2 Korin 4:4 - Godigo dwagi yai po buku

⁴ Magi baso meni. Te e tǫde tibo god Satan agai te Kraisgo poba augwa homu begi pisąbo bidi dabe augwaligo homu kone tuą palali. Magi baso meni, Krais aga da te God tiwai mu dao, tama agai dabolo Godigo noma mu hanilibo dao. Tama te Kraisgo genuai bomo yai ula waselabo wiegi yai gesi po, te po te giliga nanobo tiwai dao. Tiali goli te hagayabo we bidi augwaligo te pogo nanobo ula suidali weyu, Satan agai augwaligo homu kone puna palama tuą palali.

2 Korin 4:4 Referans Kwoze

Dwagi Yai Gesi Po Jongo Asęani 12:40

“‘Augwaligo homu begelegi sogo da, teda eno augwali usu ma iligi da,’ Godigo te po wai. Tialima, augwaligo gedugo sulama, homugo koneidali weyu, Godigo augwaligo gedu haluai dao. Agai augwali te homu tomoba masigi sąwai gagawai we bidi ilali,” Aisaiago te po polobadu asęani.

2 Korin 3:14

Tiali goli te Israel dabe augwaligo homu mu puna peyu, kone tuą pali. Tama tigidali sogo augwaligo te Godigo te we bidi tau sabo poloba dąų wali po naga te bukude nedeyu iduai, te ugwa nami tiwai me augwa homude elalubadi, te megi e sogoba usu nagasoba. Menio. Te Krais delide naga Godigo te homu mesegaluali ugwa nami dagala sąbo dao.

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

Aisaia 6:10

Magi baso meni. E we bidi hanigo homu kolesaga te puna pai dao. Tama augwaligo odogo po odobo hagela eyu, tama augwaligo augwa gedu palia sai. Tiyu, augwaligo gedugo te magi nai me deli suidali weyu tiali, tama augwaligo odogo po odidali weyu tiali, tama augwaligo homude te po page ma koneama, tama augwali begasa, enaba ma aselama, tama eno augwali usu ma ilidali weyu, augwaligo tama kolesaga yai dao,” wali.

1 Jon 5:19

Dago koneai, te tigidali tǫde bidibo we bidi augwali te Satango dologode bidibo digi, da Godigo wai dabe bidibao.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

Efesus 2:2

Tama te sogo dage e tǫde bidibo we bidigo ebo dwai kolesaga wali bilaluai dao. Tama tiyu, dagego te dwai haubo noma tobolu bidigo kolesaga wali pai dao. Agai te dagalude bidibo dwai haubo noma bage tonalubo dao, tama megi me agai te Godigo po sela sąbo we bidigo homu kolesaga tonalubo dao.

Efesus 6:12

Magi baso menio. Te da Krais wali pabo we bidi hani, dago te dwai sę ebo kolesaga dali hwįyu tama dago e tǫde bidibo bidi dali hwįbo meni. Dago te dwai sę ebo kolesaga dali hwįbadi, tama dago te dwai haubo noma bidi ugwadu te dagalude bidibo bage dali me hwįbo dao. Augwali da te megi hulia side dwai sę ebo tobolu bidi dabe me, te polalubo bidi dabe me, te we bidi tonalubo dwai noma bidi dabe dao.

Dwagi Yai Gesi Po Jongo Asęani 12:31

Megi Godigo tǫde we bidi osola suyu, sęgę mabo sogo dao. Megi e tǫde elalubo dwai kolesaga tobolu bidi Satan sela sąbo sogo dao.

Dwagi Yai Gesi Po Jongo Asęani 8:12

Te Jisasgo te Farisi hani bidi augwalibolo nosali te po ma wai, “Ena te tǫde we bidide ula dao. Bidi ena wali asobo bidi aga te bugagia bidabo ula aga selama, e tǫde bidaibao, aga hulide munu me bidigobeo,” wali.

Dwagi Yai Gesi Po Jongo Asęani 12:35

Tama Jisasgo augwalibolo te po wai, “Dwasianu sogo me te ula dage dali bidaibao. Te hulia sabo dageba asidali weyu, megi dagego te ula elalubo si, te ulade dage bidao. Te hulide pabo bidi aga mena pabowe te agai konegobeo.

Dwagi Yai Gesi Po Jongo Asęani 14:30

Eno dage dali po hauwa megi wagobeo. Magi basowe? E tǫde tobolu bidi megi tama asobao. Agai ena dali magi sę ebo usu egobeo.

