2 Jon 1:1 - Godigo dwagi yai po buku

¹ Ena monu dabe bidiyu, tama ena Jisasgo sę ebo tobolu bidi, te eno te Godigo dią sali we dali nago wai puluba dali, te dagebolo e po asęna tolobao. Eno homu mu eyu, dage dali dwagi yai homu eyu godolo mu ebao. Tama eno naga te kolesaga dage dali ebo menio. Tigidali Godigo mu po koneani we bidi augwaligo me dwagi yai homu dage dali ebo dao.

2 Jon 1:1 Referans Kwoze

1 Jon 3:18

Dage eno wai dabe, dago te we bidi dali dwagi yai homu eyu godolo ebo kolesaga, te kolesaga dago pedauwaligo po wabogo naga ilamuo. Menio. Dago homu mu eyu, tama dago augwali dali dwagi yai homu ebo kolesaga te dago augwali tau sabo sęgo augwalibolo hania ola mao.

2 Timoti 2:4

Te agai homugo te agai tigidali we bidi ma siyu, tama augwaligo aga mu po page mu konemainogo ebo dao.

Dwagi Yai Gesi Po Jongo Asęani 8:32

Tama dagego te Godigo enade wabo mu po dagego mu koneaibao. Te mu po dagego mu koneama, tama te po mugo dage tau selama, tama dage nogo dąų wali kolesaga tagalama, tama dage olo mu bugagia bidaibao,” Jisasgo te po wai.

2 Jon 1:5

Nage we, megi eno nagebolo e po ma obao, da tigidaligo dena hasi abagi dali dwagi yai homu eyu godolo yao. Eno gesi bomo yai po nagebolo asęna mabeo. Menio. Te dago Godigo po odobo gagalali sogo dago te bomo yai po odai dao.

1 Pita 5:1

Tama tibaso, megi eno te dage Godigo hani we bidi tonalubo bidi dabe dali e homu kęna sabo po obao. Ena digi me ena da te Godigo hani we bidi tonalubo bidi dao, te dage tiwai. Tama eno gedugo Krais aga dene sabo suai bidi dao. Tama aga ma asiyu, tama aga bomo yai ula pedalobo si, te sogo ena te bomo yai ula meba sabo bidi me bidaibao.

2 Jon 1:13

Godigo nago ama aga dią sali. Tama nago te amago wai dabe augwaligo nage dali dwagi yai homu elama, bugagia bidao po nagebolo tolobao. Te tama dao.

1 Jon 2:21

Dagego te mu po page konesiąbaso, tama te pode eno dagebolo e po asębao, te homu dagego egimio, te menio. Dagego te mu po page koneai, tama te mu pogo tibo po munu me wabo menio, te me dagego koneai dao, eno te homu elama te po eno dagebolo asębao.

1 Pita 1:2

Dago Aya God agai dage polobadu mu konebaso, agai dage hagea sai dao. Tama agai Mobo Bidigo dage doloba pai mu iliyu, tama dage wiegi yai kolesaga naga eyu bididuyu tama dage Jisas Kraisgo po odoyu, agai aga kanemego dagego yali dwai sę sela sąmainogo, God agai dage koneyu polobadu hagea sai dao. Tama eno homugo God agai olo tau sabo kolesaga dage dali genuai mu elama, tama dage bugagia mu bidao.

Hibru 10:26

Te dago te Kraisde mu po mu sai digi tama nosali te dena homugo digi dago te sęgę sabo kolesagade ma bilidubaso da, teda te sęgę sela sąyabo te gasa ofa me elalugobeo.

Galesia 5:7

Te polobadu dagego Kraisgo mu po wali peyu, te tųdu bugagia wali pai dao. Te mena bidigo te tų palibaso, dagego te po mu bugagia wali pabo tagalaliwe?

