2 Korin 2:3 - Godigo dwagi yai po buku

³ Dage we bidigo te wiegi yai homu pemene enabolo mabo bage dao. Tama ena dage pageba pelama, te eno homu sęgę sidali weyu, te delide naga polobadu eno te pas asęna tolama tama dagego sali. Eno dage tigidalide te tiwai homugo koneai: te eno nai me delide te wiegi yai homu pemene ebaso da, teda dage tigidaligo me wiegi yai homu pemene teba ebo dao.

2 Korin 2:3 Referans Kwoze

Galesia 5:10

Tiali goli, ena dage dali da tigidali te Genuai Bidi Kraisde wadolobaso, tama dagede eno e homu ebao, dagego eno homu wali pabo tagalama, gasa bidigo po wali pogobeo. Tama te dagego homu hodolobo bidi te agai nogi eno konebeo. Tialima, te bidigo dagede dwai sę ebaso, tama Godigo agabolo dene mawaibao.

2 Korin 8:22

Tama tibaso, dago dena ama me deli augwali si dali hodobo tagala palobao. Hauwa sogo dago aga haniani sęde usu sali, tama agai sę bomo elama ebo dago suali. Megi agai homugo te dagego wiegi yai kolesaga naga ebo homu bomo ebaso, tama agai te sę yabo homu bomo ebao.

Filemon 1:21

Eno te homu bomo ebogo da, te nago eno te po wali pabo homu ebao. Tama tiyu eno nago Onesimus tau sao po nagebolo asęna tolobao. Eno koneani, nago yabo te kolesagago megi eno nagebolo te yao wabo kolesaga te aiyaba elaluama, tama nago te Onesimus dali nosali ebo kolesaga te wiegi yai mu yaibao.

2 Korin 7:12

Te mu tama, polobadu eno te pas dagebolo asęna tolali. Tiali goli eno te bidi me deligo dwai sę yali te homu elama te po me asębeo. Tama eno gasa bidi homu me ebe, te agabolo dwai sę yali bidi me homugo konebeo. Eno homugo augwali siba naga homu elama te po polobadu asęna me tolobeo. Menio. Eno te dagego kolesaga hanilama pedalomainogo yali, tama God gedude duga bugagia konemainogo yai: dagego da godolo mu yalio. Tede me tama eno te polobadu pas dagebolo asęna tolali.

2 Tesalonaika 3:4

Tama me, Genuai Bidigo da ola menama, tama dago dagede te konebao, tigidali kolesaga dago dagebolo yao te po wali, te sę dagego megi me ebo dao, tama nosali me dagego tama naga tiwai sę yaibao.

2 Korin 12:21

Eno e homu me ebao, ena dage bidiboba ma asobo si tama ena God agai ena te dagego gesabidide aiyaba elaluaibao. Tiyu eno dage hauwade gela waibao. Magi baso meni, te we bidi polobadu augwaligo te dwai sę yali te tagalama tama homu begelama, tama te meda yai kolesaga me, te penani ebo kolesaga me, te hale isąbo dwai dwai sę subigila ebo kolesaga, te augwaligo polobadu yali te dwai kolesaga tudiba me mube. Tama tede eno dage dali yabo sęde homu eyu tama homu sęgę elalubao.

2 Korin 12:11

Te eno te ena digi nogi ugwaba sali po tamadi weyu, te eno te kolesaga meni yai bidi tiwai yali. Tiali goli dage, dagego ena hodolobaso tama eno te po wali. Te duga digi eno nogi ugwaba sigi sogo da, te doloba pai kolesaga egi da. Tiali goli tama me tibeo. Mu tama, ena te olo nai tiwai dao. Tama te gasa bidi dabe augwaligo homu te augwali Godigo po sela pabo sę ebo bidi dabe bidiyu, tama augwali te sęde polalubo bidi dabe dao, augwaligo augwa sęde te homu ebo dao. Tiali goli ena dali augwali dali si usu siyu da, teda augwaligo ena te dwasianu sę me delide ena aiyaba elalugobeo. Mu menio.

2 Korin 7:8

Eno koneani, eno asęna tolali pasgo dagebolo dene mani, tiali goli tede eno ge nabo meni. Mu tama, polobadu hasia bolo eno tede ge nani, tiali goli megi da menio. Eno koneani, te pasgo dagebolo homu sęgę mani, tiali goli te pęwadage sogo naga yalio.

2 Korin 7:6

Tiali goli God da, te sęgę elalubo bidigo homu dua nagame ilibo bidi dao. Agai te Taitus da bidibo madi asobogo agai da wiegi yai homu nagame ilai dao.

2 Korin 1:15

Tama dagego enade te dwagi yai abagi homu ebo kolesaga tede eno homu si isąbaso, tama polobadu eno po weyu, te eno homugo hasia dage bidibo madibolo pelama, tama duga wiegi yai homu si sogo yagameo po wai.

1 Korin 4:21

Dagego mena kolesaga godolo ebowe? Te dagego homugo eno te dage dodolabo dono wąbi tolasa ena dageba asomainogowe? Ma, dagego homugo eno te dage dali dwagi yai homu eyu godolo ebo kolesaga me, te homu nagame ebo kolesaga elalubo te eno dageba sela asomainogo homu ebo dawe?

2 Korin 1:23

Te eno te polobadu asęna tolali pasgo te dageba asobode tibo po wai yaibaso da, teda Godigo eno te tibo po wali te hania haninagameo. Tiali goli, menio. Eno mu po naga obao. Te eno sęgę dageba mabo te eno hagela homu yali, tama tiyu te ena dage bidibo madi polo me te Korin buluba ma asobe dao.

2 Korin 2:9

Polobadu eno te pas asęna tolali, te dage eno usu naga sai. Eno koneainogo yali, dagego te tigidali naide eno po wali pogowe naga suainogo yai dao.

2 Korin 7:16

Megi eno homugo mu konebo, eno dage dali homu si ebo meni, te dagego tigidali kolesaga dolo mu ebaso, eno homu dageba tia pabo te usu dao.

2 Korin 13:10

Megi ena digibulu bidiyu, tama eno te dagebolo po asęna tolali, te pagede naga dao: te ena dage dali bidagasobo sogo tama sesena pai bidi tiwai eyu, eno dage te dago Genuai Bidigo enabolo mani sę yabo bomogo eno dage selebo sę idalio. Agai dena yabo sęde te bomo dali, genuai nogi dali si dabolo mani, te dago dagego Kraisde homu tialubo kolesaga ebode dąų walomainogo yali. Te dage dolomainogo eyu agai te bomo dabolo mabeo.