Te Israel me Juda Hani Sigo Tuni Bidigo Po Elalubo Buku Si 9:7 - Godigo dwagi yai po buku

⁷ Tama nago te Ahap hani augwali nago elama isilao, te king nage polobadu te nage gavman ofisa bidi bidai dao. Tama tibo kolesagago eno wei ma dolo te kwin we Jesebel agaba wei ma begelaibao. Te wego polobadu agai te eno profet bidi dabe me, tama me te eno te gasa sę ebo bidi dabe me, ela muai dao.

Te Israel me Juda Hani Sigo Tuni Bidigo Po Elalubo Buku Si 9:7 Referans Kwoze

Te Israel me Juda Hani Sigo Tuni Bidigo Po Elalubo Buku Deli 21:15

Jesebelgo te po odama, te polo tama Ahapbolo te tiwai po wagi pali, “Nabot aga me bidibeo. Aga isai dao. Tialima, nage pelama, te agai te wain gi sigi pao, polobadu agai nageba mabo hagela homu yai dao,” wali.

Te Israel me Juda Hani Sigo Tuni Bidigo Po Elalubo Buku Deli 18:4

Tama te sogo te we kwin Jesebelgo te Genuai Bidigo po pusumainu tagala palali profet dabe ela mubo sę ebaso, Obadiago te profet dabe bidi sese a naga, 100 profet bidi dabe selama, augwali te genuai masigi ola be dedage tomoba geme dualali. Agai te bidi sese si olama, nogo si, 50 te gasa ola be dedageba dualiyu, te gasa bidi sese si olama, nogo si, 50 te gasa masigi ola beba geme dualiyu yai. Te agai augwali tonalu, te nai me wę mayu, iduai dao.

Bomai Po 32:43

“Te gasa bulu we bidi, dagego Godigo we bidi dali wiegi yai homu pemene eyu yao. Godigo agai we bidi elama silibo we bidi dolabo dao. Tiali goli, aga we bidigo tǫ agai gedude egesi noma yai mu ilibo dao.”

Te Israel me Juda Hani Sigo Tuni Bidigo Po Elalubo Buku Deli 21:25

Mu tamao, te Ahap king bidali sogo, te agai homugo me koneani kolesaga tigidali te Genuai Bidigo gedude dwai sę yabo kolesaga bomo elaluali. Polobadu bidi me deligo te tiwai kolesaga me ebeo. Aga we Jesebelgo naga, te aga homu begelibo po obaso, te dwai kolesaga yali dao.

Te Israel me Juda Hani Sigo Tuni Bidigo Po Elalubo Buku Deli 21:21

Tialima, Genuai Bidigo nagede te po elalubao, ‘Ena Genuai Bidi, te eno nage dolaibao. Te eno nage te Israel hanide pedalubo bidi tigidali silimainogo yaibao, te augwali gesi ogwa bidi yaibaso, ma te gegunai bidi dabe me, tagalao, te mu silaibao.

Bomai Po 32:35

Te dwai sę yali wei ponobo kolesaga te eno sę dao. Ena digi te eno dwai dene wei augwalibolo ponaibao. Te mani bodolude augwali tuloluaibao. Pęwadage sogo mu augwali tolaluama, tama augwali sese mu dola silaibao,’ Genuai Bidigo te po wali.”

Kraisgo Geme Dualali Sę Pedelabo Po Jonbolo Ola Mani 19:2

Magi baso meni, te po tų ebode God agai te mu po naga wali peyu, doloba pai kolesaga te po tų ebode ebo dao. Te genuai penani we agai te tǫde we bidi agai te penani ebo kolesagago mu dolai dao. Tibaso, Godigo aga dali po tų elama, tama dwai dene wei agabolo ponai dao. Te we agai Godigo sę bidi dabe augwali ela mubaso, tama Godigo agai te dwai sę ebo wei ponoyu, te penani we aga dene mawai dao,” augwaligo te po wai.

Kraisgo Geme Dualali Sę Pedelabo Po Jonbolo Ola Mani 18:20

Nage te dagalu, nage dali te Godigo we bidi dali, tama dage te Godigo po pusigi pabo bidi dabe me, te Godigo nosali yabo sę po ola mabo bidi dali, dage tigidaligo te genuai hanude megi pedalobo sęde wiegi yai homu yao! Godigo aga dagalama, tama agabolo te dwai dene sabo wei ponai dao. Tama te kolesagade agai te hanu agai dwai kolesaga dage dali yali wei ponai dao!

