po waibao, ‘Dage haga yabo bidi dabe dao. Dage enade geda selama, tama dage te munu me sula sisąbo siaba pao, te sia te Ayago sisi ilali elalubo, te dwai sę yali tobolu bidi Satan aga wali bilibo mobo ensel bidi dabe augwali dali mumainogo yai.


Agai aga Ogwa digi te dabolo mawainogo homu si me ebeo. Menio. Agai aga tagala palali te agai da tigidali tau sagasomainogo olo tagala palalio. Agai aga Ogwa digi da tau somainogo mobaso, teda mu tama dao, agai homugo te gasa nai me tigidali te olo mu dabolo te aga dali mawaibao.


“Nage genuai nogi mu elaluai dao. Te tigidali tǫde we bidi dabego gedude nage te kigamu dagalude nanebo hǫ tiwai bidai dao. Tiali goli, megi da, Godigo nage polo tǫba sąwai dao. Nage boma pai hwįbo bidi dao, nage tǫ pedai kantri hauwa aiyaba elaluali bidi dao. Tiali goli, megi da, mu menio.


Tama te augwali ili po ola mani bidi Satan aga Godigo te genuai dedage pageba te posolo yai sia ula te masigi salfa teba sąwai dao. Tama te dedage pageba polobadu augwaligo te dwai hudigi ebo hasa dali, te ili po ola mani bidi si aba sąwai dao, tama augwali sela te siade me hulide me dene siyu, tama te dene ebo sesemane bidada pabo sogo te dene ela pidubadi bideibao.


“Te eno dage bugagia bidimainu me sula tagalogobeo. Te eno dagede olo mu tau sabo wiegi yai kolesaga me egobeo. Menio. Dagego te dwai kolesaga dabe ebaso, tialima te eno dageba dwai dwai dene mabo sę yaibao. Tama dagego te tiwai bugagia konemainu ebao, te ena digi ena Genuai Bidi da waibao,” te po wali.


Jisas agai te dwai haubo polalubo bidi nogi Satan agai bomo polobadu dolai dao homu eyu, te po wali, “Satan be sole gagawai dagaludu kegasa dulubo eno polobadu suai dao.


Tama po ma weyu, agai te po wai, “Eno augwalibolo te po obao, ‘Ena God Genuai Bidi, ena sesemane sogo bidada paibao, eno po dolo dagebolo obao, te eno dage mu dolaibao. Magi baso meni, dagego te tibo god dabego dwai piksa noma dabe elaluyu, dwai kugumini ebo kolesaga hauwa elama, tama tebo kolesagago te eno gedude dagego eno be meda mu ilai dao. Tama tiyu, te eno dage olo tau sabo wiegi yai kolesaga eyu, te hobede me egobeo. Te eno dageba dwai sęgę mabo sę eyu, te bidigo tobolu nisi tigidali togolama poala sąwani tiwai yaibao.


Te Godigo ensel mobo bidi dabe God aga dali bidiyu, sę agade ebo. Tiali goli, me sogo augwaligo augwa sę bugagia me ebo menio. Godigo subo da, te ensel mobo bidi dabe me sogo bugagia me bidibo menio.


Niwai bidigo dwai sę idu bidibo, te bidi Satango hani bidi dao. Magi baso meni, te Godigo tigidali nai nigisiąbadi, polobadu mu Satango dwai sę ebo gagalama, tama eyu, tama megi me aga tama tibo dao. Tama agai te Satango we bidi tomode ebo dwai kolesaga ela silimainogo te Godigo Ogwa aga hania pedalai.


Tama te mobo bidi augwaligo te bidi dabe augwali aiyaba mu elaluabo digi, tama augwaligo augwali dali te posobo po me wasiąma, tama augwali te Genuai Bidi gedude po tų ela magobeo.


