2 Korin 8:9 - Godigo dwagi yai po buku

⁹ Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.

2 Korin 8:9 Referans Kwoze

Polgo Po Pas Rom Dabeba Asęani 8:32

Agai aga Ogwa digi te dabolo mawainogo homu si me ebeo. Menio. Agai aga tagala palali te agai da tigidali tau sagasomainogo olo tagala palalio. Agai aga Ogwa digi da tau somainogo mobaso, teda mu tama dao, agai homugo te gasa nai me tigidali te olo mu dabolo te aga dali mawaibao.

Matyu 20:28

Te tiwai naga gilama te Godigo Bidi Mu aga te bidi mego tau somainogo me asobeo. Menio. Aga asali te augwali digi tau somainogo asali, tama agai bidibo ulago te we bidi hauwa mu ma abelemainogo asai dao,” Jisasgo te po wai.

Polgo Po Pas Rom Dabeba Asęani 5:8

Tiali goli, Godigo kolesaga e tiwai dao. Da dwai sę ebo we bidi naga bidai digi, Kraisgo da tau somainogo homu eyu aga isali. Te kolesagade Godigo da ola mani, te God aga digi agai da dali dwagi yai homu eyu godolo mu ebo dao.

2 Korin 6:10

Da Godigo sę ebo bidi dabe, da te homu sęgę mu hauwa sogo ebo dao, tiali goli te magigo meni, sesemane sogo dago homu pemene wiegi yai ebo dao. Da te magi nai meni yai bidi tiwai bidibo dao, tiali goli tagala, dago te mu wiegi yai nai hauwa we bidi hauwabolo mabo dao. Da te bidigo gedude te magi nai deli me meni yai tiwai ebo dao, tiali goli te meni, dago tigidali nai mu elalubo dao. Tama tebogo te tigidali we bidibolo hania ola mabo dao, da te Godigo sę ebo bidi dabe mu dao.

Efesus 2:7

Agai te sę da dali magi baso yaliwe? Woo, agai da dali dwagi yai homu eyu, da godolo mu ebaso, tama agai Krais Jisas tagala palali, da tau somainogo yai. Agai da olo tau sali, te dago abelegobeo. Tama agai da olo tau sali kolesaga te mu genuai mu tama dao, te we bidi tigidali augwaligo kuna konemainogo, tigidali sogo nosali, te Godigo da Krais dali ma hodolali.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Jems 2:5

Eno ama dedeo, eno dagebolo dwagi yai homu eyu, godolo mu ebaso, eno dagebolo te po obao. Bugagia odao. Te tǫde tigidali bidi gedude magi nai meni yai bage, te Godigo te tiwai bidi sa munama, tama augwaligo te Godigo po dąų waligo te augwaligo te homu kolesagade te masigi me walu hauwa munalubo bidi tiwai yaibao. Te polobadu Godigo tama po wai, “Niwai bidi agai homu enaba muyu godolo ebo bidi, te aga eno we bidi bugagia tonalubo madi tomoba asagameo,” te po wai. Tama tiyu, agai te magi nai meni yai bidi augwali sa muyu, augwaligo te Godigo po mu dąų waligo da, te augwali te dąį ilali madi te pesage saibao.

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

2 Timoti 6:18

Nago te augwalibolo te po weyu, tama e po me wao, “Dagego te we bidi tau sabo dwagi yai kolesaga haniani yao, dwagi yai sę umabo yao, te sesemane sogo dagego doado bage te gasa bidi dabebolo olo mayu, tama te nai dobabo bidi kolesaga bugagia yao,” te po bomo elama augwalibolo wao.

2 Korin 13:14

Eno homugo dago Genuai Bidi Jisas Kraisgo olo tau sabo wiegi yai kolesaga dali, tama Godigo dage dali dwagi yai homu eyu godolo ebo kolesaga dali, tama Tedali Mobo Bidi dage tigidaligo homude abagi tiwai bidibo kolesaga dali, te kolesaga sela dage tigidali dali hodobo mu bidao.

Dwagi Yai Gesi Po Lukgo Asęani 16:11

Tama tibaso, nage e tǫde bidibo doado bage bugagia tonalusąbaso da, teda bidi mego nage te doado bage mu me magomeo.

Hibru 1:2

Tiali goli megi e sogo da, te nosali pedalobo sogo tiwai mu yali, te Godigo aga Ogwago pedauwalidu agai po dabolo pusai dao. Te aga Ogwago nogogo me te Godigo te tǫ dali dagalu dali te tigidali nai nigai dao. Tama Godigo agai te tigidali nai nosali somainogo aga sa muai.

Dwagi Yai Gesi Po Lukgo Asęani 9:58

Jisasgo te po agabolo wali, “Te uni yowi dabe da, augwali pibo dedage te tǫde elalubao, tama te ba dabe da, te augwali me pibo be elalubo dao. Tiali goli Godigo Bidi Mu da, te aga tobolu munama piabo digi te bulu pesage menio,” wali.

