Tiali goli eno te moni homu tagalama, te homu nagame me elalubeo. Magi baso meni, te eno ama Taitus aga dage bidiboba pelama bidali, tiali goli aga ma asama eno aga me subeo. Tama tibaso, eno te Troas bage augwali tagalama, te Taitus gegegi peyu, tama ena asama te Masedonia moni tǫ pedaiba sabolai dao.
2 Korin 7:5 - Godigo dwagi yai po buku5 Magi baso meni. Polobadu da aselama te Masedonia tǫba sabolali, tama tede me da tigi dwasianu toma me nabeo. Menio. Te haniani sęgę daba pedalai. Dago po konila te Godigo po odisąbo bidi dabe dali wali, tama da homude wi yali. Gade chapit la |
2 Korin 7:5
23 Referans Kwoze
Tama genuai wąbi hwįbo si asobo suaibao. Te tama tialima, augwali sunumide bidali da, te boi bidi dabego augwali elama, isilaibao. Tialima, augwali bede geme dualaluyu da, augwali wi dwai mu yaibao, tama augwali me isaibao. Te boi bidi dabe augwaligo augwali sese tama ela isila silaibao, te gesi bidi, me gesi wegi, me wai bǫų dabe, me polo monu dabe me ela silaibao.
Te wado po wali dabe sia selama, te hauwa sogonu bugagia bidama, te Polgo Jisasgo po wali pabo we bidi i wali. Tama agai dwagi yai po augwali homude dąų olama bomo sabo po ola mani. Tama nosali dage tao po olama, augwali nogo mani. Tama agai augwali taga pelama, aga moni gebadu Masedonia tǫba pali.
Tama te dene dage pageba asali baso, tama eno ma tonaluyu gesege ma egobeo homu eyu, eno bidi me deli dageba tagala palai. Te eno dagego Kraisde konealubo po me dąų wabowe, te eno koneainogo te bidi tagala palai. Te dwai sę ebo tomoba kegebo dwai mobo tuni bidi agai dage dali te sę yaliwe eno te homu yali. Agai te sę dage dali egi sogo da, tama dago dage dali yali sę olo dali eyu, te nai walosiąwai sę egi da.
Dage we bidigo te wiegi yai homu pemene enabolo mabo bage dao. Tama ena dage pageba pelama, te eno homu sęgę sidali weyu, te delide naga polobadu eno te pas asęna tolama tama dagego sali. Eno dage tigidalide te tiwai homugo koneai: te eno nai me delide te wiegi yai homu pemene ebaso da, teda dage tigidaligo me wiegi yai homu pemene teba ebo dao.
Ama dedeo, te tigidali sogo te ena dali boi homu ebo bagego dene mabo homu ebaso, te tigidali sogo deli deli ena isigowe, te eno konesiąbadi ena tama bidibo dao. Te po mu po naga dao, te eno dagede ebo homu te mu tama dao tiwai. Mu tama, da tigidali dago Genuai Bidi Krais Jisasde tia selama bidibo tama eno wiegi yai homu pemene dagebolo mu ebo dao.
Eno odali, te bidi hauwa augwa hasi pomu po dua digi mia siyu, te tiwai po obao, “Jeremaia aga te po wabo bidi, ‘Te bidi dabe wi ilibo sę eyu, te tigidali badu bidaibao.’ Tegoba, dago aga po tų ilaibao. Te megi tama po tų ilinao,” augwaligo te po wabo. Te eno hai namu tigidaligo homu te dwai sę enaba pedelama, te ena aiyaba elalumainao homu ebao. Tama augwa te tiwai po wali, “Te dago aga gaga munama, te dago aga aiyaba elaluama, te agai yali dwai kolesaga wei ponaibao,” te po wai.
Piblisite