Galesia 3:1

Idao! dage Galesia bulu we bidi hani bage, dage homu kolesaga meni yai bage, eno dagede noma mu sobao. Polobadu ena dage dali bidibadi yaide, te sogo eno dagebolo te Jisas Krais aga te ni pedaide wadolama tama isąma, dago yali dwai sę sęgę sela sąwani po, te po eno dagebolo mu hania pusai dao. Tama te po odolama, tama Godigo gedude dage doloba pai we bidi pedalainogo eyu, dagego duga homu tigidali te poba mu muani. Tiali digi megi dagego homugo te Juda bagego bomo yai po wali paibao, te God agai dage doloba pai we bidi dao omainogo ebao. Dagego duga homu magi baso hasegelaliwe? Dego te homu bega sabo pobi olama, tama homu begelabo po dagebolo pusaliwe?

Galesia 2:14

Tama tiali goli eno suali, augwaligo Godigo gesi dwagi yai po tagalama, te wiegi yai doloba pai kolesaga me wali pabeo, te eno suali. Tama tibaso, eno Pita augwaligo gedude te eno aga dali te po wali, “Naga ida dali aya augwali si Juda bidi hani bage dao. Tama augwali sigo nage Juda hani tomode ame nani, te nage Juda bidi mu dao. Tiali digi, me sogo nago te Juda dabego ebo kolesaga tagalama, tama nage te Juda hani isąwai we bidi tiwai bidibo dao. Tama tibaso, megi nago te Juda hani isąwai bidi dali bomo eyu, augwaligo te Juda hanigo ebo kolesaga wali pao po nago magi baso obawe?” eno Pitabolo te po wai.

Galesia 2:5

Augwaligo homugo te bidi aga Kraisgo hani tomoba asobo si, tama hasia aga tigi togwao, da Juda dabe tiwai eyu, tama dago bomo yai po tigidali wali pao. Tiali goli augwaligo Godigo gesi dwagi yai po dolidali weyu, tama te po bugagia bidiyu dage tau somainogo, dago augwaligo wali po odobeo. Te po dago polo odama tagalali.

Kolosi 1:5

Te mu po, te Godigo gesi wiegi yai po, te po pusubo bidi hasia sogo dage bidibo digi sabolali sogo, te sogo dagego te po odama, tama dagego koneani, te nosali Godigo dage dali dwagi yai sę mu yaibao. Te tama odama, tama dagego tede dwagi yai homu eyu, bugagia tonalubo dao. Dage tama tonalubaso, dagego Kraisde konealubo po dąų olama, tama Godigo we bidi tigidali dali dwagi yai homu eyu godolo ebo kolesaga ebo dao. Tama te Godigo dage dali nosali yabo dwagi yai kolesaga page te Godigo aga bidibo digide bugagia tonalubo dao, te dologobeo.

Dwagi Yai Gesi Po Lukgo Asęani 1:3

Tama tibaso, eno me te po naga asęnama, nagebolo tolainu te ebao. Hauwa sogo mu te sę pagede eno te sę gedugo suali bidi dabebolo hanalu wai dao. Megi eno bugagia dodolama, te asęyu te ebao. Tialima, deli po naga tama dao.

Godigo Sęba Tagala Palai Bidigo Po 11:30

Tama augwaligo te masigi sisinama, augwaligo Sol dali Barnabas sigo nogoba munama, augwali sigo te mone sela pelama, Jisasgo po wali pabo tobolu bidi dabebolo magi pali, te Jerusalemba.

Polgo Po Pas Rom Dabeba Asęani 16:13

Eno siade da wali po dagego te Rufusbolo waiyąo. Aga te Genuai Bidi wali pabo wiegi yai bidi dao. Eno siade da wali po agai idabolo me wao. Te we te enade te aga eno ogwa tiwai dao homu eyu, tama agai enade dwagi yai sę ebo dao.

1 Pita 5:13

Te Godigo hani we bidi meba augwali te bulu nogi Babilon tede augwali bidibao. Tama Godigo augwali te dage dali te hagea sai dao. Tama te we bidi dabe dali, te eno ogwa tiwai bidibo bidi nogi Mak dali, augwaligo dagebolo te dage bugagia bidao po obao.

Jongo Sela Sogo Wabo Asęani Pas - 3JN 1:1

Ena monu dabe bidiyu tama ena Jisasgo sę ebo tobolu bidi, eno e po Gaius nagebolo asęna tolobao. Nage eno abagi mu dao, eno homu mu eyu nage dali godolo mu ebo dao.