2 Pita 2:11 - Godigo dwagi yai po buku

¹¹ Tama te mobo bidi augwaligo te bidi dabe augwali aiyaba mu elaluabo digi, tama augwaligo augwali dali te posobo po me wasiąma, tama augwali te Genuai Bidi gedude po tų ela magobeo.

2 Pita 2:11 Referans Kwoze

Jutgo Asęani Pas 1:9

Augwaligo te posobo po olamuo. Suao. Polobadu te ensel mobo bidi dabego polalubo ensel nogi Maikel, agai te dwai haubo mobo tuni bidi Satan dali augwali si po konila yai, te isai bidi Mosesgo tigi hagede konila yai. Tama te sogo Maikel agai te Satan dwai nogi posobo po me wabeo. Te meni. Agai Satanbolo te po wai, “Genuai Bidi aga digi nage osola sulama, tama sęgę mawaibao,” te po wai.

2 Tesalonaika 1:7

Tama agai dagego megi te tolobo sęgę sela sąnama, tama dage da dali olo bidiyu, toma tuabo sogo menama bidaibao. Agai tebo sogo Genuai Bidi Jisas aga boma pai ensel mobo bidi dabe dali dagalu tagalama, e tǫba asobo te sogo aga moni sia bogoli dali e tǫba asaibao, we bidigo bulu ulade hania sueibao, te aga asobo sogode.

Godigo Nogi Ugwaba Sabo Tęąbi Po Wabo Buku Dabe 104:4

Nago te wali tagala palama, tama waligo nago po sela pabo dao. Tama nago te be selego ula ebo te nago sę bidi pedalobo dao.

Daniel 6:22

Godigo te aga mobo bidi ensel tagala palama, tama te laion dabe pedauwali paniama, tama augwaligo ena me dolobeo. Agai koneani, eno magi dwai sę me isiąwai, tama eno dwai kolesaga nageba me ebeo. Tama tibaso, agai ena tonalubo dao,” Danielgo te po wali.

Godigo Nogi Ugwaba Sabo Tęąbi Po Wabo Buku Dabe 103:20

Dage tigidali Genuai Bidigo ensel mobo bidi, dagego genuai bomo elalubao. Dagego agai po wali pabo bage, dagego olo agai po wabo digi bugagia mubo dao. Tialima, dagego Genuai Bidi nogi ugwaba sao.

Dwagi Yai Gesi Po Makgo Asęani 7:22

te we sabo dolobo kolesaga me, te mena nai sainu homu hogodama pesa dalobo kolesaga me, te haniani dwai dwai kolesaga me, te tibo po weyu te hagoma ebo kolesaga, me te bidi nogi posobo po wabo kolesaga ebo, me te hagoma homu elama te esela pabo bidigo kolesaga tiwai eyu ebo dao.