2 Korin 9:1 - Godigo dwagi yai po buku

¹ Te Godigo we bidi Juda bage augwali tau siyu olo mabo nai te dagego koneanio. Tama eno tede bobage po me asęgobeo.

2 Korin 9:1 Referans Kwoze

Galesia 6:10

Tama tibaso, dago te dwagi yai kolesaga ebo tų subaso da, teda dago te tigidali we bidi tau sao. Tama te Kraisde augwa homu tigidali muani we bidi te augwali dago hani we bidi tiwai dao. Tama tibaso, dago bomonama, tama augwali te dwagi yai kolesaga eyu, hauwa sogo tau sao.

1 Tesalonaika 5:1

Dago abagi dede o, te da dage dali bidibadi dago dagebolo dago Genuai Bidi asobo po wai. Tama tibaso, agai asobo sogode dago dagebolo po me asęgobeo.

Galesia 2:10

Tama te homu eyu, tama augwaligo da sibolo te po wai, “Dage sigo te Juda hani tomode bidibo magi nai meni yai we bidi gegeda pelamuo, te dago augwaligo tuabo nai abelemainogo, dagego masigi dabe eba tolao,” augwaligo te po wai. Tama te sę eno digi eno bomo eyu, te sę ebo dao.

1 Jon 2:27

Tialima dagede, dage Kraisgo aga Mobo Bidi olo mayu tama aga dage dali me bidibao. Tama aga Mobo Bidi dage dali bidibadi, te sogo dage te po ola mabo bidi dage dali me sǫą pabeo. Dagego te gasa po ola mabo bidi dabe sabo homu egio. Menio. Mobo Bidi agai dage tigidali kolesaga ola mabo dao. Tama te Mobogo mu po tama naga wabo dao. Agai tibo po me wabeo. Agai tama tibaso, dagego agai po wali peyu tama Krais dali wadoloyu bidiąo.

Godigo Nogi Ugwaba Sabo Tęąbi Po Wabo Buku Dabe 45:1

Te wiegi yai po hauwa eno homude elalubao. Eno te tęąbi po asęnama, te kingba mawainu yali. Eno pedauwali da, te wiegi yai kuskus bidigo te po asębo hoda pen tiwai dao.

1 Samuel 20:23

Tama nage bugagia bidibo sogo, nago te Genuai Bidigo dago e po dąų wabo suali, te homugo me gegeda palamuo, tama sesemane sogo nago te dąų wali po wali pao,” Jonatango te po wali.

Polgo Po Pas Rom Dabeba Asęani 11:28

Te Godigo gesi noma wiegi yai po pusubo sęde te Juda dabe augwaligo Godide te boi bidi homu ebo dao, tama tede Godigo dage gasa hani we bidi tau sobao. Tiali goli, te Godigo augwali polobadu sa muani sęde, te augwali da aga abagi hani dao. Magi baso meni, polobadu mu agai te augwaligo wąį dabede mu po dąų walai dao.

Matyu 22:31

Tiali goli, te isai bidi dabe ma hodaluaibao wali po, te pode eno dagebolo ma hanalu obao, ma Godigo te dagebolo wali po te dagego me nedebewe? Agai te po wai dao,

Jopgo Po Asęani Elalubo Buku 37:23

Tigidali Bomo Elalubo God te ugwanu mu elalubo, tama da aga pąba pabo usu egobeo. Agai genuai bomo mu elalubo, tama aga doloba pai mu dao. Agai te po tų dodolobo sę ebode doloba pai kolesaga naga ebo dao. Tama agai da olo dali aiyaba elalugobeo.

Te Israel me Juda Hani Sigo Tuni Bidigo Po Elalubo Buku Si 22:18

‘Tama tialima, te megi te ena God da, te Israel bage duga Genuai Bidi da, eno homugo duga king bidibolo e tama po ola mobao. Tama augwaligo te buku nagebolo neda mabo sogo,

Tigidali Nai Gagalama Nigali Side 27:42

Rebekago te aga gomunai ogwa Isogo te homu ebo po odai. Tialima, agai te aga sabi bidi ogwa Jekop i olama, te po agabolo wali, “Nago e po bugagia odao. Te naga ama Isogo te nago agabolo yali te sęde te agai nageba wei ponoyu, ela muainu te homu ebao.

Godigo Sęba Tagala Palai Bidigo Po 24:17

Te bidi Pol agai po me tama wali, “Te polobadu ena Jerusalemde bidama, nosali gasa buluba pelama, kibu be me si me si nama silama, ena Jerusalemba tamadi ma pali. Te sogo ena peyu, eno ama dede Jerusalemde bidibo bidi tau sai hagede, mone ge dali selasa pali. Eno homu me eno Godibolo hasa elama, Godibolo nai ula mabo kolesagadu wali pomainu yali.

Polgo Po Pas Rom Dabeba Asęani 12:13

Tama te Godigo we bidi meba augwali te nai dabe meni baso da, teda dagego augwali tau sao. Me ma, te gasa bulu bidi dabe dage bidiboba pedalobo si da, teda dagego augwali bugagia geseyu tonaluao.

Polgo Po Pas Rom Dabeba Asęani 15:31

tama ena te Juda dabe meba te Godigo po sela sąbo bidi augwali nogode ena dagala samainogo yaibao. Tama me, dagego te Godibolo gedu haluasa po obaso, te Godigo aga we bidi Jerusalem dabe augwaligo te eno augwali tau sabo sęde dwagi yai homu eyu tama godolo emainao.