Te polobadu mu bidai we bidi augwali me, te augwaligo God gegeda peyu tudiba muai, tama agai augwali sula tagalobeo. Menio. Agai te wę genuai augwaliba asomainogo elama, tama augwali te węgo ela silama tama hagawai. Tiali goli te bidi Noa aga te doloba pai kolesaga ebo po pusubo bidi bidai. Tama Godigo aga dali, te we bidi a naga olama me badu nogo si agai tonaluyu ma dobola sai.


Tama te dwai haubo dabego Jisasbolo hanalu, te po wali, “Da megi dwai bulu te bidibolo dene mabo madiba mugio,” wali.


Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.


Agai bomo elama mu i weyu, te po wai, “Jisas, nage ugwade bidibo Godigo ogwa mu, nago magi sę enade yainogo ebawe? Eno te Godigo nogide nagebolo hanalu obao, nago te dene enabolo me magio,” te po wai.


Tialima, te bidi sigo bomonama i weyu, te po wai, “Nage Godigo Ogwa dao, nago magi sę da dali megi yainogowe? Te bodolu mani sogo me elalubadi digi, te nage eba asali te nago da dene mawainogo ebawe?” wali.


Tama te moni tamu ąį bǫį dini wadolama nosali asiyu, tama te ąį dinigo meda yai pesa hania pedalobo dao, te ąį sanide. Tama te tiwai te bidi dabe augwaligo te hale ilibo kolesaga hania ebo dao. Augwali te dagalude elalubo hǫ meba tiwai dao. Te tobage hǫ osogo ula eyu, ma sula siyu ebo hǫ dabe dao. Te hǫ pabo te bugagia dolo pabo menio. Tama Godigo te dwai sisi mu a bulu hulia sai digi sisi yai elalubo, tama te tibo po ola mabo bidi augwali te hulia sai bulude sesemane sogo bidada peyu, bidada paibao.


Tama te polobadu yali sę pode dago koneai, Godigo te we bidigo ebo dwai sę wei ponobo konealigo da, teda e me dago koneani, te God wali pabo we bidi augwalibolo te usu sabo sę pedalobaso da, teda Genuai Bidigo augwali te sęde ma dobola sainogo koneama tama tiaibao. Tama agai te dwai bidi dabego ebo kolesaga me koneyu, tama te dwai dene wei augwaliba ponobo, te me agai konebao. Tama koneyu, agai te po tų yabo sogo tonalubadi augwali dene mabo dao.


Te dage eno gogolama, bugagia bidimainu me sula tagalogobeo. Te eno olo mu tau mabo wiegi yai kolesaga dageba me egobeo. Menio. Dagego te tama dwai kolesaga ebaso, te eno dwai sęgę mabo dene dageba mawaibao. Tama dagego te tiwai bugagia konemai hagede ebao, ena digi ena Genuai Bidi, te eno tama eno te dwai sęgę mabo sę dageba tagala palobo dao,” te po wali.


Mu tama. Augwaligo dagebolo e tama waibao. Te God sębę elama, tama dwai sę pedalumainogo elama, tama we bidi hani deli pesage badu dolainu da, teda agai te dwai kolesaga ebo we bidi dolobo menio. Menio. Augwali bugagia bidimainu sula tagalobo dao.


Godigo te tama bidi dabego sęgę munu me sela sągobeo. Tiali goli, God sębę mu elama, tama isi delama, posolo genuai mu ebo tiwai mu yaibao. Tama te dwai sę dabe te bukude wali te dwai sę dabe te bidi tigide pedalaibao, te sę tama ela ela pidubadi, te Genuai Bidigo aga dolama, silibo siba usu nigi paibao.


Polobadu, Godigo te Juda dabe, te nigo nologo mu dabe augwali me sula tagalasiąwai, tama tiwai naga te dage tuloluyu da, te agai dage me te me sula me tagalogobeo.


Agai augwaliba haliga sębę elama, tama agai augwali me gogolobeo. Menio. Agai te genuai gasi tagala palama, tama augwali isila palio.


Swiv nou:

Piblisite


Piblisite