2 Korin 10:5 - Godigo dwagi yai po buku

⁵ Dago augwaligo da dali konila po wabo page pedeyu, tama augwaligo wabo po aiyaba mu elalubo dao. Tama tigidali kolesaga ugwadu mu dolaluyu tama te God koneainogo homu ebo bidi dabego tų palialubo, te me dago hųgibo dao. Tama da tigidali bidigo homu kolesaga dago kalabus ilama, te Kraisgo homu kolesaga wali pomainogo ebo dao.

2 Korin 10:5 Referans Kwoze

Hibru 4:12

Magi baso meni. Te Godigo wali po te bidabo ula elalubao, tama aga te sę bomo idubao. Te mu poa pai, tama te si dali si badu poa pai hwą gego poai yali te aiyaba elaluai. Tama bidigo poa pai kago hwą gego hasa mi togoyu, tama te poa pai hwą ge polo te hasa dili tomoba tugi pelama, tama te dili hania pedalobo dao. Tama te tiwai me Godigo wali po dago homu tomoba peyu, tama dago homu ogwa wai dali dago mobo dali si pedebo dao. Tama agai wali pogo dago ebo homu dali dago homu kolesaga page dali si, te tigidali te agai osola subo dao.

Aisaia 55:7

Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.

Polgo Po Pas Rom Dabeba Asęani 7:23

Tiali goli eno subao, gasa bomai po te eno tigi tomode elalubao, te gasa bomai pogo eno tigi tonalubo dao. Tama te gasa bomai pogo te eno Godigo bomai po mu godolo ebo homu dali hwįbo dao. Tama te gasa bomai pogo ena te ena tomode bidibo dwai sę ilibo homu kolesaga wali pomainogo ilibo dao.

Matyu 15:19

Tama bidigo homu kolesagadu te haniani dwai sę ilabo homu pedalobo dao. Tama te tobage homu eyu, augwaligo po weyu, tama augwaligo te bidi ela mubo kolesaga me, te we sabo sę dolobo kolesaga me, te hale ilibo penani kolesaga dabe me, te nai wi sabo kolesaga me, te po tųde tibo po wabo kolesaga me, te bidi nogi posobo po wabo kolesaga me, te tobage dwai dwai sę ebo dao.

Polgo Po Pas Rom Dabeba Asęani 1:21

Magi baso meni, augwaligo God koneali goli augwaligo aga te God mu da te homu me isąyu, tama augwaligo aga nogi ugwaba me sabeo. Tama augwaligo gedu haluasa po weyu agaba puba hwi me wabeo. Menio. Te augwaligo augwa homu kolesaga te olo naiba muani, te augwaligo God gegeda peyu, tama augwaligo homu te be hulia sabo tiwai pedalai.

1 Korin 3:19

Magi baso meni, te e tǫde koneani kolesaga te Godigo gedude te wabo pabo bidigo kolesaga tiwai ebao. Tede te Godigo po bukude te e tama tiwai po wai: “God agai tilama tama augwaligo kolesaga koneanigo te augwa digi tibo haniani kolesaga koneai bidi dabe sali, te bidigo ba munama te kebi sabo tiwai gilama ebo dao.”

Jeremaia 4:14

Dage Jerusalem bage, mena sogo dagego te tobage dobo homu kolesaga tagalaibawe? Te dagego duga dwai kolesaga tigidali tagalama, te dage wiegi yai pedalubaso, teda Genuai Bidigo dage ma saibao.

Godigo Nogi Ugwaba Sabo Tęąbi Po Wabo Buku Dabe 139:2

Nago te eno ebo sę tigidali mu konea pali. Nage digibulu bidibao, tiali goli nago eno homu kolesaga tigidali konea pai dao.

1 Korin 1:19

Tama tede te Godigo po asęani bukude Godigo wali po me deli e tiwai elalubao: “Te eno te tǫde koneani bidi dabego homu kolesaga dolaibao, te haniani sęde polo konea pabo bidi dabego homu kolesaga ena sela sąwaibao,” Godigo te po wai.

