2 Korin 3:16 - Godigo dwagi yai po buku

¹⁶ Tiali goli, bidigo homu Genuai Bidiba ma begelegi pobaso da, teda agai te bidi aga homu mesegaluali ugwa nami dagala sąbo dao.

2 Korin 3:16 Referans Kwoze

Ma Dobola Sali 34:34

Tiali goli, Moses te lotu ugwa be tomoba te Genuai Bidi dali po miainogo pabo sogo, agai te gesabi dualaluali te ugwa pedai sela sąnama, tama buluba ma asiyu, te gesabi halusiąma asai. Aga te bedu buluba asobo si da, teda te we bidi augwalibolo te Genuai Bidigo agabolo wali po tigidali te augwalibolo wai dao.

Aisaia 29:18

Tama te sogo da, te olo degai dabego te bidigo te bukude nedebo po augwaligo odaibao. Tama te gedu hwidai dabe megi augwali moni hulia sai madi bidibo, te bidi dabe augwaligo ma gedu peda paibao, tama nai dabe ma suaibao.

Aisaia 25:7

Megi da, te we bidi hani augwali homu sęgę elama bidibao, te augwali te isibo kolesagade homu dene elama, te bidibao. Tama augwali te sęgęgo te ugwa tiwai augwali mesega sai dao. Tiali goli, te Saion bulu dude da, Genuai Bidigo augwaligo homu sęgę me hobede ebo dabe sese sia sąwaibao.

Polgo Po Pas Rom Dabeba Asęani 11:23

Tama te Juda dabe, te ni olivgo nologo mu, te augwaligo te Kraisde konealubo po dąų wabo hagelabo homu tagaluyu da, teda Godigo augwali te augwali togwali pesagede ma wadolaibao. Awe, Godigo te augwali ma wadoligi pabo usu yaibao.

Jeremaia 31:34

Te ena Genuai Bidi, eno po dolo obao, te sogo te bidi dabego te augwa abagi dabe, me augwa ama dede, te po ola mabo po weyu, te tiwai po weyu, ‘Dagego Genuai Bidi koneiąo,’ po me wagobeo. Menio. Te nogi meni yai bidi, me nogi elalubo dabe, tigidaligo ena koneaibao. Magi baso meni, te eno augwa sęgę tagalama, te eno augwaligo yali dwai sę homu kone munu me egobeo,” wali.

Te We Bidi Dabego Jerusalem Hagede Gela Wali 3:40

Dago dena kolesaga, me dena bilibo kolesaga dagalama, bugagia suao. Tama dago dwai kolesaga tagalama, tama da Godiba ma aselainao.

Aisaia 54:13

“Te ena digi eno nago wai dabe ola mayu, te augwa bidabo pesage bugagia mu elalueibao.

Bomai Po 30:10

Tiali goli, dagego Genuai Bidi dago God agai po wali pelama, tama e bukude elalubo bomai po me tigidali wali piąo. Dage agaba ma aselama, tama aga dagego homugo me homu kolesagago sese mu godolo mu iyąo,” Mosesgo te po wali.

Bomai Po 4:30

Tiali goli, dage genuai sęgę tomode bidibo sogo da, me te dwai nai dabe dageba pedalobo sogo me, teda dage homu begelama, ma geasa asama, Genuai Bidigo po wali paibao.

2 Korin 3:15

Awe, tigidali sogo te Israel dabe augwaligo te Mosesgo asęani po nedeyu ebo, te ugwa namigo augwaligo homu mesegaluali tiwai elalubao, te megi e sogoba usu nagasobao. Tama te nedebo po page augwaligo kuna konebo menio.