2 Korin 1:3 - Godigo dwagi yai po buku

³ Dago agabolo puba hwi po weyu, tama God nogi ugwaba sao, aga te God tama dago Genuai Bidi Jisas Kraisgo Aya dao. Aga te dago Aya, tama aga te hobede eyu tau sabo page bidi dao. Aga te tigidali sęgę elalubo bidigo homu nagame ilibo God dao.

2 Korin 1:3 Referans Kwoze

1 Pita 1:3

Te dago dena Genuai Bidi Jisas Kraisgo Aya God aga nogi dago ugwaba sinao. Agai da moni homu dene mu eyu, tama da tau somainogo, agai Jisas Krais te isai bidi dabe bidibo digi tomodu ma hodolali. Tebogo dabolo te gesi noma ula mawai. Tama menama, da dwagi yai homu eyu, bugagia tonaluyu bidalubao.

Efesus 1:3

Dago Godibolo usu da po weyu, agai nogi ugwaba sao. Aga dago Genuai Bidi Jisas Kraisgo Aya dao, agai God dao. Tama da te Krais dali wadolama, tama te da we bidigo gedugo susiąbo bomo elalubo naide, te tobage naide Godigo wiegi yai homu ilibo sę tigidali da dali yai dao. Agai te dago homu noma bidi tau somainogo eyu te wiegi yai homu ilibo sę yai dao.

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Godigo Nogi Ugwaba Sabo Tęąbi Po Wabo Buku Dabe 86:5

Genuai Bidi, nago te wiegi yai sę mu elama, tama nago eno dwai sęgę sela sąbo dao. Nago te nageba gedu haluasa po wabo we bidi tigidali wei mu eyu, tama naga homugo augwali dali kęą pai dao.

Filipai 2:11

tama tigidali bidigo e po hania waibao, “Jisas Krais da, aga naga te Genuai Bidi dao.” Tama tiyu, augwaligo God Ayago nogi ugwanu mu elaluaibao.

Efesus 1:17

Tama God da dago Genuai Bidi Jisas Krais aga God da, te dago genuai nogi mu elalubo Aya dao. Tama eno aga dali po weyu, eno homugo agai aga Mobo Bidi dagebolo mao. Tama menama, tama te Mobo Bidi agai dage wiegi yai homu kolesaga menama, tama agai God dagebolo waselaibao, te dagego God aga bugagia kuna konea silimainogo tiaibao.

2 Jon 1:9

Bidi mego Kraisgo ola mani po tagalama, tama agai gasa poba begegi pai, te tobage bidi God te bidi dali bidibo menio. Niwai bidi me deli agai Kraisgo po dali homu kęą pai bidi, te bidi te Aya dali aga Ogwa dali augwali si te bidi dali bidibo dao.

Daniel 9:9

Dago nago po sela sąwani, tiali goli nage te olo mu tau mabo wiegi yai kolesaga elalubo God, tama nago dago dwai sę yali sęgę sela sąbo dao.

Daniel 4:34

“Te kibu be a naga me si wali silibo sogo da, ena Nebukatnesar, eno te dagaluba ugwa tonaluama, tama eno homu kolesaga te wiegi yai ma pedelai. Tama eno wiegi yai homu pemene te Ugwadu Bidibo Godiba mu yalio. Te sesemane bidada pidu bidibo God, tama eno aga nogi ugwaba mu siyu, kekene nanio. Tama eno te tama po wai, ‘God te king sesemane sogo bidada peyu, bidibo dao.

Godigo Nogi Ugwaba Sabo Tęąbi Po Wabo Buku Dabe 86:15

Tiali goli, Genuai Bidi, nagede te homu dene ebo, me olo tau mabo wiegi yai kolesaga pągąnalubao, tama nage da, te bobobage guni yai bidi dao. Nago da wei mu eyu, tama nago homugo da dali kęą mu pai dao.

2 Korin 11:31

God, te God tama dago Genuai Bidi Jisasgo Aya, dago sesemane sogo aga nogi ugwaba siyu tama bidada peyu bidada pomainao. Agai koneani, eno tibo po te enaba pedalali sęde me wagobeo.

Godigo Nogi Ugwaba Sabo Tęąbi Po Wabo Buku Dabe 72:19

Te agai wiegi yai nogi te sesemane sesemane sogo ugwaba sao. Te agai Genuai nogigo te tigidali tǫ badu usu nai dao. Te mu tama dao.