Bugagia Bidibo Kolesagade Po Asęai Buku 15:26

Te tobage dwai homu kolesaga ebo dabe te Genuai Bidigo gedude te dwai kugumini nai tiwai ebao. Tiali goli, te wiegi yai meda menisąwai we bidigo homu kolesaga te aga gedude te dwagi yai dao.

Godigo Nogi Ugwaba Sabo Tęąbi Po Wabo Buku Dabe 10:4

Te hagoma ebo bidigo te tama po wabo da, “Eno koneani, Godigo eno ebo dwai sę wei ponobeo. Agai enade magi homu me egobeo.” Te dwai sę ebo bidigo te tama homu eyu, agai te Godigo ebo kolesaga wali pabo menio.

Hibru 5:9

Te tama tialigo aga te usu mu ilama, tama aga te we bidi ma dobola sabo bidi pedalama, tama agai po wali pabo we bidi tigidali ma siyu, augwali bugagia bidada peyu, bidada pabo bidi dao.

1 Pita 1:22

Te dagego Godigo wiegi yai mu po bugagia wali peyu tama duga homu kolesagade elaluali dwai kolesaga sela sąnama, tama dagego duga hasi we bidide dwagi yai homu ebo gagalali. Tama tiyu, megi dage bomo eyu, homu mu elaluyu duga hasi godolo mu yao.

Esekiel 17:24

Tama te tǫde elalubo ni dabe tigidaligo te tiwai bugagia konemainu yaibao, ena Genuai Bidi, eno te bobobage ni gela mubo dao, me eno te dwasianu ni dabe bobobage pedalumainu ilibo dao. Eno te yabe elalubo ni dabe sasia palobo sę ilibo dao. Me te sasia pali ni dabe da, te augwali yabe ma holobo sę ilibo dao. Ena Genuai Bidi, eno te po walio, tama eno te wali po gilama te tigidali sę ela silaibao,” wali.

2 Tesalonaika 2:8

Tama te tų palialuali bidi bogia solama, tama te sogo naga te bomo yai po sela sąbo bidi hania bulu ulaba pedalaibao. Tama Genuai Bidi Jisas nosali asama, tama agai te bidi agai po wabo mobogo ela muaibao. Tama Genuai Bidi Jisas aga bomo dali ula dali hania pedalama, asaibao. Tama agai te bomo yai ulago te bomo yai po sela sąwani bidi mu dolaibao.

Bugagia Bidibo Kolesagade Po Asęai Buku 24:9

Te wiegi yai homu kolesaga meni yani bidi dabe, augwaligo te dolo isiąbo tobage kolesaga dabe yabo homu elama, tama te kolesaga tigidali te dwai sę ebo kolesaga ebao. Te bidi dabego te hagoma ebo bidi dabe subo, te dwai bidi mu subo tiwai ebo dao. (24)

Dwagi Yai Gesi Po Lukgo Asęani 1:51

Po sela sąyu augwaligo augwa nogi kegenanu ebo bage agai augwali besela sąwai dao.

2 Tesalonaika 2:4

Tama te bidi mu dwai bidi mu dao. Tǫde we bidi augwaligo haniani naibolo lotu po wabo dao. Tama te bidi agai te nai tigidali dali boi bidi elama, tama te bidi aga God tiwai mu yaibao. Tama te bidi aga digi aga nogi ugwaba mu siyu, te tigidali lotu po wabo nai aiyaba elalu dolama, tama te bidi aga Godigo Moni Lotu Be tempel tomode bidiyu, tama agai po weyu te po waibao, “Ena digi ena God dao,” te bomo yai po sela sąbo bidi agai te po waibao.

Daniel 4:37

Megi da, ena Nebukatnesar, eno wiegi yai homu pemene te dagalude kingba eyu, tama eno aga nogi ugwaba siyu, tama agaba genuai nogi mawai. Tigidali sę agai ebo te wiegi yai pedelama, tama doloba pai naga yali, tama agai te bidi dabego augwa nogi augwa digi ugwaba sainu ebo bidi dabe te aiyaba elalubo dao,” king Nebukatnesargo te po wali.

