2 Jon 1:6 - Godigo dwagi yai po buku

⁶ Te we bidi dali dwagi yai homu eyu godolo ebo kolesaga page e dao: dago Godigo bomo yai po dabe wali peyu bidao. Tama te Godigo po odobo gagalali sogo dąį elama, tama megi e sogoba usu nagaselama, dagego te bomo yai po e tiwai odai dao, dagego te dwagi yai homu eyu godolo ebo kolesaga eyu bidao.

2 Jon 1:6 Referans Kwoze

1 Jon 5:3

Magi baso meni. Dago God dali dwagi yai homu eyu godolo ebo kolesaga page e dao: dago God agai bomo yai po wali pabo dao. Tama agai bomo yai po dabe augwali te bidigo wali pabo usu isąbo bomo yai po meni, te dago augwali wali pabo usu yaibao.

1 Jon 2:24

Te dagego polobadu te Godigo po odobo gagalali sogode odali po, te po dagego duga homude dąų ola sao. Dagego te gagalali sogode odali po bugagia dąų ola siyu da, teda dage te Ogwa dali Aya dali si dali wadoloyu sesemane sogo bidaibao.

1 Jon 2:5

Tiali goli niwai bidi me deligo Godigo po wali pabo bidi, teda te bidi agai God dali dwagi yai homu eyu godolo ebo kolesaga te sese mu ebao, te sǫą pabeo. Tama niwai bidi me deligo te po weyu “Ena God dali wadoloyu bidibao,” te po wabo bidi aga te Jisas Kraisgo yali kolesaga tiwai dolo wali pao. Tama dago te tiwai gilama eyu da, teda dago homu si isąbadi dago e mu hania koneagameo, te da God dali wadoloyu bidibao.

Dwagi Yai Gesi Po Jongo Asęani 15:10

Tama dagego eno bomo yai po bugagia wali peyu da, teda dage eno te godolo mu ebo kolesaga tomode bidaibao. Eno ena Ayago bomo yai po bugagia wali peyu, tama agai dwagi yai homu eyu, godolo mu ebo kolesaga tomode ena bidibo dao. Tama dagego tebo gilamao.

Dwagi Yai Gesi Po Jongo Asęani 14:15

Te Jisasgo te po wai, “Dagego enabolo dwagi yai homu eyu, godolo mu eyu da, teda dagego eno bomo yai po wali paibao.

Dwagi Yai Gesi Po Jongo Asęani 15:14

Tama dagego eno wali po selama, te po bugagia wali asobaso da, teda dage eno abagi dabe dao.

Dwagi Yai Gesi Po Jongo Asęani 14:21

“Bidigo eno bomo yai po selama, bugagia wali pabo da, te bidi agai ena godolo mu eyu ebao. Tama niwai bidigo ena godolo ebo bidi, te eno Ayago me te bidi godolo yaibao. Tama eno me aga dali dwagi yai homu eyu, godolo eyu, ena digi te ena agabolo hania ola mawaibao,” Jisasgo te po wai.

1 Jon 5:15

Awe, dago aga dali gedu haluasa po weyu da, teda agai te po odobo dao. Tama te dago konebo dao. Tama konealigo da, teda dago e me konebo dao, te dago magi naide po aga dali gedu haluasa po weyu da, agai te nai dabolo mabo dao.

2 Jon 1:5

Nage we, megi eno nagebolo e po ma obao, da tigidaligo dena hasi abagi dali dwagi yai homu eyu godolo yao. Eno gesi bomo yai po nagebolo asęna mabeo. Menio. Te dago Godigo po odobo gagalali sogo dago te bomo yai po odai dao.

Bomai Po 13:4

Dage Genuai Bidi dologode naga elaluyu, aga wali naga piąo. Tama dagego agai po odama, tama agai bomai po tigidali wali piąo, tama aga deliba naga lotu weyu, tama aga dąų olama tola sao.

Dwagi Yai Gesi Po Jongo Asęani 14:23

Jisasgo aga dali po wei ponoyu, te po wai, “Ena godolo mu ebo bidi, te bidi agai eno ola mabo po bugagia wali paibao. Tama eno Aya agai me te bidi godolo yaibao. Tama da si talua si aga dali bidagaselama, bidada peyu, bidada paibao.

1 Jon 2:7

Eno abagi mu dede, eno dagebolo e bomo yai po asębo po te gesi po menio. Te hasia bomo yai po polobadu mu dagego sai po dao, te augwaligo dagebolo Godigo po ola mabo gagalali sogo dagego te bomo yai po odai dao.