Godigo Nogi Ugwaba Sabo Tęąbi Po Wabo Buku Dabe 18:46

Genuai Bidi bididubadi gebao. Agai ena sesemane sogo bugagia seselalubo dao, te moni dobo dwai masigi tiwaigo ena mesegalobo dao. Tama tiyu, eno agai nogi ugwaba sabo da. God da, te ena tau sabo bidi da. Tama tiyu, eno agai genuai nogi ugwaba sobao.

Nehemia 9:5

Tama nosali te Livai mebago te we bidi dabeba po weyu, te augwaligo Godiba lotu ma waiąo po wai. Te Livai dabego nogi e tiwai, Jesua, Katmiel, me Bani, me Hasapnea, me Serebia, Hodia, Sebania, me Petahia. Augwaligo te tama po wali, “Dage dolugulama, te dena Genuai Bidi God nogi ugwaba siąo Sesemane bidada pabo sogo sesemane dago te aga nogi ugwaba sao,” wai dao. Tama augwa te gedu haluasa po wali, “Genuai Bidi, dago te nago genuai nogi ugwaba sainu ebao. Tiali goli, dago te wiegi yai pemene ebo homu te olo nai tiwai ebao. Nago nogi te genuai mu da, tama tiyu dago konebao, dago pemene ebo te nago gedude usu meni ebao.

2 Jon 1:4

Eno odali, nago wai dabe meba augwaligo Ayago dabolo “Tama tiao” wali po odoyu, tama augwaligo te mu po wali peyu bidibo dao. Tama odolama, eno dwagi yai homu yai.

Dwagi Yai Gesi Po Jongo Asęani 10:30

Ena dali Aya dali si page deli tama dao,” Jisasgo te po te Juda bage dali wai.

Tigidali Nai Gagalama Nigali Side 14:20

Dago aga nogi ugwaba sao. Magi baso meni, nago te boi bidi dabe dali hwįbadi, tama agai nage tau selama, te nago te boi bidi dabe augwali aiyaba elalualio,” te po wai. Tama Abramgo te ma dobola sali doado bage tigidali dodolama, tama nogo si badu togolama, tama Melkisedekbolo me deli pedai mani.

Dwagi Yai Gesi Po Jongo Asęani 20:17

Jisasgo Maria dali te po wai, “Nago ena diągio. Ena eno Aya God bidibo digi dagaluba me pabeo. Tama tibaso, nago ena dąų ola sigio. Tialima, nage eno ama dabe bidibo digi pelama, augwali dali te po tama wagibao, ‘Ena eno Aya bidibo madigi dagaluba holobao, tama te aga dagego Aya me dao. Tama eno ena God bidibo digi pobao, tama te God dagego God me dao,’ te po eno ama dabebolo pusigi pao,” Jisasgo Maria dali te po wai.

Jopgo Po Asęani Elalubo Buku 1:21

Tama Jopgo te po wali, “Ena idago ame nani sogo, eno magi nai me sela asai menio. Tama ena isibo sogo, te tiwaidu naga paibao. Genuai Bidi aga digi ena te nai dabe mawai dao. Tama aga digi te nai dabe ma te sela sąna silali dao. Tama tibaso, eno agai nogi ugwaba mu sobao,” wali.

Tuni Bidi Dabego Po Elalubo Buku Deli 29:10

Tialima te tigidali we bidigo gedude Devitgo te Genuai Bidigo nogi ugwaba siyu, tama agai gedu haluasa po te tiwai wali, “O Genuai Bidio, nage dago wąį nǫų Jekopgo God da, da naga we bidi dabego te sesemane sogo nago nogi ugwaba sidueibao,” walio.

Godigo Nogi Ugwaba Sabo Tęąbi Po Wabo Buku Dabe 68:35

Te Israelgo God te aga wiegi yai tedali bede bidibao, tama dago te Godide wi yao. Agai te aga we bidi dabeba te genuai bomo mobao. Te God nogi ugwaba sao.

Aisaia 66:13

Te eno dage bugagia mu tonalu, te idago aga wai bǫų bugagia tonalubo tiwai eyu, te aga waigo haliga dua nagame ilibo po wabo tiwai yaibao. Dage te Jerusalemde bidiyu, te duga haliga nagame elama bidaibao.

2 Korin 7:6

Tiali goli God da, te sęgę elalubo bidigo homu dua nagame ilibo bidi dao. Agai te Taitus da bidibo madi asobogo agai da wiegi yai homu nagame ilai dao.

Kolosi 1:3

Te God agai dage tau somainogo da sigo gedu haluasa po wabo dao. Tama weyu, tama sesemane sogo te dago Genuai Bidi Jisas Kraisgo Aya Godibolo dago dagede puba hwi po wabo dao.