2 Korin 3:7 - Godigo dwagi yai po buku

^7-9 Te Godigo te we bidi dali polobadu yali sę dali, te agai megi ebo gesi sę dali, te sę side dago homugo kone paluyu dagalinao. Polobadu Godigo te bomo yai pogo po te sawali yai masigi daide asęai. Tama te bomo yai pogo ebo sęgo te we bidi dabe augwali isaboba pedalaibao. Te bomo yai pogo sę te da we bidi po tų ilama, tama da sęgę sai bage dao hania hanilabo sę dao. Tiali goli te sę te Godigo wiegi yai bomo yai ula dali pedalali. Tama Mosesgo gesabidi ula mu ebaso, tama Israel dabe wi eyu, augwaligo aga gesabidiba tonabo usu me ebeo. Te bomo yai pogo sę tidubadi te sę ebode te bomo yai ula elaluali. Tiali goli nosali te bomo yai ula silalio. Tama megi, megi Godigo sę ebogo te we bidi augwalibolo aga Tedali Mobo Bidi mabo dao. Megi Godigo wiegi yai gesi po pusubo sę ebode te bidi dabe augwali doloba pai nogi nogi yaibao, te sęde Godigo bomo yai ula te umabo mu elalubo dao.

2 Korin 3:7 Referans Kwoze

1 Korin 13:10

Tiali goli nosali te sese usu mu yai nai asiyu, tama te sogo te sese isąwai sǫą pali nai dabe tigidali silaibao, te augwaligo sę me meni.

Polgo Po Pas Rom Dabeba Asęani 10:4

Dago koneani, te bomai po wali peyu tama Godigo bidi doloba pai bidi nogi pobo tų, te tų te Krais asali sogo silali. Megi te gesi tų elalubao. Te Kraisde konealubo po dąų wabo we bidi, te Godigo augwali doloba pai we bidi nogi poaibao.

Ma Dobola Sali 31:18

Te Godigo po te Sainai bulu dude Moses dali wali sogo, agai te masigi name si te bomo yai po God aga digi nogogo asęai, te Mosesbolo mawai dao.

2 Korin 3:6

Magi baso meni, aga digi da usu ilama, tama da te agai da tau somainogo eyu gesi noma dąų wali pogo sę ebo bidi bidibao. Te gesi noma da tau somainogo eyu dąų wali po te hasia asęani bomai po tego nai me egobeo. Menio. Te Godigo Mobo Bidigo nai dao. Magi baso meni. Te hasia asęani bomai pogo te bidi ela mubo dao, tiali goli te Godigo Mobo Bidigo bidibo ula te bidibolo mabo dao.

2 Korin 3:3

Dage haninama te dage te Kraisdu asai pas tiwai me deli bidibao. Te da sigo yali sęde Kraisgo te pas asęai. Agai te asębo medabugo sisi ąį selama tama me asębeo. Menio. Agai te bidibo ula elalubo Godigo Mobo Bidigo asęai. Agai te sawali yai masigi daide me asębeo. Menio. Agai te we bidigo homude asęai dao.

Ma Dobola Sali 24:12

Nosali Genuai Bidigo Mosesbolo te po wai, “Nage bulu duba ma holama, tama ena pąba bidagasao. Eno bomo yai po meba te masigi sawali side asęaibao. Tama eno te masigi si nagebolo menama, tama nago te bomo yai po te we bidibolo ola magameo,” wali.

Polgo Po Pas Rom Dabeba Asęani 4:15

Bomai po elalubaso da, teda dago koneani, te bomai po bolobo bidi aga Godigo nogode dene sabo tų te me elalubao. Tama te bomai po menigi sogo da, teda dago te bidigo bomai po bolobo te po me wagi menigi dao.

Godigo Nogi Ugwaba Sabo Tęąbi Po Wabo Buku Dabe 119:97

Eno nago bomo yai po godolo mu ebao! Eno tede homu kone palobo sę te siade me hulide ebo dao.

Polgo Po Pas Rom Dabeba Asęani 7:10

Tama eno me koneani, eno te dwai sę ebaso, ena isali tiwai yalio, ena God dali bidibeo. Hasia sogo Godigo te bomai po sa muyu te enabolo bidibo ula mawaibao po wai. Tiali goli eno te bomai pode bidibo ula me sabeo, agai ena ela muyu naga yai dao.

Godigo Sęba Tagala Palai Bidigo Po 6:15

Tama olama, te kaunsil dabe dali dualu tonalubo bidi dabe augwaligo Stiven bomona tonaluali. Augwaligo te bidi gesabidi suali da, te Godigo dagalude sę ebo ensel bidi gesabidi tiwai suali.

Godigo Nogi Ugwaba Sabo Tęąbi Po Wabo Buku Dabe 119:174

Genuai Bidi, eno haligago nagede gela obao, te nago ena ma sao. Nago bomo yai pogo ena homu pemene ilibo dao.

Bomai Po 9:15

“Tialima, eno te Godigo dąų walali te po asęani te masigi pedai si selama, tama ena te bulu dude ena aiyaba dulai dao. Tama te sogo genuai isi bogoli te bulu dude dai dao. Tama agai bogoli ugwaba mu holai dao.

Polgo Po Pas Rom Dabeba Asęani 7:22

Mu tama, eno homude eno Godigo bomai po mu godolo ebo dao.

Bomai Po 4:13

Tama te sogo agai nogo si bomai po dagebolo menama, tama agai masigi sawali side asęai dao. Te bomai po te agai dage dali te po dąų waliyu, te tama tiai dao. Tama agai dagebolo te bomai po wali piąo po wai dao.

