2 Korin 2:7 - Godigo dwagi yai po buku

⁷ Tama tibaso, dagego gasa kolesaga me megi iyąo. Te dagego agai sęgę sela sąnama, tama aga homu nagame ilao. Tiyu genuai homu sęgę mugo te bidi aiyaba mu elaluabuo.

2 Korin 2:7 Referans Kwoze

Efesus 4:32

Te tobage dwai kolesaga munu me egimio. Te menio. Tama dagego duga ama dede dali deli homu eyu dwagi yai tau sabo sę yao. Tama duga hasi dali homu dene eyu, augwali godolo mu yao. Tama duga hasigo dwai sę dagebolo ebaso da, teda dage sębę egio, te dagego augwali godolo mu eyu augwaligo yali dwai sę sela sąyao. Te Krais agai dage tau selama tama Godigo dagego yali dwai sę sęgę sela sąwai dao. Te tiwai kolesaga dagego me tiao.

Kolosi 3:13

Duga hasi bidi me deligo “Eno ama dwai sę ena dali yali,” te po weyu, tama agai te dwai sę ebaso da, te agai nagame homu eyu aga amago yali dwai sę sęgę sela sąyao. Dago Genuai Bidi Krais agai dagego sęgę sela sąwai dao. Te tiwai gilama duga hasi dagego me abagigo sęgę sela sąyao.

Aisaia 28:7

Te profet dabe, me pris dabe, augwaligo te wain wę me bia wę hauwa tulama, polobo homu yabo homu elama, dodolama, wa bilabo homu eyu, dodola bilabo homu ebo dao. Augwaligo homu kolesaga menia pabo dao. Tama augwaligo augwa sę bugagia ebo menio. Tama me, te pris bidi dabe augwaligo te we bidi dabego sęgę bugagia dodolobo menio.

Bugagia Bidibo Kolesagade Po Asęai Buku 17:22

Te bugai haliga ebo kolesaga te bidi bugagia bidimainu mabo marasin tiwai ebao. Tiali goli, te bidigo homu dolobaso da, te dwai gasigo te bidigo tigi dili dabe tomode te dolobo sę ebo tiwai ebao.

2 Tesalonaika 3:6

Abagi dede, dago Genuai Bidi Jisas Kraisgo nogide, dago po bomo elama, dagebolo obao, dagego suali abagi agai tubo nai sabo sę ebo hagelayu, olo bidiyu, tama agai dagego dade sali po wali pisąbaso da, dagego te tobage bidi sula tagalao.

1 Tesalonaika 4:13

Dago abagi dede o, edao. Te Godigo po wali pisiąwani we bidi augwaligo augwa homu Godiba musiąyu, te isali we bidi gų pagede ma hodalobo sogo augwaligo tonalusiąma, tama te isibo we bidide augwali homu dene eyu, gela mu wabo dao. Tiali goli, dago homugo te Godigo po wali pelama isali we bidide te dagego bugagia koneao. Dagego te buluba bidibo we bidigo gela wabo tiwai waidali weyu, dago e po dagebolo obao.

Filipai 2:27

Awe, mu tama, polobadu aga gasi mu yai, tama pąde mu aga isabo tiwai yai. Tiali goli Godigo aga dali homu dene eyu, tama aga tau selama aga isibeo. Tama tebode Godigo aga deli naga homu dene eyu tau sabeo. Agai ena me homu dene elama tau salio. Agai koneai, ena e kalabuside bidibaso, ena sęgę dali dene me te elalubao. Tama eno abagi isibaso, eno genuai sęgę elaluaibao. Tama idali weyu Godigo te bidi tau sabogo ena me tama tau sai dao.

2 Korin 7:10

Homu sęgę ilibo te Godigo nigilibo, tebogo da bidi dabe dago dwai sę yalide ge neyu tama homu begelemainogo ebo dao, tama te kolesagade Godigo da ma saibao. Tama dago te homu begelebo kolesagade te ge negobeo, te dwagi yai naga dao. Tiali goli te tǫde bidi dabe augwaligo homu sęgę ebo kolesagago, tede te isibo sę pedalobo dao.

2 Korin 5:4

Awe, da e osogo bidabo ugwa bede me bidaludu, tama da sęgę siyu gela weyu bidibao. Te dago poloba tigi tagalainogo homu eyu me wabeo. Menio. Dago homugo dago gesi tigi mubode, te gesi ugwa tiwai elama, teda te isibo tigi te aga bidibo ula somainogo ebo dao.

1 Korin 15:54

Mu tamao, te dago elalubo tigi, te dolobo tigi, te hasegelama sesemane sogo bugagia bidaibao. Tama te isibo tigi te hasegelama te gamonabo tigi pedalama tama sesemane sogo bidaibao. Te tebo sogo te Godigo po bukude asęani po me deli te usu nagasaibao. Bukude te po wai: “Godigo te wąbi hwįani bomo elama, tama te isibo kolesaga te aiyaba elaluama, tama tigidali mu silalio.”

Bugagia Bidibo Kolesagade Po Asęai Buku 1:12

Te dago te polo tama mu pedalu, te augwali ela muaibao, te isibo te bidi dabeba polo tama pedelama, tama augwali te isali bidi dabego pesageba pabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 21:9

Te aga hania te pepeli diliba pedalubo sogo da, teda agai te boi bidi dabe ela silibo da, te genuai siago te nai dabe ulubo tiwai gilama yaibao. Mu tama, te Godigo wado po weyu, tama augwali aiyaba elaluama, tama te siago augwali tigidali dela silaibao.

Godigo Nogi Ugwaba Sabo Tęąbi Po Wabo Buku Dabe 57:3

Aga te dagalude bidiyu, tama agai eno gedu haluasa po wabo odama, tama ena ma dobola saibao. Agai te ena dolainu ebo bidi dabe te aiyaba elalueibao. Godigo te sesemane sogo ena wei mu eyu, godolo elama, tama agai ena munu me tagalugobeo. Mu menio.

2 Korin 2:8

Tama tibaso, eno homugo dagego te duga ebo dwagi yai homu eyu godolo ebo homu te agabolo bugagia ola mao.