2 Pita 1:12 - Godigo dwagi yai po buku

¹² Tama tibaso, dagego te kolesaga page koneyu, tama dagego te mu po selama, tama dage tede bomonama dolaluai goli, eno homugo te eno dagebolo te po widu geaibao.

2 Pita 1:12 Referans Kwoze

1 Jon 2:21

Dagego te mu po page konesiąbaso, tama te pode eno dagebolo e po asębao, te homu dagego egimio, te menio. Dagego te mu po page koneai, tama te mu pogo tibo po munu me wabo menio, te me dagego koneai dao, eno te homu elama te po eno dagebolo asębao.

Filipai 3:1

Eno ama dede, eno po silainogo e po obao, eno homugo te dage te dago Genuai Bidi dali wadolobaso, te dage dwagi yai homu pemene yao. Te eno dagebolo polobadu pusali po, te po megi ma asębo eno hagelabo menio. Te po dagebolo ma asębogo dage tau siyu, tama gasa bidigo ola mabo pogo dage dologobeo.

Kolosi 2:7

Dagego aga dali wadolama, tama bomo elama aga dali bugagia dąų wao, te ni pedali sele tǫde aba mu peyu dąų olama te ni dąų weyu dolalubo tiwai yao. Tama aga te be dąų wabo tuni ni dali, te be kau ni dali si tiwai dao, tama dage da te be kele ni dabe tiwai elaluyu, tama dage aga dali bugagia dąų weyu bidiąo. Tama tiyu, te bidi Epafrasgo dagebolo ola mani Kraisde konealubo po, te pogo dagebolo bomo momainao, te dagego elalubo bomo genuai usu emainogo yao. Tama bidiyu, tama dagego Godibolo puba hwi po hauwa wao, dagego duga homu te puba hwi pogo pągąnao.

Jutgo Asęani Pas 1:5

Te Godigo polobadu mu yali sę po te dagego gisiga koneai digi, eno dagego ma konealumainogo eyu e po ma obao. Polobadu agai te Israel bidi hani tau siyu, tama augwali kalabus togaluyu elama, tama Isip tǫ tagalama odasa pai. Tiali goli nosali augwali meba agai wali poba augwa homu tigidali musiąwai, tama te po wali pisiąbaso agai augwali doloyu ela silai.

2 Jon 1:2

Magi baso meni, te Godigo mu po da dali bidibo dao, tama sesemane sogo da dali mu bidada peyu, bidada paibao, tama tiyu dago dwagi yai homu dage dali ebao.

2 Pita 1:13

Eno homugo e kolesaga ebo dolo dao, ena megi e elalubo tigi me bidibadi te eno dagebolo te po ma widu geaibao, te dage homu hodolomainogo yaibao.

Jutgo Asęani Pas 1:17

Te bidi dabe augwaligo te dwai sę yali goli, dage da, dage abagi dabe mu, te dago Genuai Bidi Jisas Krais agai po sela pabo bidi dabego dagebolo polobadu pusali po te dagego te po ma koneao.

Jutgo Asęani Pas 1:3

Eno abagi mu dede, hasia eno homugo te Godigo da tigidali ma dobola sabo sęde eno po dagebolo asęna tolabo homu bomo yai. Tiali goli, eno homu hasegelali, tama megi dagebolo gasagi yai po asęna tolobao. Magi baso meni, gasa bidi dabe augwali dage Godigo we bidi hani tomoba geme asai, te sa asobo bage tiwai asai. Te polobadu te deli sogo naga te God agai aga po te aga we bidibolo mu mawai dao. Tama te po e dao, te dago te God dali Jisas dali augwali side konealubo po dąų wao. Tiali goli, te geme asai bagego augwaligo ebo dwai dwai kolesaga bolainogo augwaligo te Godigo mani po hasegelali, tama tibo po dagebolo ola mayu, “Woo, te God agai da olo tau siyu, tama dago ebo dwai sęgę sela sąbaso, teda dago dwai dwai penani ebo kolesaga eyu da, te usu da,” augwaligo te tibo po ola mabo da. Tama tibaso, eno megi dagebolo e po asęna tolali, te dage bomo elama tama te Godigo mani po bugagia tonaluyu paliąo, augwaligo te po dolidali weyu yao. Tama augwaligo te tobage tibo po weyu, augwaligo te Jisas Kraisde hogwa sabo po wabo dao. Augwaligo dago Polalubo Bidi, te dago Genuai Bidi deli naga tudiba mubo dao. Tama polobadu mu Godigo po asęani bidi augwaligo te po asęani, te God agai te tobage dwai dwai sę ebo bage sa munama tama sęgę mawaibao, te po te bukude asęani.