2 Korin 3:18

Tama da tigidali, da te nai me deligo da gesabidi me au palialubeo. Tama Genuai Bidigo wiegi yai bomo yai ula daba asiyu, tama da te gesabidi subo ąį dula tiwai pedalama te ula te bidi dabe augwaliba pobao, tama augwaligo subo dao. Sesemane sogo dago ula umabo mu sabo, tama da hasegeleyu tama Genuai Bidi aga noma tiwai pedalobo dao. Genuai Bidi aga te Mobo, tama agai te tiwai kolesaga da dali ebo dao, tama te bomo yai ula te genilama mu ela pabo dao.

Kolosi 1:27

Te Godigo homu e dao: agai aga polobadu dulaluai po agai we bidi mu augwalibolo hania hanilaibao. Tama te dulaluali pogo te gasa hani we bidi tigidali tau sabo po dao. Te dulaluali po wiegi yai mu dao, te bomo yai ula umabo elalubo po dao. Te dulaluali po page e dao: Krais aga digi dage deli delide hodobo bidibao, tama aga tama bidibaso dagego Godigo bomo yai ula dali, genuai nogi dali, bomo dali te meba saibao, tama tede dagego dwagi yai homu eyu bugagia tonalubo dao.

Kolosi 1:15

God aga te dago susiąbo bidi goli, Krais te God tiwai mu bidiyu tama bidigo gedugo suali bidi bidai. Aga Godigo hasia ogwa dao, te tigidali nigali naigo nogi agai nogigo aiyaba elalubo dao.

1 Jon 2:8

Me ma, megi eno dagebolo te asębo bomo yai po page meba te gesi po dao. Tama te eno asębo bomo yai po te mu po dao, te dago konebao, te Kraisde me, te dagede me, tede dago te bomo yai po te mu po dao dago subo dao. Magi baso meni, te ula mu te pedalama bidiyu, tama te ulago te be hulia si elaluali silibao.

Filipai 2:6

Aga tigidali sogo polobadu God tiwai mu bididuai dao. Tiali goli agai aga digi tau somainu “Ena e tiwai bidaibao” homu te munu me ebeo.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

Taitus 2:13

Tama dago te ola mani po odolama, tama te tiwai kolesaga eyu bidibadi, tama dwagi yai homu eyu, te wiegi yai sogo asobo dago tonalubo dao. Tama te sogo asobo si, teda dago genuai God te da ma dobola sali bidi Jisas Krais agai bomo yai ula dali, genuai nogi dali, te hania ulaba pedalaibao.

Dwagi Yai Gesi Po Jongo Asęani 16:11

Te Godigo po tų ebo page me, te Mobo Bidi agai augwali e tama ola mawaibao. Godigo e tǫde dwai we bidigo tuni bidi dali po tųde te bidi aiyaba elaluali po te Mobo Bidigo augwalibolo hanilagasaibao,” Jisasgo te po aga bidi dabe dali wai.

2 Pita 1:19

Tama tibaso, dago te Godigo po odolama we bidibolo pusali bidi dabego polobadu wali poba dena homu te poba dąų wabo dao. Tama te tiwai gilama tama dagego me augwaligo wali po bomonama dąų ola siyu da, te wiegi yai yaibao. Te Godigo po pusali bidi profet bagego po te be hulia sai madide te lam sole ula elalubo tiwai dao. Tama dagego te profet bagego po bugagia odao, tama te po ododubadi te be posainu ebode tama te genuai ula elalubo hǫ pedalugulama tama te hǫgo ula te dagego homu tomode ula elaluaibao. Te sogo asobo tonalubadi, dagego te profet bagego po bugagia odiąo.

2 Korin 3:11

Magi baso meni. Te osogo elaluali sę aga te bomo yai ula elalualigo da, teda te Godigo Mobo Bidigo te we bidibolo maiabo gesi wiegi yai po sę, te sę sesemane sogo elalubao, te sę aga Godigo bomo yai ula umabo mu elalubo dao.

1 Korin 10:20

Mu menio. Eno wali po page e dao: te Godigo po odisąwai bagego augwa alta saide ofa ebo nai, te augwaligo dwai haubo noma bidi dabebolo te ofa mabo dao. Augwaligo te Godibolo ofa me mabeo. Tama dage te dwai haubo noma bage dali deliba sisinibo te eno godolo me egobeo, ena mu hagelabo.

Dwagi Yai Gesi Po Jongo Asęani 12:45

Tama niwai bidigo aga gedugo ena suali bidi, agai te ena tagala palali bidi me subo.

Dwagi Yai Gesi Po Jongo Asęani 15:24

Haniani sę polobadu gasa bidigo esiąwani sę, te sę eno augwali tomode yai. Tialima eno te sę me esiąyu da, te augwali sęgę me sigi menio. Tialima, megi augwaligo te eno yali sę sulama digi, tama augwaligo ena dali, eno Aya da si talua si dali boi bidi yabo homu ebo dao.

