2 Korin 2:2 - Godigo dwagi yai po buku

² Magi baso meni. Te eno dagebolo homu sęgę mayu da, teda dego te eno homu wiegi yai pemene iligowe? Te eno dage homu sęgę ilai digi da, teda ena wiegi yai homu pemene ilabo bidi menigi da.

2 Korin 2:2 Referans Kwoze

2 Korin 7:8

Eno koneani, eno asęna tolali pasgo dagebolo dene mani, tiali goli tede eno ge nabo meni. Mu tama, polobadu hasia bolo eno tede ge nani, tiali goli megi da menio. Eno koneani, te pasgo dagebolo homu sęgę mani, tiali goli te pęwadage sogo naga yalio.

1 Korin 12:26

Tama tiyu te tigi me badu pedai badu dene eyu da, te tigidali badu dwai bidaibao. Tama me deli badu te nogi sobaso da, te tigi tigidali badu augwaligo te aga dali wiegi yai homu yaibao.

Polgo Po Pas Rom Dabeba Asęani 12:15

Te bidi dabe augwaligo wiegi yai pemene ebaso, te dagego wiegi yai homu pemene augwali dali hodobo iyąo. Augwali homu dene eyu gela obaso, teda dage me augwali dali hodobo gela wao.

2 Korin 11:29

Te bidi me deli bomo meni ebawe? Teda, ena me te bomo meni yai tiwai bidaibao. Te bidi me deli te dwai sęba tulaluai dawe? Teda, eno te aga te dwai sę tomoba kegali bidi dali dwai homu mu yaibao. Awe, tigidali haniani sę ebode eno te dagebolo tibo po ola mabo bage augwali eno aiyaba elalubo dao.

Matyu 19:22

Te gesi bidigo te po wali odolama, tama aga homu sęgę mu yali, tama aga beba ma pai. Magi basowe, te agai doado bage hauwa mu elaluai.