2 Korin 4:16 - Godigo dwagi yai po buku

¹⁶ Dago te homugo konebaso, tama da Godigo sęde bomo kimi munu me isibo menio. Te mu tama, dago tigi dolainogo ebo dao. Tiali goli magigo meni, dago homu dali noma dali si te tigidali deli deli sogo gesi ma pedaliyu ebo dao.

2 Korin 4:16 Referans Kwoze

Aisaia 40:31

Tiali goli, te Genuai Bidiba konealubo homu dąų olama, te agai augwali tau sabo tonalubo we bidi dabe, augwali te bomo sesemane elalu bidaibao. Tama augwali bomonama eyu, te ba kemodage bola pabo tiwai yaibao. Te augwali udalama, te augwali homu hę me egobeo, te augwali bilidu, te bomo kimi me isigobeo.

Kolosi 3:10

Tama dagego te gesi noma homu kolesaga selama elalubao. God aga digi te gesi noma bidi nigai, tama dagego aga kuna koneyu, tama aga tiwai mu pedalomainogo, agai dage sesemane sogo tau sabo dao.

Aisaia 40:29

Genuai Bidigo te bomo meni yai bidi dabe dąų walobaso, te dili bomo kimi silai digi, te agai augwali bomo selama, bidimainu ebo dao.

Polgo Po Pas Rom Dabeba Asęani 12:2

Tama te kolesaga edubadi, dage te tǫde bidi dabe biladubo tiwai elama me bilalugio. Menio. Dagego homu kolesaga Godigo gesi noma pedalomainogo ilama, tama dagego kolesaga me gesi noma pedalomainogo emainao. Tama tiyu da, teda dagego te Godigo homu kolesaga koneaibao. Tama agai homu kolesaga koneama tama te bidigo yabo wiegi yai sę me, te Godigo gedude te usu niba kadu wabo kolesaga dali, te doloba pai kolesaga dali, te tobage dwagi yai kolesaga page tigidali dagego hania koneaibao.

2 Korin 4:1

Godigo da homu dene eyu tau selama, tama te agai gesi dąų wali po pusubo sę dabolo mawai. Tama tialigo da, teda te sęde da bomo kimi isąyu me egobeo, te sę tagalabo homu me egobeo.

Godigo Nogi Ugwaba Sabo Tęąbi Po Wabo Buku Dabe 73:26

Te eno tigi, me homu kolesaga, te bomo me elalusiąbaso da, teda God, nago digi nago ena dąų walao. Tama nage ena dali bidiyu, tama ena sesemane bidada peyu, bidada pabo sogode te ena usu mu elaluaibao.

Efesus 3:16

Tama tibaso eno gedu haluasa po e tama wabo dao: “Aya God, nago naga we bidi dali wiegi yai sę yabo homu umabo mu elalubo dao. Tama tiyu, eno homugo nago te Efesus hani we bidi dali dwagi yai sę eyu, tama nago Mobo Bidi agai nago bomo meba selama, tama agai augwalibolo te bomo mao, augwaligo homu bomo ilimainogo, te Mobo Bidigo bomogo augwali dąų mu walomainogo tama tiao,” eno God dali te tobage hanalu wabo po wabo dao.

Polgo Po Pas Rom Dabeba Asęani 7:22

Mu tama, eno homude eno Godigo bomai po mu godolo ebo dao.

Taitus 3:5

te sogo agai da ma dobola sai. Agai dago doloba pai kolesaga ebaso, tama agai da ma sabeo. Dago te doloba pai kolesaga ebeo. Aga digi da we bidi hobede mu ebaso tama da ma sai dao. Tama aga digi da ąįgo paluama, tama da gesi noma wai ma pedalai dao. Tama tiyu tama agai Mobo Bidigo da gesi noma bidibo ula mawai dao.

Godigo Nogi Ugwaba Sabo Tęąbi Po Wabo Buku Dabe 27:13

Mu tama, nosali ena me bididubadi, eno te Godigo wiegi yai sę te aga we bidi dabeba ebo te eno sueibao.

1 Pita 3:4

Te tobage au yabo nai te osogo naga elalubo nai dao. Dagego au yabo nai te gasagi yai mu dao. Te dagego homu kolesaga tomode geme dualali au yabo gasagi yai nai mu tedali elalubo dao. Tama dage nagamea pai homu eyu, dua bidabo kolesaga elalubaso, teda te gamonabo au yabo nai mu dao, tama Godigo gedude te wiegi yai dila pai nai mu dao.

Efesus 4:23

Tama tilama, dagego homu kolesaga dali mobo dali wiegi yai gesi mu ma pedalama bidiąo.

1 Korin 15:58

Eno ama dede muo, te da nosali ma hodaluama tama tebogo te isibo kolesaga aiyaba mu elalubaso, megi dage bomo elama bidiyu, tama wi homu eyu dwasianu ibaba kila selamuo. Te dagego Genuai Bidigo sę dene ebo, te olo me tagalogobeo, te sę ebogo aga du mu walaibao. Dagego te tiwai koneama, tama sesemane sogo dagego dago Genuai Bidigo sęde sę bomo mu yao.

Godigo Nogi Ugwaba Sabo Tęąbi Po Wabo Buku Dabe 51:10

God, nago eno homu kolesaga tomode meda meni yai dwagi yai gesi kolesaga ilibo sę ma yao. Awe, ena nage dali homugo kęą pai bidi pedalumainu yao.

2 Korin 12:15

Tama dwagi yai homu eyu, dage tobade eno ena nai tigidali maiabo homu elama, tama ena bidibo ula me maiabo homu ebao, te dage tau sabo homu ebao. Eno dage dali dwagi yai homu eyu godolo mu ebo kolesaga genuai mu ebaso, tama te dagego magi baso ena dali homugo dwasianu naga kone palobowe?

Dwagi Yai Gesi Po Lukgo Asęani 11:3

Da bidibo dononama dago homugo tubo nai mao.

Godigo Nogi Ugwaba Sabo Tęąbi Po Wabo Buku Dabe 119:81

Nago ena ma sogowe weyu tonalu, te ena haliga sęgę mu ebao, tama eno bomo tigidali silibao. Tiali goli, eno nago pode konealubo homu dąų wai mu elalubo dao.

1 Pita 4:14

Tama dage Krais wali pobaso augwaligo dage dali te nogi posobo dwai po weyu da, teda dage dwagi yai homu yao, God aga moni ula yai Mobo Bidi aga dage dali bugagia bidibaso.