2 Pita 3:17

Abagi dede dabe mu, dagego te tibo po ola mabo bage nosali pedalabo te polo konealigo da, teda dagego duga digi bugagia tonaluao. Tiyu te bomo yai po sela sąbo tibo po wabo bidi dabego dage te geda muani poba kegelama tama dage pasega sąyu tulaluidali weyu, bugagia suiąo.

2 Pita 3:1

Eno abagi dede dabe mu, megi eno e asęna tolobo te eno pas si dao. Tama eno dagebolo asęna tolali pas side te dagego homu wiegi yai ilimainogo hodolobo po wai dao, te po dagego ma koneiąo.

2 Pita 1:15

Tama eno bugagia dua dua eyu te tų nigaibao, tama ena isai digi nosali dagego te po tigidali sogo dagego homugo ma koneaibao.

1 Pita 5:12

Te bidi nogi Sailas agai ena tau siyu, tama eno e pęwadage po dagebolo asęna tolobao. Tama eno homu te bidi Sailas da te aga nogoba muani sę bugagia tonaluyu sę ebo bidi dao. Tama eno e po dagebolo asęyu, tama bomo elama eno dage homu kęna sabo po weyu, tama te eno asęani po te God agai aga we bidi olo tau sabo kolesaga mu dao. Tama tibaso, te kolesaga bugagia dąų olama, tama dolaluyu bidiąo.

1 Pita 5:10

Tama dagego te sęgę osogo tolama, tama God aga digi agai dage sese bugagia ma ilama, tama dage bomo menama, bugagia mu dąų waibao. Te God aga da te tigidali wiegi yai olo tau sabo kolesaga page bidi dao, tama agai dage i wali, te dage Krais wali peyu, te Godigo bomo yai gamonabo ula meba dagego somainogo yali.

Hibru 13:9

Tama tibaso, te gasa haniani haniani ola mani pogo dagego homu kegeyu, tama dagego Godigo tų wali pabo tagalu gogologimio. Te dago homugo te Godigo da olo tau siyu mabo kolesagade dago bomo sai yai baso da, te wiegi yai dao. Dago homugo te haniani nai tubode bomai po wali pabode te bomo sainogo ebo usu egobeo. Te kolesagade bilali we bidi augwali te kolesagago tau me sabeo.

Hibru 10:32

Tiali goli te dageba polobadu pedalali sę te dagego homugo ma kone palao, te sogo dagego Godigo po odama tama tede te ula sai. Te sogo gasa bidi dabe augwaligo genuai sę dene dagebolo mani, tama dagego dene hauwa tolai. Tiali goli dage bomonama bugagia dolaluai dao.

Polgo Si Wali Pas Timotiba Asęani - 2TI 1:6

Tama tibaso eno nago homu hodolabo po megi nagebolo obao. Te Godigo nagebolo te nago yabo sę me, te sę yabo bomo dali, homu kolesaga dali si te nagebolo olo mawai dao. Tama te nagebolo mani nai te nago homugo kone palao. Polobadu eno nogo nago toboluba mubaso tama nago te nai sai. Megi nago te sali nai ma hodolobo sę yao, te bidigo sia bogoli genuai emainu ponobo tiwai ilao.

2 Timoti 4:6

Nago te eno megi asęani po te dago ama dedebolo mobaso da, teda nage te Jisasgo wiegi yai sę bidi bidaibao. Tama tiyu, te konealubo pode me, te nago wali pabo tigidali wiegi yai kolesaga ola mabo po me, te po side nago genuai bomo bugagia sidu bideibao.

Godigo Sęba Tagala Palai Bidigo Po 16:5

Tama tibaso, Jisasgo po wali pabo hani tigidali augwaligo bomo salio. Tama umabo we bidi te Jisasgo po wali pabo we bidi tomoba tigidali deli deli sogo asali.

Kolosi 1:5

Te mu po, te Godigo gesi wiegi yai po, te po pusubo bidi hasia sogo dage bidibo digi sabolali sogo, te sogo dagego te po odama, tama dagego koneani, te nosali Godigo dage dali dwagi yai sę mu yaibao. Te tama odama, tama dagego tede dwagi yai homu eyu, bugagia tonalubo dao. Dage tama tonalubaso, dagego Kraisde konealubo po dąų olama, tama Godigo we bidi tigidali dali dwagi yai homu eyu godolo ebo kolesaga ebo dao. Tama te Godigo dage dali nosali yabo dwagi yai kolesaga page te Godigo aga bidibo digide bugagia tonalubo dao, te dologobeo.