2 Korin 2:10 - Godigo dwagi yai po buku

¹⁰ Tama dagego bidi me deligo sęgę sela sąbaso da, teda eno me eno tagalaibao. Awe, te eno sela sąbo gasa bidigo yali sę sęgę elaluyu da, te eno Krais gedude te sęgę sela sąbao, te dage tobade tau siyu tiaibao.

2 Korin 2:10 Referans Kwoze

2 Korin 5:20

Tama tibaso, dago te Kraisgo pedauwalide po selama tama agai po pusubao. Te tiwai God aga digi te tigidali bidi dago pedauwaligo i obao. Dago Kraisde digi te po tigidali we bidibolo pusubao, tama dago te tiwai po augwalibolo obao, “Te dagego boi bidi homu ebo kolesaga tagalama, God dali abagi homu ebo kolesaga mu yao,” dago te po pusubo dao.

1 Korin 5:4

Eno te tiwai po wai dao: te Genuai Bidi Jisasgo nogide te dage deliba sisinama po miao. Tama eno homu me, te dago Genuai Bidi Jisasgo bomo me te dage dali bidaibao.

Dwagi Yai Gesi Po Jongo Asęani 20:23

“Dagego gasa bidi dabe mego dwai sę yali sęgę sela sąyu da, tama te dwai sęgo sęgę Godigo silaibao. Dagego gasa bidi dabego dwai sę yali sęgę dąų weyu da, teda te sęgę me elaluaibao, te dwai sę sęgę Godigo sela sągobeo,” Jisasgo te po wai.

Matyu 18:18

“Eno mu po dagebolo obao, dagego e tǫde dąų weyu habu selali nai te nai tigidali te Godigo me te aga we bidi tonalubo madide me dąų weyu habu selaibao. Ma, dagego e tǫde pisigina sąbo nai te nai tigidali te Godigo me te aga we bidi tonalubo madide me pisigina sąwaibao.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

2 Korin 6:6

Dago meda isąwai wiegi yai kolesaga eyu, tama Godigo pode dago wiegi yai homu kolesaga elaluyu kuna koneai dao. Bidi dabego dabolo dene mani goli, dago wado po polo me wasiąbo. Dago te bidi tau siyu, augwalibolo wiegi yai kolesaga ilibo dao. Dago te Tedali Mobo Bidigo bomo elalubao. Dago dena homu mu eyu, te dwagi yai homu eyu godolo ebo kolesaga te bidi dabe augwalibolo ebo, te pedauwalide naga te kolesaga ebode me wabo meni. Tama dago te tobage kolesaga ebadi, gasa bidi dabe augwaligo koneagameo, da te Godigo sę ebo bage mu dao.

Efesus 4:32

Te tobage dwai kolesaga munu me egimio. Te menio. Tama dagego duga ama dede dali deli homu eyu dwagi yai tau sabo sę yao. Tama duga hasi dali homu dene eyu, augwali godolo mu yao. Tama duga hasigo dwai sę dagebolo ebaso da, teda dage sębę egio, te dagego augwali godolo mu eyu augwaligo yali dwai sę sela sąyao. Te Krais agai dage tau selama tama Godigo dagego yali dwai sę sęgę sela sąwai dao. Te tiwai kolesaga dagego me tiao.