Kraisgo Geme Dualali Sę Pedelabo Po Jonbolo Ola Mani 3:18

Tama tibaso, eno e po mobo mabo po nagebolo mobao. Eno te gasagi yai kapa nogi gol te elalubao, te kapa gol te siaba ulama te dwai nai sela sąnama, tama te wiegi yai yai. Tama eno homugo nago te kapa gol abelao, te nago doado bage hauwa elalumainogo yao. Tama nago te tedela yai ugwa te naga tigi haluabo abelao, te bidi dabe augwaligo te nago tigi bolu olo elalubo sulama, tama nage hale idali weyu te tama kolesaga yao. Tama nago te geduba muabo ili yabo marasin me abelao, te nago gedu ma tonono bilibo usu emainogo yao.

Efesus 3:19

Awe, Kraisgo te dage we bidi godolo mu ebo kolesaga tigidali te bidigo kuna bugagia kone palasiąbo kolesaga digi, te eno homugo dagego te kolesaga bugagia mu koneao. Tama dagego tama tiyu da, teda dagego ebo kolesaga tigidali te God agai ebo wiegi yai kolesaga naga tiwai pedalobao. Tama eno dagede te homu ebaso, tama eno God dali dage tau sabo po wabo dao.

1 Korin 1:4

Eno gedu haluasa po weyu, tama tigidali sogo eno te ena Godibolo dagede puba hwi po wabo dao. Magi baso meni, dage Krais Jisas dali wadolobaso Godigo dage olo tau siduai dao.

Dwagi Yai Gesi Po Lukgo Asęani 2:7

Tama Maria agai hasia ogwa ame nani. Tama pedai ugwa nanamenu dabego belama, tama kibu bulmakaugo nai tubo halobageba te ogwa wai pilagalama elalualio. Magi baso menio. We bidi osogo pibo be pągąna saide.

Aisaia 53:2

Genuai Bidigo aga sę bidi te olo ni me deli tiwai te tǫ pesagede pedalumainu ilali. Awe, aga te ni me deli te wa pai tǫdu pedalubo tiwai pedalali. Te sę bidigo nogi meni yai, magi baso meni, te bidi dabego gedude tonobo sawi isiąwai. Te agade te bidi dabego godolo elama, tonabo nai me deli elalusąwai.

Dwagi Yai Gesi Po Jongo Asęani 16:15

Ayago tigidali nai te eno nai dao. Tama tibaso, eno te po tamadi tama wai dao, te Mobo Bidi agai eno po selama, dage dali te pusaibao,” Jisasgo te po aga wali bilali bage dali wai.

Dwagi Yai Gesi Po Jongo Asęani 1:17

Te bidi nogi Moses agai da Juda dabego wąį mu augwalibolo agai Godigo bomo yai po ola mawai. Tiali goli, Jisas Krais agai genuai olo tau sabo sę dali mu po dali si magasai.

Dwagi Yai Gesi Po Jongo Asęani 1:10

Te Po e tǫde bidai. Aga digi e tǫ nigai. Tiali goli tǫde bidibo we bidi augwaligo aga konebeo.

Matyu 8:20

Jisasgo te po agabolo wali, “Te uni yowi dabe da, augwali pibo dedage te tǫde elalubao, tama te ba dabe da, te augwali me pibo be elalubo dao. Tiali goli Godigo Bidi Mu da, te aga tobolu munama piabo digi te bulu pesage menio,” wali.

Kraisgo Geme Dualali Sę Pedelabo Po Jonbolo Ola Mani 21:7

Tama niwai bidi agai bomogo te dwai sę ebo kolesagago bomo aiyaba elalubo bidi, te bidi agai te tama siyu, tama ena agai God bidiyu, tama aga eno ogwa bideibao.

1 Korin 15:47

Te hasia polali bidi Adam te e tǫde bidibolo polali. Godigo tǫgo naga aga nigali. Nosali pedalali bidi te agade Adam si wabo bidi, te aga dagalude bidai bidi dao, tedu asai dao.

Polgo Po Pas Rom Dabeba Asęani 11:12

Augwaligo te dwai sę ebaso, tama tede Godigo te tigidali tǫde bidibo we bidi tau mu sidubadi geaibao. Augwaligo te Godigo kolesagade tulalubaso, tama tede te Godigo te Juda ąǫ isąwai gasa we bidi hani augwalibolo wiegi yai kolesaga mu yai. Tama tibaso, tigidali Israel dabe Godiba ma geasa asobaso da, teda tigidali hani wiegi yai mu bidaibao, me deli dwai bidigobeo.