Aisaia 59:7

Sesemane sogo dagego te dwai kolesaga yabo homu godolo mu ebao. Te sesemane sogo dagego te magi dwai sę me isąwai bidi dabe ela muabo homu hogodali. Dagego te dwai sę dabe yabo homu naga ebao. Te dage udayu, te gasa we bidi dabego bidibo ula dolabo sę ebo dao.

Aisaia 2:17

Te Genuai Bidi sabalobo sogo da, agai te dene mabo kolesaga elama, augwa nogi ugwa sabo bidi dabego nogi aiyaba elaluaibao. Tama augwali hale mu yaibao. Tama me te tibo god dabe mu sia saibao. Tama te sogo Genuai Bidi aga deli naga te sogo genuai nogi saibao.

Bomai Po 15:9

Dagego homugo te negeli yali sela sąyabo kibu be pąba yalio homu igio. Tama tilama, dagego homu dąų olama, tama abagi tau sabo hagela ebo homu igimio. Dagego te dwai homu kolesaga dagede pedalomainogo sula tagalamuo. Ma, dagego tau sabo mone agabolo mabo hagela homu yali da, teda te bidigo Genuai Bidi i olama, tama agai dage wei ponoyu, dage Godigo gedude sęgę saibao.

2 Korin 9:13

Dagego te ama dede tau sabo sę ebode, tede te dagego kolesaga hanilama pedalaibao. Te ama dede augwaligo koneama, dagego te Godigo po bugagia wali pelama tama Kraisgo wiegi yai gesi po we bidi gedude hania hanilai dao. Tama dagego homu mu naga eyu, olo mabo nai genuai augwalibolo mabo me, te gasa bidi dabebolo me mabo sueibao. Tama eyu augwaligo Godigo nogi ugwaba saibao.

Polgo Po Pas Rom Dabeba Asęani 16:26

tiali goli megi Godigo te po hania hanilai dao. Godigo po pusali bidi profet dabego te geme dualali po polobadu asęani. Tama megi te sesemane sogo bidibo Godigo agai te augwalibolo te po pusao po olama, tama agai po sela pabo bidi dabe augwaligo te tigidali tǫde bidibo we bidibolo pusugi peyu, tama augwalibolo hania ola mabo sę megi ebo dao, te tigidali we bidi agaba konealubo po dąų olama tama agai kolesaga wali pomainogo ebao.

Te Israel me Juda Hani Sigo Tuni Bidigo Po Elalubo Buku Si 19:22

‘Senakerip, tama nago te posobo po weyu, tama te po dwai weyu, tama te naga digi naga nogi ugwaba siyu, tama teyu, nago hagoma ebao,’ wali, ‘nago homugo nago te tibo sę de dali ebawe? Nago te tama tibo kolesaga ena dali tama tibao, Israel hanigo God, God ena da dwagi yai bidiyu, tama te doloba pai kolesaga naga tigidali sogo ebo dao.

Polgo Po Pas Rom Dabeba Asęani 1:5

Te aga nogi delide naga te Godigo da olo mu tau sabo wiegi yai kolesaga eyu, tama aga nogide me agai ena te po sela pabo sę bidi nigilali. Te Krais aga nogi tobade Godigo tama tiali, te Juda hani we bidi dali naga meni, te tigidali tǫde bidibo we bidigo konealubo po agade dąų weyu tama agai po wali pomainogo tama tiai dao.

Aisaia 60:14

Te polobadu nageba dwai sę eyu, te nage godolo homu isąwani hani dabe, te augwa tobolu basiasa nageba asaibao. Te augwa kidu sugunugulama, te nago sągą pąde augwa tobolu basigulama, te nageba genuai nogi mawaibao. Te augwa nage nogi te tiwai weyu, ‘Genuai Bidigo Taun da,’ te ‘Saion da,’ waibao, ‘te Israel Godigo Taun, aga te Wiegi Yai Doloba Pai Kolesaga Ebo God mu dao.’”

