2 Jon 1:12 - Godigo dwagi yai po buku

¹² Eno dagebolo pusubo po hauwa me elalubao. Tiali goli eno te po dagebolo asęna tolobo hagela homu ebo. Eno dage suagasobo homu ebao. Tama eyu, tama dagego gesabide eno te po dagebolo pusaibao, tama da tigidali te dwagi yai homu mu yaibao.

2 Jon 1:12 Referans Kwoze

Dwagi Yai Gesi Po Jongo Asęani 16:12

“Te eno po hauwa dagebolo maiabo me elalubo. Tialima, te po dagego megi sogobeo, te sęgę yai po mu dao.

Dwagi Yai Gesi Po Jongo Asęani 15:11

Ena dwagi yai homu mu eyu bidibo. Tama eno homugo dage me dwagi yai homu mu eyu, te dwagi yai homu kolesaga ebo dagego homu tomode mu pągąnalu maio. Tama eno te homu eyu, dage dali te po mobo mabo po wai dao.

Israel Hanigo Namba 12:8

Tialima, eno aga dali po wabo te bidigo aga abagi dali po wabo tiwai wabo dao. Tama eno po agabolo hanilama mu wabo dao, eno po begelama, po digi pogo me wabo menio. Te me agai ena dwasianu suai dao. Tama dage sigo magi baso mu Moses dali dwai po wabo wi ebewe? Te eno sę bidi dali.” Te po wai.

1 Jon 1:4

Tama da dali dage dali te da tigidali dwagi yai homu pemene mu emainogo dago e po dagebolo asęna tolobao.

Hibru 13:19

Tama eno homugo godolo mu ebao, te dagego gedu haluasa po Godibolo olama ena tau somainogo yao, tama ena dage bidibo madi polo tamadi asomainogo yao.

Polgo Po Pas Rom Dabeba Asęani 15:24

Tama tialigo da, megi eno homugo te ena te digibulu tǫ pedai nogi Spen, te dagego bulu Rom u badu bulu, teba ena paio. Tama te Spenba pobadi tama tomode ena dagego hanu Romba hasia sabolaibao. Tama dageba te tiwai sabolama, tama ena dwasianu sogo dage dali dwagi yai homu eyu bidama, tama dagego ena tau siyu ena odasa pelama, te Spen bulu pabo tųba tagaligi pagameo.

Dwagi Yai Gesi Po Jongo Asęani 17:13

“Megi ena nage pageba asobao. Tama eno te po e tǫde nage dali obao, te eno dwagi yai homu eno bidi dabe augwalide pągąnalumainogo augwali dwagi yai homu mu emainogo ebao.

Dwagi Yai Gesi Po Jongo Asęani 16:24

“Polobadu dagego eno nogide magi nai sainogo hanalu obeo. Tama dagego homu dwagi yai mu emainogo, tama megi hanalu wao, tama te nai God agai dagebolo mawaibao,” Jisas aga sę bage dali te po wai.

Hibru 13:23

Eno homugo duga koneao, augwaligo te dago ama Timoti olo tagala palali, tama aga te kalabuside me bidigobeo. Tama aga enaba polo pedalobaso da, teda ena dali da si talua si pelama dage suagasaibao.

Filemon 1:22

Tama tiyu, eno po me deli elalubao. Te eno homugo dagego gedu haluasa po wabo te Godigo odabo homu yaibao. Tama tiyu, agai ena dagebolo ma maiabo homu yaibao. Tama tibaso, ena nage dali bidabo be tomode dąį togwali te ena bidabo digi sisi elama elaluao.

Polgo Si Wali Pas Timotiba Asęani - 2TI 1:4

Te eno nage Efesus bulude tagalali sogo te nago homu dene ebaso nago gedude ąį gelali. Tama tede eno homu ebaso, tama eno homugo eno dwagi yai homu pemene yainogo eyu, eno nage suabo homu godolo mu ebao.

Dwagi Yai Gesi Po Jongo Asęani 3:29

Tama tibaso, bidi me deligo we sobaso da, te we te bidigo sali we dao. Tama te bidi aga abagi dolaluyu, aga abagigo po odobao. Tama we sali bidigo po wabode, tama aga abagi megi tama dwagi yai homu ebo dao. Tama te tiwai, Jisas aga sę megi e baso, tama ena dwagi yai homu mu ebao.

Jongo Sela Sogo Wabo Asęani Pas - 3JN 1:10

Tama tibaso, ena dage bidibo digi sabalobode, eno dagebolo agai te yali kolesaga te po hanilaibao. Agai nogi posobo dwai po haniani da dali wabo dao. Tama agai homugo te sę ebo naga usu egobeo. Meni. Godigo po pusigi pabo bidi dabe, dago ama dabe, augwali teba asobo si agai augwali beba odasa pabo menio. Tama bidi meba augwaligo te asai ama dabe beba odasa painogo ebaso, agai augwali dali te tigio olama, tama agai augwali te Godigo we bidi hani tomode me bidigio olama, augwali sela sąbo dao.