Dwagi Yai Gesi Po Jongo Asęani 17:19

Tama eno augwali tobade tau siyu, ena digi ena bidabo ula tagalama, nago po wali peyu, ena isaibao. Tama po mu wabogo augwali nago bidi hani mu bidimainao,” Jisasgo te po wai.

Dwagi Yai Gesi Po Jongo Asęani 12:30

Jisasgo po wei ponoyu te po wai, “Te wali pogo ena tau sabo po wabeo. Menio. Te wali po agai dage tobade asai, dage tau somainogo yai.

Dwagi Yai Gesi Po Makgo Asęani 6:3

Te bidi aga te be sę ebo kamda bidi naga dao, te dago koneani. Aga te we Mariago ogwa, tama aga ama dede da te Jems, me Josep, me Judas, me Saimon, te tama bagego ama gomunai bidi dao. Te aga abe dabe da dali ede bidibao.” Augwaligo te tiwai po olama, tama augwaligo aga dali dwai homu ela mani.

Matyu 17:27

Aga homu agai te takis mone masiąbaso da, te usu da, te homu eyu tama agai Pitabolo po me wai, “Tiali goli, e takis sabo bage augwaligo da si dali dwai homu idali weyu, tama nage te sigi ąįba pelama, te sųgų sabo huk te ąįba sągi pao. Tama nago hasia sabo sųgų, te nago selama penane pedegao, tama nago te sųgų tomode te mone ge me deli sueibao. Te mone ge nago selama, augwalibolo mao, te dadi si talua sigo takis mone usu nama muaibao,” Jisasgo te po wai.

Aisaia 65:8

Genuai Bidigo te po wai, “Te bidi me deligo te bono du wain te du pa elalubo nogogo sąwainu ebaso, gasa bidigo te po wagi da, ‘Tonalu bolo yao,’ wai. ‘Eno te wiegi yai wain wai du meba te pąde elalubo suali. Dago selama, te tuabo wain ąį meba nigibaso, usu yaibao,’ wai. Te tiwai tama, ena Genuai Bidi, eno te tigidali Israel we bidi me dologobeo, magi baso meni, augwali eno sę bidi dabe dao.

Aisaia 62:1

Jerusalem, nage tobade te eno po hanilama, bomo elama weyu, te Genuai Bidigo nageba wiegi yai sę yao po obao. Te eno pedauwali me pania sogobeo. Mu menio. Te eno Genuai Bidiba i udu, te Genuai Bidigo te bugagia wiegi yai doloba pai kolesaga nageba eyu, te kigamu nanobo giliga ula tiwai eyu, te hulide domanobo sole ula ebo tiwai teba usu numainogo yaibao.

Kolosi 1:24

Ena megi e kalabus bede bidiyu tama dene sobao. Tiali goli eno dage tau somainogo eyu, tama te dene sobaso, eno dwagi yai homu ebao. Magi baso menio. Da Godigo po odobo we bidi da, te Krais aga tigi tiwai bidibao. Tama aga tigi tobade te dene tolobo sę me elalubao. Tama eno tigide te dene me sobaso da, teda eno te agai aga tigi tau sabo dene meba toloyu, tama te dene silibo sę eno tama tau sabo dao.

Dwagi Yai Gesi Po Lukgo Asęani 8:3

We me nogi Joana, Herotgo bede sę ebo genuai bidi Kusago we dao. We me nogi Susana. Me badu we dabe hauwago augwa monego Jisas me, Jisas aga dali bilibo bidi dabe me tau sali.

Polgo Po Pas Rom Dabeba Asęani 15:3

Te Kraisgo me, Krais aga digi aga homu wali me pabeo. Te meni. Te we bidi augwaligo agade nogi posobo po wali goli, aga Godigo homu naga wali pali. Te agade pedalali kolesaga te bidi mego Godibolo polobadu wali po tiwai gilama yai. Te bukude asęani po e dao: “Te God, te bidi dabe augwaligo nagebolo wabo dwai po wabo, te augwaligo dwai po wabo te po asiyu ena mesegelai dao,” te po asęani, tama te Kraisde usu nagasai dao.

Kraisgo Geme Dualali Sę Pedelabo Po Jonbolo Ola Mani 2:9

Eno koneani, nago te sęgę te gasa bidi dabego nogode siyu dene dali ebo, tama tiyu nage magi nai meni yai mu bidibo te eno koneai. Tiali goli nage nai meni yai bidi mu menio, te God dali nage nai umabo elalubo bidi dao. Tama bidi meba augwaligo dagebolo posobo po wabo, te eno koneai. Tama te posobo po wabo bidi dabe augwaligo te po wabo dao, ‘Da Juda bage dao.’ Tiali goli augwali te tigide naga te Juda bage dao wabo, tama augwaligo ebo kolesagade augwali te Juda bage mu menio. Augwali te Satango hani dao.