Hibru 10:30

Dago koneani, te Godigo me sogo po weyu te po wai, “Te dwai kolesaga wei ponobo sę, te eno yabo sę dao. Ena digi eno te dwai dene sabo te wei ponaibao.” Tama dago koneani, agai po ma wai, “Genuai Bidi aga digi aga we bidi augwali te po tų ebode dagalaibao,” te po wai dao.

Polgo Po Pas Rom Dabeba Asęani 13:4

Tama aga dali wi ebo page elalugobeo. Magi baso meni, aga te Godigo sę bidi te agai nage tau siyu, tama nage bugagia bidaibao. Tiali goli, nago dwai kolesaga ebaso da, teda nage aga wi yao. Nago koneani, te gavman enesigi bidi agai te poa pai genuai hwą ge tolalubo, tama agai te olo me tolalubo menio. Te gavman genuai bidi aga da te Godigo sę bidi, tama te dwai kolesaga ebo bidibolo te Godigo nogide te wei ponama dene mabo dao.

Polgo Po Pas Rom Dabeba Asęani 12:19

Eno abagi dede muo, te augwaligo dwai sę dagebolo ebo te duga digi wei munu me ponamuo. Te menio. Dagego te Godigo sębę ebo sę augwalide emainogo sula tagaliąo. Magi baso meni, te Godigo po bukude agai te po wai, “Te dwai sę wei ponobo kolesaga da, te eno sę dao. Ena digi te eno dwai dene wei augwalibolo ponaibao, Genuai Bidigo te po wai.”

Matyu 23:35

Tama tibaso, te doloba pai bidi dabe augwali e tǫde bidaluali, tama te bidi dabego augwali ela silalio, te sęgę dugade naga elaluaibao. Augwaligo te doloba pai bidi dabe ela silali, te wiegi yai bidi Abel gagalasa pelama, te Sekaraia teba usu nigi palio, te Berekiago ogwa, aga dagego te Moni Lotu Be tempel tomode ela muani, te dwasianu be dąį togali me te ofa muabo sai te si tomode dagego Sekaraia ela muani.

Kraisgo Geme Dualali Sę Pedelabo Po Jonbolo Ola Mani 2:20

Tiali goli, eno te po me nage dali elalubao. Nago te we Jesebel nage dali bidibo we, agai ola mabo po dagego odobo dao. Te wego te po wabo dao, ‘Ena da, te Godigo nosali yabo sę po megi pusubo we dao.’ Tiali goli agai eno sę bidi dabebolo te penani ebo kolesaga wali pomainogo ola mayu, tama augwaligo te tibo god dabebolo ula mani nai tumainogo ebo dao. Te kolesagade te wego augwali ili po ola mabo dao.

Te Israel me Juda Hani Sigo Tuni Bidigo Po Elalubo Buku Si 10:10

Tiali goli, tego da e tama ola mawai, tigidali po te Genuai Bidigo te Ahapgo hani dali polobadu wai po naga dao, te mu te pedalobo sę naga ebao. Te Godigo sę ebo profet bidi Elaijago pedauwalidu wali te dąų wali poba te megi Genuai Bidi usu na silibao,” wali.

Tuni Bidi Dabego Po Elalubo Buku Si 22:7

Godigo polo koneani, king Ahasiago Joram sugi paibao wali, tama agai te sogo agai Ahasia dolaibao homu yali. Tama Ahasia aga te Joram dali bidibadi, augwali sigo te Nimsigo ogwa Jehu suali. Jehu aga te Genuai Bidi aga digi te Ahapgo hani dolomainu sa muai bidi dao.

Jeremaia 26:5

‘Te eno sę bidi, te eno profet dabego, dagebolo mabo po tigidali te wali pao. Hauwa sogo eno te profet dabe tagala palama, te dageba po pusagasali, tiali goli, dagego augwaligo po wali me pabeo.

Te Israel me Juda Hani Sigo Tuni Bidigo Po Elalubo Buku Si 10:11

Tama tialima, nosali Jehugo te Ahapgo hani te Jesril taunde bidali deli hani te Jehugo ela silali. Me te aga sę ebo gavman bidi me, me aga dwagi yai hai namu me, tama me te pris bidi dabe me, tama te bage augwali tigidali te Jehugo augwali me deli me bidibo sula tagalobe. Mu meni.