Ma Dobola Sali 34:1

Nosali Genuai Bidigo po Mosesbolo weyu, te po wai, “Nago te masigi dage si togolama, tama bugagia dodolama, tama nago te sąnama toga pali masigi sawali, te tiwai si ma emainao. Tama eno te hasia polobadu togolama asęani tiwai po naga ma asęaibao.

Ma Dobola Sali 32:19

Tama Moses te we bidi bidibo pesage pąba sabolama suali, te bulmakau gol, me te we bidi augwali tęąbi idubo suali, tialima tama aga sębę mu yai. Tama agai te tolasa asali te masigi si, agai te bulu du pageba sąnama, tama te masigi si pepeda pai.

Tigidali Nai Gagalama Nigali Side 3:21

Tama Yawe Godigo te hasa tigiwali dabego te gudubo ugwa nigilama, tama agai Adam we de bidi sibolo menama, tama augwali sigo te ugwa gudali.

Hibru 9:4

Te wiegi yai denami ilibo alta sai te be habude munaluai. Te alta sai augwaligo ni namigo nigilama, tama te wiegi yai kapa nogi gol, te golgo te ni nami alta sai haluali, tama munaluai. Te Godigo dąų wali po ola maiabo genuai halobage me munaluai. Augwaligo te halobage tigidali badu te golgo naga haluai. Te halobage tomode te gol sene me elalubao, te Godigo te Israel dabebolo polobadu mani tubo nai nogi mana meba me te gol sene tomode munaluali. Te polobadu te bidi Arongo te kulubi pedalali ni dono me, te polobadu Godigo mani nogo si bomai po asęani masigi name si me, te nai dabe me tama te halobagede munaluai dao.

Nehemia 9:13

Tama augwali te Sainai bulu duba sabalubo sogo, nage te dagalude bidiyu, tama augwaliba po miai. Tama nage aiyaba dulama, nage te bulu dude bidai. Tama nago augwaliba te wiegi yai doloba pai bomai po mawai dao.

Bomai Po 4:8

Tama te gasa we bidi augwaligo te doloba pai bomo yai po augwaligo elalusiąwai, te eno dagebolo me e ola mabo haniani bomo yai po tiwai elalubeo. Mu menio.

Bomai Po 5:22

Tama Mosesgo te po wali, “Dage tigidali te bulu dude sisinani sogo, Genuai Bidi te isi tomode me te moni genuai sisi pǫ tomode bidai dao. Tama agai po bomona haninama, tama te bomai po dabe dagebolo mani. Tama agai gasa po teba daganobeo. Tama agai te bomai po te masigi pedai side asęnama, enabolo mani,” wali.

Polgo Po Pas Rom Dabeba Asęani 5:20

Te we bidi tigidali augwaligo augwa ebo dwai sę te Godigo gedude genuai mu dao konemainogo eyu, tama Godigo te bomai po dabe Mosesbolo ola mawai. Tama mayu, tama augwaligo te bomai po me bolodu mu geanio. Te bidi dabe augwaligo dwai sę umabo mu iduali, tiali goli Godigo te olo tau sabo wiegi yai kolesaga te augwalibolo me mu idu gebo dao.

Polgo Po Pas Rom Dabeba Asęani 7:5

Da te poloba meda yai kolesagade bidali sogo, te bomai po elalubaso, tede dwai homu eyu, tama dago tigigo ebo dwai kolesaga hodoliyu tama dena tigigo dago dwai sę eyu bidai dao. Tama te sę dago elaluama, tama dena noma isabo sę naga pedalainogo yai dao, te da God dali bidisiąbo sę naga pedalai dao.

Galesia 3:10

Me ma, we bidi meba augwaligo te homu ebo dao, ‘Te dago te bomo yai po bugagia wali peyu, tama Godigo gedude da doloba pai we bidi pedalaibao.’ Tiali goli te tobage homu ebo we bidi augwalibolo Godigo dwai sęgę mena mena piduaibao. Magi baso meni. Te God agai wali po bukude te po me deli elalubao, e dao, “Niwai bidi aga te bomo yai po wali pabo bidi aga sesemane sogo te bukude asęani bomo yai po tigidali te gisiga wali pisąwai bidi, te bidibolo God agai dwai sęgę mena mena piduaibao,” te po asęani. Tama da we bidigo te bomo yai po tigidali gisiga wali pabo usubeo.

Galesia 3:21

Te bomo yai po dali, te Godigo we bidibolo dwagi yai sę yaibao dąų wali po dali, te po si augwa hasi boi bidi si tiwai dawe? Woo, te tiwai mu menio. Te po olamuo. Tama Godigo te bomo yai po me deli menama, tama te bomo yai pogo te we bidi Godigo gedude doloba pai we bidi egi sogo da, teda te we bidi tigidali augwali te bomo yai po wali pelama, augwali Godigo gedude doloba pai pedelali wagi da.

Hibru 3:3

Tama dago koneani, be sę yai bidigo genuai nogigo te aga sę yai bego genuai nogi digi aiyaba elalubo dao. Tama te tiwai me Godigo homugo Jisas koneani, agai te genuai nogi me deli sabogo te Mosesgo genuai nogi te aiyaba elaluabo homu yai.

Hibru 12:18

Megi dagego te Israel hani we bidi augwaligo polobadu mu yali sę tiwai ebeo. Augwali te augwa nogogo tula subo naiba asali, te bulu du nogi Sainai teba augwali asali. Te bulu dude augwaligo suali, te genuai sia dabo, tama be hulia si te sisi yai mu me, te bomai wali dali be sele dali be kulu wabo dali,