2 Korin 1:11 - Godigo dwagi yai po buku

¹¹ Tama dagego tede Godibolo hanalu wabo po wabogo da tau sao. Tama tiyu te Godigo te we bidi hauwago aga hanalu wabo po tama odama, tama agai da tau saibao. Tama we bidi hauwago te agai da tau sali sęba homu koneama, tama Godibolo usu da po agai te yali dwagi yai sęde waibao.

2 Korin 1:11 Referans Kwoze

Filipai 1:19

Magi baso meni, eno mu koneai, dagego ena tau somainogo gedu haluasa po wabogo me, te Jisas Kraisgo Tedali Mobo Bidigo tau sabogo me, te sigo ena tau selama, tama te ena kalabusiba muani bage augwaligo ena olo tagala palaibao.

2 Korin 4:15

Magi baso meni. Te tigidali sęgę te da Godigo po pusubo bidi dabeba pedalali, te dage tau somainogo tama yai. Nosali Godigo olo mu tau mani wiegi yai kolesaga te we bidi umaboba ela pelama, tama genilama augwaligo usu da po umabo mu Godibolo waibao, tama aga nogi ugwaba mu saibao.

Godigo Sęba Tagala Palai Bidigo Po 12:5

Tama tibaso, augwaligo Pita kalabus bede tonaluali. Tiali goli, Jisasgo po wali pabo we bidi augwaligo Godibolo gedu haluasa po hauwa sogo mu oduali, te Pita tau somainu yai.

Kolosi 4:3

Dagego gedu haluasa po obadi, Godigo da me tau somainogo te po wao, “Aya, nago po, te Kraisde polobadu geme dualali po, te po augwaligo te we bidibolo pusumainogo tų dayao,” dagego te po hanalu wao. Eno gasa we bidibolo agai po pusubaso, augwaligo ena e kalabusiba muai dao.

Hibru 13:18

Dagego gedu haluasa po Godigo da tau somainogo weduao. Dago homugo koneani, te da God gedude dolo bidibao. Tama da tigidali sęde dolo bilabo homu ebo dao.

Filemon 1:22

Tama tiyu, eno po me deli elalubao. Te eno homugo dagego gedu haluasa po wabo te Godigo odabo homu yaibao. Tama tiyu, agai ena dagebolo ma maiabo homu yaibao. Tama tibaso, ena nage dali bidabo be tomode dąį togwali te ena bidabo digi sisi elama elaluao.

2 Tesalonaika 3:1

Abagi dedeo, dago po me deli elalubuo. Te po e dao, dagego Godibolo gedu haluasa po da tau somainogo wao. Tama God agai da tau selama, tama dago Genuai Bidi Jisasgo po te tigidali buluba polo sela pelama, we bidi hauwa augwaligo te po odama, tama Genuai Bidigo nogi genuai emainao. Te pogo dage tomode sę polo yali tiwai gilama gasa bulude emainogo, dagego Godibolo po hanalu wao.

1 Tesalonaika 5:25

Dago abagi dabeo, dagego God agai da tau somainogo gedu haluasa po wao.

2 Korin 9:14

Te Godigo olo mabo wiegi yai kolesaga genuai mu dagede elalubo, te augwaligo koneaibao. Tama tiyu augwaligo dage godolo elama, tama augwaligo Godibolo po weyu, te agai te olo tau sabo wiegi yai kolesaga dagebolo mobaso, augwaligo agabolo puba hwi po waibao.

Aisaia 37:4

Te Asiria kingo aga ofisa tagala palama, te dago God Genuai Bidiba dwai po wagasomainu yalio, aga te sesemane sogo bidada pabo God dao. Dago homugo Genuai Bidigo te dwai posobo po dabe odama, tama agai te dwai po dabe pusagasali bidi dabeba te dwai dene ilaibao. Tama tiyu, dago homugo nago te Godiba gedu haluasa po weyu, te agai da dwasianu bidalubo hani bidi tau somainao,” po wali.