2 Korin 9:2 - Godigo dwagi yai po buku

² Eno koneani, dagego te sę yabo homu hodaluali, tama sesemane sogo eno dage nogi te Masedonia bulu bidi dabe augwali gesabidide ugwaba sabo dao. Eno dagede te tiwai po augwalibolo wabo dao, “Te polobadu bidali kibu bede te Akaia genuai tǫde bidibo we bidi dabe augwaligo te masigi mabo tau sabo sę gagalainogo sisi yalio.” Tama augwaligo dagego te sęde bomo ebo po odolama, tama tede te Masedonia bidi dabe me hauwa homu hodolalio.

2 Korin 9:2 Referans Kwoze

2 Korin 8:10

Te tau siyu maiabo masigi, tede eno yali homu megi eno dagebolo pusubao: te hasia bidali kibu bede dagego te sę yabo homu godolo naga hasia yai dao, tama te Masedonia tǫde bidibo we bidi augwaligo nosali te sę yabo homu yai.

2 Korin 8:8

E tau sabo sęde eno bomai po dagebolo me mabo meni. Te menio. Eno dagebolo te meba bidi dabe augwaligo te wiegi yai sę yabo homu hodaluali po obao, tama te kolesagade eno dagego ama dabe dali dwagi yai homu eyu godolo ebo kolesaga usu sobao. Te dago koneainogo, te dagego te we bidi godolo ebo kolesaga te nai mu dao.

2 Korin 8:24

Teda dagego duga dwagi yai homu eyu godolo mu ebo kolesaga te bidi dabe augwalibolo ola maiąo. Tama te Godigo po odobo we bidi dabe augwaligo dagego te kolesaga ebo mu konemainogo elama, tama dagego sęde dago dagede wiegi yai homu pemene ebo page me augwaligo konemainogo tiao.

Hibru 10:24

Da we bidi deli deli dena hasi te dago abagide homugo kone palao. Augwa hasi augwaligo dwagi yai homu eyu godolo ebo kolesaga dali, te dwagi yai tau sabo kolesaga me, te kolesaga si yabo homu hodolomainogo eyu, dago dena abagi dabede homugo kone palama tama tau sao.

1 Korin 16:15

Ama dedeo, dagego te bidi Stefanas dali aga hani dali koneani, augwali te gasa Akaia tǫ pedai hani bidi dabe augwaligo Godigo po wali pabo gagalisąbadi te augwalibolo polasa te Godigo po wali pabo hani we bidi pedalama tama megi bidibao. Tama augwa digi homugo augwaligo te Godigo po odobo we bidi augwali tau sabo sę salio. Eno homugo dage te tobage we bidi augwali

1 Tesalonaika 1:7

Tama tibaso, te Masedonia dali Akaia dali te genuai tǫ side bidibo Jisas wali pabo we bidi augwaligo dagego te dwagi yai sę yali po odama, tama augwaligo te tiwai inao, te po wai.

2 Korin 8:19

Tama te tiwai naga me ebeo. Menio. Te haniani bulude bidibo Godigo po odobo we bidi augwaligo te aga sa munama, te aga da dali Jerusalem hanuba biliyu, te olo tau sabo wiegi yai kolesaga tau sabo sę emainogo yai. Dago te Genuai Bidi nogi ugwaba siyu te sę ebao, tama te bidi dabe augwali ola menalama augwaligo konemainogo yali, te dago te tau sabo sę yabo homu mu ebao.

2 Korin 7:4

Eno dagede homu si ebo meni. Eno homu pemene wiegi yai dagebolo ebao. Te tigidali dabolo pedalobo sęgęde, te eno homugo dage koneama, tama tede ena homu dua nagame mu ilama bidibo, tama eno homu wiegi yai pemene mu elalubo dao.

2 Korin 1:1

Ena Pol dao, ena te Krais Jisasgo sę ebo tagala palai bidi dao. God aga homugo digi tama Godigo ena te aga sę ebo bidi muai. Ena dali, te dago ama Timoti da sigo pas te dage Godigo po odoyu te Korin moni hanude bidibo we bidi dagebolo e pas asęna tolobao, te moni Grik tǫ pedai tigidali badu bidalubo te Godigo we bidi tigidalibolo eno e pas asęna tolobao.

Godigo Sęba Tagala Palai Bidigo Po 18:12

Te nosali te bidi me deli nogi Galio, te Rom gavman genuai mu tobolu bidi dabe augwaligo te bidi Galio te Grik tǫ tonaluabo tobolu bidi nigilali. Tama te sogo te Juda hani augwali sisinama, Pol selama, augwaligo aga po tųba odasa pali.

Godigo Sęba Tagala Palai Bidigo Po 24:17

Te bidi Pol agai po me tama wali, “Te polobadu ena Jerusalemde bidama, nosali gasa buluba pelama, kibu be me si me si nama silama, ena Jerusalemba tamadi ma pali. Te sogo ena peyu, eno ama dede Jerusalemde bidibo bidi tau sai hagede, mone ge dali selasa pali. Eno homu me eno Godibolo hasa elama, Godibolo nai ula mabo kolesagadu wali pomainu yali.

Polgo Po Pas Rom Dabeba Asęani 15:26

Te e tama tiaibao: te Masedonia dali Akaia dali te tǫ pedai side bidibo Godigo we bidi augwaligo po mia selama, tama dwagi yai homu eyu augwa nai sesa pelama sisinama, tama eno nogoba munama, tama te nai meni yai te Godigo we bidi augwalibolo te Jerusalemba tolainogo ebo dao.

2 Korin 7:14

Polobadu eno dage nogi te Taitus gesabidide ugwaba sali, tama megi eno te pode ena hale me sabeo. Menio. Tigidali po dago dagede wabo po, te mu po naga wai dao. Tama tiwai naga eyu, dago dage nogi te Taitus gesabidide ugwaba sali, tama te eno dagede agabolo pusali po me hanilama pedalali, te mu po naga dao.

2 Korin 8:11

Teda te sę megi tama dagego ela sili yao. Polobadu dagego te sę yabo godolo polo yali, tama tiwai yali gilama megi me dagego te sę polo silao, te duga nai usu nama te mone gego tiao.