Te Israel me Juda Hani Sigo Tuni Bidigo Po Elalubo Buku Si 19:28

Nago ena dali sębę ebo eno sualio, tama te nago te hagoma eyu, wabo po me, tama te kolesaga me eno koneanio, tama te naga digi naga nogi ugwaba sabo. Tama te megi eno nage dali eno bomai po mu obao. Tama eno te huk selama, tama eno te nago guniba muaibao, tama me te eno te ain dage te bidi dabego te kibu hos gunide mubo ain dage eno selama, tama eno te nage pedauwalide munama, dąų walaibao. Tama tilama, te nosali eno nage te naga asali te tųdu te nage eno kegasa paibao,’ God Genuai Bidigo te po wali,” Aisaiago te po ola tolali.

1 Pita 1:2

Dago Aya God agai dage polobadu mu konebaso, agai dage hagea sai dao. Tama agai Mobo Bidigo dage doloba pai mu iliyu, tama dage wiegi yai kolesaga naga eyu bididuyu tama dage Jisas Kraisgo po odoyu, agai aga kanemego dagego yali dwai sę sela sąmainogo, God agai dage koneyu polobadu hagea sai dao. Tama eno homugo God agai olo tau sabo kolesaga dage dali genuai mu elama, tama dage bugagia mu bidao.

Godigo Nogi Ugwaba Sabo Tęąbi Po Wabo Buku Dabe 18:27

Nago te augwa digi te haliga aiyaba elalubo we bidi dabe augwali te ma sabo da. Tiali goli, nago te augwa digi augwa nogi ugwaba sabo we bidi te aiyaba elaluaibao.

Jopgo Po Asęani Elalubo Buku 42:6

Tama tibaso, eno digi ena wali pode hale mu te ebao. Tama eno te po wali pode ge neyu, ena tǫ hogomude me kelide dualalubao. Te nagebolo ena homu begelalio olama, te ola mayu, tama tibao.” Jopgo Genuai Bidibolo te po wali.

Godigo Nogi Ugwaba Sabo Tęąbi Po Wabo Buku Dabe 18:44

Augwaligo eno po odolama, tama polo tama augwaligo wali pabo dao. Te digibulu bulu bidi dabego kidu sugunagasiyu, gagamu ebo dao.

Ma Dobola Sali 5:2

Tiali goli te tuni bidigo te po wai, “Genuai Bidi Yawe de dawe? Magi baso eno agai po odolama, te dage Israel hani pomainogo yaibawe? Eno te Genuai Bidi Yawe konebeo, tama tiyu, eno dage pagameo te po wagobeo,” wali.

Tigidali Nai Gagalama Nigali Side 8:21

Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.

Jeremaia 23:29

Ena Genuai Bidi, eno po dolo obao, eno po te isi tiwai elalu, tama te genuai hamago te masigi dabe haluama, te kakali pedalubo tiwai ebo dao.”

2 Korin 11:20

Awe, te bidigo dage te aga dologoba mubaso, ma agai dagego nai tigidali silibaso, ma agai dage dali hagoma ebaso, ma agai dage gesabidide elibaso da, teda agai tama temainogo te dagego gogolobo dao, po meni!

Filipai 4:7

Dagego tama tiyu da, teda dage Krais Jisas dali wadolama, tama aga dali hodobo bidiyu, tama Godigo dage nagamea pai homu ilibo kolesagago dage bugagia tonaluaibao, tama dage wi egobeo. Te nagamea pai homu ilibo kolesaga page te da tǫde bidibo we bidigo kuna munu me konegobeo, te agai kolesagago dago homu kolesaga aiyaba mu elalubo dao. Awe, tede dago homu kolesagago dęą sabo dao, tiali goli agai te nagamea pai homu ilibo kolesaga page me hauwa elalubao.