Dwagi Yai Gesi Po Jongo Asęani 1:18

Menio. Bidi me deligo God munu me gedugo subeo. Mu menio. Tialima, te Godigo ogwa deli aga aya pąde bidibo, agai Godigo page dabolo ola mawai dao.

Godigo Nogi Ugwaba Sabo Tęąbi Po Wabo Buku Dabe 50:2

God te Saionde bidiyu, te taun te polalubo taun mu, tama te gasa sawi yai mu elalubao, tama Godigo ula te pepeli diliba pedelali.

2 Timoti 1:11

Te dwagi yai ola mabo po da, te ula yai bomo elalubo wiegi yai bidi God agai te po pusao olama enabolo mani gesi wiegi yai po tomode elalubao.

Te Israel me Juda Hani Sigo Tuni Bidigo Po Elalubo Buku Deli 22:22

Te Genuai Bidigo agaba hanalu wai, ‘Nago te Ahap mena tama tųba geanobo po waibawe?’ Tialima, te mobo noma bidigo Genuai Bidiba te tama po wali, ‘Te ena pelama, te Ahap aga profet dabego digi aga tibo po momainogo ilaibao.’ Tama Genuai Bidigo te noma mobo bidibolo te tiwai po wali, ‘Nage pelama, aga geanobo po wagi pao, te agai nago poba homu mueibao,’ Genuai Bidigo te po wai,” Mikaiago te tiwai wali.

Matyu 13:22

Tama meba te tedela palali nai wai ge te sesani yai bono elalubo madi tomoba tudulaluali, te bidigo po sabo tiwai yali, tiali goli agai homu hauwa te tǫde naiba pelama, tama agai mone dabe te doado bage hauwa sabobo homu hauwa yali, tama te homu ebogo te Godigo po mesegelama, tama agai nai ge walobeo.

Godigo Sęba Tagala Palai Bidigo Po 26:23

Tama Moses me, te Godigo pedauwalide po sali bidi me, augwaligo te po wali, ‘Te bidi Israel we bidi tau somai hagede Godigo sa muai bidi Krais da, agai moni dene selama, isaibao. Tama aga hasia mu gų pagede hodalobo polali bidi dao. Tama agai tigidali pogo te Juda hani me, te Juda hani isąwai bidi me, dwai kolesaga sela sąbo sę dwagi yai konelai bidi aga dao, tigidali bidigo agai po odama, hulide pabo dwai kolesaga tagalomainu yaibao,’” Pol agai te po wali.

2 Korin 2:11

Eno te dago aga sęgę sela sąbo homu yali, tiyu Satango da tibo po ola menama tama da aiyaba elaluidali weyu tiaibao. Dago agai te we bidi dolabo dwai homu kolesaga koneai dao.

2 Korin 2:12

Polobadu gana ena pelama te Troas hanuba pedalama, te gesi wiegi yai po Kraisde pusainogo yali, tama Genuai Bidigo te po pusubo tų dalalio.

Galesia 1:4

Tama Krais agai te dago Aya Godigo homu wali peyu, tama aga digi aga bidibo ula olo mayu, agai dago yali dwai dwai sęgę te sela sąwai. Tama tiyu agai homu da e tǫde megi elalubo dwai kolesagade sela pomainogo yai.

Hibru 6:4

Magi baso meni. Te bidi meba augwaligo te Godigo ula salio. Augwaligo te Godigo olo mabo wiegi yai nai usu sela sulama koneani. Tama te Godigo Mobo Bidi me te augwaligo sai dao. Augwaligo te Godigo wali po odolama, tama augwaligo koneani, te wiegi yai mu da wai. Augwaligo te Godigo wiegi yai sogo bomo ebo suyu gęnenama, tama te tiwai bomo te nosali pedalaibao te homu yalio. Tama te bidi dabe augwali tulaluyu tama God tudiba mubaso da, teda augwali ma begasa aselama, homu ma begelabo tų te usu munu me egobeo. Menio. Te tebo kolesagago augwa digi augwaligo te Godigo Ogwa te ni pedaide ma elali sę tiwai yai. Augwaligo aga ni pedaide walama, te bidi dabego agade te posobo po waibao.

1 Jon 2:11

Tiali goli niwai bidigo aga ama dali sębę eyu boi bidi homu eyu da, te bidi hulide bidibo dao. Aga hulide biliyu, be hulia saligo agai gedu dąų olama, tama aga pabo tų aga konesiąbaso gegebo dao.